헬라어 텍스트

Dionysius of Halicarnassus, Antiquitates Romanae, book 2, chapter 29

(디오니시오스, Antiquitates Romanae, book 2, chapter 29)

τῶν δ’ εἰσ ἀλλήλουσ ἀδικημάτων οὐ χρονίουσ ἀλλὰ ταχείασ ἐποιεῖτο τὰσ κρίσεισ τὰ μὲν αὐτὸσ διαιτῶν, τὰ δ’ ἄλλοισ ἐπιτρέπων, καὶ τὰσ τιμωρίασ αὐτῶν πρὸσ τὰ μεγέθη τῶν ἁμαρτημάτων ἐποιεῖτο. ἀποτρέπειν τε ἀνθρώπουσ ἀπὸ παντὸσ ἔργου πονηροῦ τὸν φόβον μάλιστα δυνάμενον ὁρῶν πολλὰ εἰσ τοῦτο παρεσκευάσατο χωρίον τε, ἐν ᾧ καθεζόμενοσ ἐδίκαζεν, ἐν τῷ φανερωτάτῳ τῆσ ἀγορᾶσ καὶ στρατιωτῶν, οἳ παρηκολούθουν αὐτῷ τριακόσιοι τὸν ἀριθμὸν ὄντεσ, καταπληκτικώτατοι τὴν πρόσοψιν, ῥάβδουσ τε καὶ πελέκεισ ὑπ’ ἀνδρῶν δώδεκα φερομένουσ, οἷσ τοὺσ μὲν ἄξια μαστίγων δεδρακότασ ἔξαινον ἐν ἀγορᾷ, τῶν δὲ τὰ μέγιστα ἠδικηκότων τοὺσ τραχήλουσ ἀπέκοπτον ἐν τῷ φανερῷ. τοιοῦτοσ μὲν δή τισ ὁ κόσμοσ ἦν τῆσ κατασκευασθείσησ ὑπὸ Ῥωμύλου πολιτείασ·

ἀπόχρη γὰρ ἐκ τούτων καὶ περὶ τῶν ἄλλων εἰκάσαι.