헬라어 문장 검색 - Διονψσ́Αντιθυί2́45́

(디오니시오스, Antiquitates Romanae, book 2, chapter 45)

ἐν ᾧ δὲ ἀμφότεροι ταῦτα διαλογιζόμενοι καὶ οὔτε μάχησ ἄρχειν τολμῶντεσ οὔτε περὶ φιλίασ διαλεγόμενοι παρεῖλκον τὸν χρόνον, αἱ Ῥωμαίων γυναῖκεσ ὅσαι τοῦ Σαβίνων ἐτύγχανον οὖσαι γένουσ, δι’ ἃσ ὁ πόλεμοσ συνειστήκει, συνελθοῦσαι δίχα τῶν ἀνδρῶν εἰσ ἓν χωρίον καὶ λόγον ἑαυταῖσ δοῦσαι γνώμην ἐποιήσαντο συμβατηρίων ἄρξαι πρὸσ ἀμφοτέρουσ αὐταὶ λόγων. ἡ δὲ τοῦτο εἰσηγησαμένη τὸ βούλευμα ταῖσ γυναιξὶν Ἑρσιλία μὲν ἐκαλεῖτο, γένουσ δ’ οὐκ ἀφανοῦσ ἦν ἐν Σαβίνοισ.

ταύτην δ’ οἱ μέν φασι γεγαμημένην ἤδη σὺν ταῖσ ἄλλαισ ἁρπασθῆναι κόραισ ὡσ παρθένον, οἱ δὲ τὰ πιθανώτατα γράφοντεσ ἑκοῦσαν ὑπομεῖναι λέγουσι μετὰ θυγατρόσ· ἁρπασθῆναι γὰρ δὴ κἀκείνησ θυγατέρα μονογενῆ. ὡσ δὲ ταύτην ἔσχον τὴν γνώμην αἱ γυναῖκεσ ἧκον ἐπὶ τὸ συνέδριον καὶ τυχοῦσαι λόγου μακρὰσ ἐξέτειναν δεήσεισ, ἐπιτροπὴν ἀξιοῦσαι λαβεῖν τῆσ πρὸσ τοὺσ συγγενεῖσ ἐξόδου, πολλὰσ καὶ ἀγαθὰσ ἐλπίδασ ἔχειν λέγουσαι περὶ τοῦ συνάξειν εἰσ ἓν τὰ ἔθνη καὶ ποιήσειν φιλίαν.

ὡσ δὲ ταῦτ’ ἤκουσαν οἱ συνεδρεύοντεσ τῷ βασιλεῖ σφόδρα τε ἠγάσθησαν καὶ πόρον ὡσ ἐν ἀμηχάνοισ πράγμασι τοῦτον ὑπέλαβον εἶναι μόνον. γίνεται δὴ μετὰ τοῦτο δόγμα τοιόνδε βουλῆσ·

ὅσαι τοῦ Σαβίνων γένουσ ἦσαν ἔχουσαι τέκνα, ταύταισ ἐξουσίαν εἶναι καταλιπούσαισ τὰ τέκνα παρὰ τοῖσ ἀνδράσι πρεσβεύειν ὡσ τοὺσ ὁμοεθνεῖσ, ὅσαι δὲ πλειόνων παίδων μητέρεσ ἦσαν ἐπάγεσθαι μοῖραν ἐξ αὐτῶν ὁσηνδήτινα καὶ πράττειν ὅπωσ εἰσ φιλίαν συνάξουσι τὰ ἔθνη. μετὰ τοῦτο ἐξῄεσαν ἐσθῆτασ ἔχουσαι πενθίμουσ, τινὲσ δὲ αὐτῶν καὶ τέκνα νήπια ἐπαγόμεναι.

καὶ τὰ δάκρυα κατέχειν οὐδεὶσ ἱκανὸσ ἦν.

συναχθέντοσ δὲ αὐταῖσ τοῦ συνεδρίου τῶν προβούλων καὶ κελεύσαντοσ τοῦ βασιλέωσ ὑπὲρ ὧν ἥκουσι λέγειν ἡ τοῦ βουλεύματοσ ἄρξασα καὶ τὴν ἡγεμονίαν ἔχουσα τῆσ πρεσβείασ Ἑρσιλία μακρὰν καὶ συμπαθῆ διεξῆλθε δέησιν, ἀξιοῦσα χαρίσασθαι τὴν εἰρήνην ταῖσ δεομέναισ ὑπὲρ τῶν ἀνδρῶν, δι’ ἃσ ἐξενηνέχθαι τὸν πόλεμον ἀπέφαινεν· ἐφ’ οἷσ δὲ γενήσονται δικαίοισ αἱ διαλύσεισ, τοὺσ ἡγεμόνασ αὐτοὺσ συνελθόντασ ἐφ’ ἑαυτῶν διομολογήσασθαι πρὸσ τὸ κοινῇ συμφέρον ὁρῶντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 45

(디오니시오스, Antiquitates Romanae, book 2, chapter 45)

상위

목록

SEARCH

MENU NAVIGATION