헬라어 문장 검색 - Διονψσ́Αντιθυί2́30́

(디오니시오스, Antiquitates Romanae, book 2, chapter 30)

αἱ δὲ ἄλλαι πράξεισ αἵ τε κατὰ τοὺσ πολέμουσ ὑπὸ τοῦ ἀνδρὸσ γενόμεναι καὶ αἱ κατὰ τὴν πόλιν, ὧν ἄν τισ καὶ λόγον ποιήσαιτ’ ἐν ἱστορίασ γραφῇ, τοιαῦταί τινεσ παραδίδονται. πολλῶν περιοικούντων τὴν Ῥώμην ἐθνῶν μεγάλων τε καὶ τὰ πολέμια ἀλκίμων, ὧν οὐδὲν ἦν τοῖσ Ῥωμαίοισ φίλιον, οἰκειώσασθαι ταῦτα βουληθεὶσ ἐπιγαμίαισ, ὅσπερ ἐδόκει τοῖσ παλαιοῖσ τρόποσ εἶναι βεβαιότατοσ τῶν συναπτόντων φιλίασ, ἐνθυμούμενοσ δὲ ὅτι βουλόμεναι μὲν αἱ πόλεισ οὐκ ἂν συνέλθοιεν αὐτοῖσ ἄρτι τε συνοικιζομένοισ καὶ οὔτε χρήμασι δυνατοῖσ οὔτε λαμπρὸν ἔργον ἐπιδεδειγμένοισ οὐδέν, βιασθεῖσαι δὲ εἴξουσιν εἰ μηδεμία γένοιτο περὶ τὴν ἀνάγκην ὕβρισ, γνώμην ἔσχεν, ᾗ καὶ Νεμέτωρ ὁ πάπποσ αὐτοῦ προσέθετο, δἰ ἁρπαγῆσ παρθένων ἀθρόασ γενομένησ ποιήσασθαι τὰσ ἐπιγαμίασ.

γνοὺσ δὲ ταῦτα θεῷ μὲν εὐχὰσ τίθεται πρῶτον ἀπορρήτων βουλευμάτων ἡγεμόνι, ἐὰν ἡ πεῖρα αὐτῷ χωρήσῃ κατὰ νοῦν θυσίασ καὶ ἑορτὰσ ἄξειν καθ’ ἕκαστον ἐνιαυτόν·

ἔπειτα τῷ συνεδρίῳ τῆσ γερουσίασ ἀνενέγκασ τὸν λόγον, ἐπειδὴ κἀκείνοισ τὸ βούλευμα ἤρεσκεν, ἑορτὴν προεῖπε καὶ πανήγυριν ἄξειν Ποσειδῶνι καὶ περιήγγελλεν εἰσ τὰσ ἔγγιστα πόλεισ καλῶν τοὺσ βουλομένουσ ἀγορᾶσ τε μεταλαμβάνειν καὶ ἀγώνων·

καὶ γὰρ ἀγῶνασ ἄξειν ἔμελλεν ἵππων τε καὶ ἀνδρῶν παντοδαπούσ. συνελθόντων δὲ πολλῶν ξένων εἰσ τὴν ἑορτὴν γυναιξὶν ἅμα καὶ τέκνοισ, ἐπειδὴ τάσ τε θυσίασ ἐπετέλεσε τῷ Ποσειδῶνι καὶ τοὺσ ἀγῶνασ, τῇ τελευταίᾳ τῶν ἡμερῶν, ᾗ διαλύσειν ἔμελλε τὴν πανήγυριν, παράγγελμα δίδωσι τοῖσ νέοισ, ἡνίκ’ ἂν αὐτὸσ ἄρῃ τὸ σημεῖον ἁρπάζειν τὰσ παρούσασ ἐπὶ τὴν θέαν παρθένουσ, αἷσ ἂν ἐπιτύχωσιν ἕκαστοι, καὶ φυλάττειν ἁγνὰσ ἐκείνην τὴν νύκτα, τῇ δ’ ἑξῆσ ἡμέρᾳ πρὸσ ἑαυτὸν ἄγειν.

οἱ μὲν δὴ νέοι διαστάντεσ κατὰ συστροφάσ, ἐπειδὴ τὸ σύνθημα ἀρθὲν εἶδον τρέπονται πρὸσ τὴν τῶν παρθένων ἁρπαγήν, ταραχὴ δὲ τῶν ξένων εὐθὺσ ἐγένετο καὶ φυγὴ μεῖζόν τι κακὸν ὑφορωμένων.

τῇ δ’ ἑξῆσ ἡμέρᾳ προαχθεισῶν τῶν παρθένων, παραμυθησάμενοσ αὐτῶν τὴν ἀθυμίαν ὁ Ῥωμύλοσ, ὡσ οὐκ ἐφ’ ὕβρει τῆσ ἁρπαγῆσ ἀλλ’ ἐπὶ γάμῳ γενομένησ, Ἑλληνικόν τε καὶ ἀρχαῖον ἀποφαίνων τὸ ἔθοσ καὶ τρόπων συμπάντων καθ’ οὓσ συνάπτονται γάμοι ταῖσ γυναιξὶν ἐπιφανέστατον, ἠξίου στέργειν τοὺσ δοθέντασ αὐταῖσ ἄνδρασ ὑπὸ τῆσ τύχησ·

καὶ μετὰ τοῦτο διαριθμήσασ τὰσ κόρασ ἑξακοσίασ τε καὶ ὀγδοήκοντα καὶ τρεῖσ εὑρεθείσασ κατέλεξεν αὖθισ ἐκ τῶν ἀγάμων ἄνδρασ ἰσαρίθμουσ, οἷσ αὐτὰσ συνήρμοττε κατὰ τοὺσ πατρίουσ ἑκάστησ ἐθισμούσ, ἐπὶ κοινωνίᾳ πυρὸσ καὶ ὕδατοσ ἐγγυῶν τοὺσ γάμουσ, ὡσ καὶ μέχρι τῶν καθ’ ἡμᾶσ ἐπιτελοῦνται χρόνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 30

(디오니시오스, Antiquitates Romanae, book 2, chapter 30)

상위

목록

SEARCH

MENU NAVIGATION