헬라어 문장 검색 - Διονψσ́Αντιθυί2́34́

(디오니시오스, Antiquitates Romanae, book 2, chapter 34)

τοῦτον δὲ τὸν τρόπον ἁλούσησ τῆσ πόλεωσ τὰ ὅπλα παραδοῦναι τοὺσ ἁλόντασ κελεύσασ καὶ παῖδασ εἰσ ὁμηρείαν, οὓσ ἐβούλετο, λαβὼν ἐπὶ τοὺσ Ἀντεμνάτασ ἐχώρει. γενόμενοσ δὲ καὶ τῆσ ἐκείνων δυνάμεωσ ἐσκεδασμένησ ἔτι κατὰ τὰσ προνομὰσ τῇ παρ’ ἐλπίδασ ἐφόδῳ καθάπερ καὶ τῆσ προτέρασ ἐγκρατὴσ καὶ τὰ αὐτὰ τοὺσ ἁλόντασ διαθεὶσ ἀπῆγεν ἐπ’ οἴκου τὴν δύναμιν, ἄγων σκῦλά τε ἀπὸ τῶν πεπτωκότων κατὰ τὴν μάχην καὶ ἀκροθίνια λαφύρων θεοῖσ, καὶ πολλὰσ ἅμα τούτοισ θυσίασ ἐποιήσατο. τελευταῖοσ δὲ τῆσ πομπῆσ αὐτὸσ ἐπορεύετο ἐσθῆτα μὲν ἠμφιεσμένοσ ἁλουργῆ, δάφνῃ δὲ κατεστεμμένοσ τὰσ κόμασ καὶ ἵνα τὸ βασίλειον ἀξίωμα σώζῃ τεθρίππῳ παρεμβεβηκώσ.

ἡ δ’ ἄλλη δύναμισ αὐτῷ παρηκολούθει πεζῶν τε καὶ ἱππέων κεκοσμημένη κατὰ τέλη θεούσ τε ὑμνοῦσα πατρίοισ ᾠδαῖσ καὶ τὸν ἡγεμόνα κυδαίνουσα ποιήμασιν αὐτοσχεδίοισ. οἱ δ’ ἐκ τῆσ πόλεωσ ὑπήντων αὐτοῖσ ἅμα γυναιξί τε καὶ τέκνοισ παρ’ ἄμφω τὰ μέρη τῆσ ὁδοῦ τῇ τε νίκῃ συνηδόμενοι καὶ τὴν ἄλλην ἅπασαν ἐνδεικνύμενοι φιλοφροσύνην.

οϊνῳ κεκραμένοισ καὶ τραπέζαισ τροφῆσ παντοίασ γεμούσαισ, αἳ παρὰ τὰσ ἐπιφανεστάτασ τῶν οἰκιῶν ἔκειντο, ἵνα ἐμφορεῖσθαι τοῖσ βουλομένοισ ᾖ.

ἡ μὲν οὖν ἐπινίκιόσ τε καὶ τροπαιοφόροσ πομπὴ καὶ θυσία, ἣν καλοῦσι Ῥωμαῖοι θρίαμβον, ὑπὸ Ῥωμύλου πρώτου κατασταθεῖσα τοιαύτη τισ ἦν·

ἐν δὲ τῷ καθ’ ἡμᾶσ βίῳ πολυτελὴσ γέγονε καὶ ἀλαζὼν εἰσ πλούτου μᾶλλον ἐπίδειξιν ἢ δόκησιν ἀρετῆσ ἐπιτραγῳδουμένη καὶ καθ’ ἅπασαν ἰδέαν ἐκβέβηκε τὴν ἀρχαίαν εὐτέλειαν. μετὰ δὲ τὴν πομπήν τε καὶ θυσίαν νεὼν κατασκευάσασ ὁ Ῥωμύλοσ ἐπὶ τῆσ κορυφῆσ τοῦ Καπιτωλίου Διόσ, ὃν ἐπικαλοῦσι Ῥωμαῖοι φερέτριον, οὐ μέγαν·

ἔτι γὰρ αὐτοῦ σώζεται τὸ ἀρχαῖον ἴχνοσ ἐλάττονασ ἢ πέντε ποδῶν καὶ δέκα τὰσ μείζουσ πλευρὰσ ἔχον· ἐν τούτῳ καθιέρωσε τὰ σκῦλα τοῦ Καινινιτῶν βασιλέωσ, ὃν αὐτοχειρίᾳ κατειργάσατο. τισ τροπαιοῦχον εἴτε σκυλοφόρον καλεῖν ὡσ ἀξιοῦσί τινεσ εἴθ’, ὅτι πάντων ὑπερέχει καὶ πᾶσαν ἐν κύκλῳ περιείληφε τὴν τῶν ὄντων φύσιν τε καὶ κίνησιν, ὑπερφερέτην οὐχ ἁμαρτήσεται τῆσ ἀληθείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 34

(디오니시오스, Antiquitates Romanae, book 2, chapter 34)

상위

목록

SEARCH

MENU NAVIGATION