헬라어 텍스트

Dionysius of Halicarnassus, Antiquitates Romanae, book 2, chapter 31

(디오니시오스, Antiquitates Romanae, book 2, chapter 31)

ταῦτα δὲ γενέσθαι τινὲσ μὲν γράφουσι κατὰ τὸν πρῶτον ἐνιαυτὸν τῆσ Ῥωμύλου ἀρχῆσ, Γναῖοσ δὲ Γέλλιοσ κατὰ τὸν τέταρτον· ὃ καὶ μᾶλλον εἰκόσ. νέον γὰρ οἰκιζομένησ πόλεωσ ἡγεμόνα πρὶν ἢ καταστήσασθαι τὴν πολιτείαν ἔργῳ τηλικούτῳ ἐπιχειρεῖν οὐκ ἔχει λόγον. συγκατεθέμην, εἰσ τὸ συνάψαι φιλότητα πρὸσ τὰσ πλησιοχώρουσ πόλεισ ἀναγκαίαν.

τὴν δὲ τότε ὑπὸ Ῥωμύλου καθιερωθεῖσαν ἑορτὴν ἔτι καὶ εἰσ ἐμὲ ἄγοντεσ Ῥωμαῖοι διετέλουν Κωνσουάλια καλοῦντεσ, ἐν ᾗ βωμόσ τε ὑπόγειοσ ἱδρυμένοσ παρὰ τῷ μεγίστῳ τῶν ἱπποδρόμων περισκαφείσησ τῆσ γῆσ θυσίαισ τε καὶ ὑπερπύροισ ἀπαρχαῖσ γεραίρεται, καὶ δρόμοσ ἵππων ζευκτῶν τε καὶ ἀζεύκτων ἐπιτελεῖται.

καλεῖται δὲ ὁ θεόσ, ᾧ ταῦτ’ ἐπιτελοῦσι, Κῶνσοσ ὑπὸ Ῥωμαίων, ὃν ἐξερμηνεύοντεσ εἰσ τὴν ἡμετέραν γλῶτταν Ποσειδῶνα σεισίχθονά φασιν εἶναί τινεσ καὶ διὰ τοῦτο ὑπογείῳ τετιμῆσθαι βωμῷ λέγουσιν, ὅτι τὴν γῆν ὁ θεὸσ οὗτοσ ἔχει. ἐγὼ δὲ καὶ ἕτερον οἶδα λόγον ἀκούων, ὡσ τῆσ μὲν ἑορτῆσ τῷ Ποσειδῶνι ἀγομένησ καὶ τοῦ δρόμου τῶν ἵππων τούτῳ τῷ θεῷ γινομένου, τοῦ δὲ καταγείου βωμοῦ δαίμονι ἀρρήτῳ τινὶ βουλευμάτων κρυφίων ἡγεμόνι καὶ φύλακι κατασκευασθέντοσ ὕστερον·

Ποσειδῶνι γὰρ ἀφανῆ βωμὸν οὐδαμόθι γῆσ οὔθ’ ὑφ’ Ἑλλήνων οὔθ’ ὑπὸ βαρβάρων καθιδρῦσθαι·

τὸ δ’ ἀληθὲσ ὅπωσ ἔχει χαλεπὸν εἰπεῖν.