헬라어 문장 검색 - Διονψσ́Αντιθυί2́26́

(디오니시오스, Antiquitates Romanae, book 2, chapter 26)

ἃ μὲν οὖν εἰσ γυναῖκασ εὖ ἔχοντα ὁ Ῥωμύλοσ ἐνομοθέτησεν, ἐξ ὧν κοσμιωτέρασ περὶ τοὺσ ἄνδρασ αὐτὰσ ἀπειργάσατο, ταῦτ’ ἐστιν, ἃ δ’ εἰσ αἰδῶ καὶ δικαιοσύνην παίδων, ἵνα σέβωσι τοὺσ πατέρασ ἅπαντα πράττοντέσ τε καὶ λέγοντεσ ὅσα ἂν ἐκεῖνοι κελεύωσιν, ἔτι τούτων ἦν σεμνότερα καὶ μεγαλοπρεπέστερα καὶ πολλὴν ἔχοντα παρὰ τοὺσ ἡμετέρουσ νόμουσ διαφοράν. τὰ ἀρχεῖα τὰ δημόσια ἐγγραφῆσ, ὡσ ἐκ τῆσ Σόλωνοσ καὶ Πιττακοῦ καὶ Χαρώνδου νομοθεσίασ ἔμαθον, οἷσ πολλὴ μαρτυρεῖται σοφία·

τιμωρίασ τε κατὰ τῶν παίδων ἔταξαν, ἐὰν ἀπειθῶσι τοῖσ πατράσιν, οὐ βαρείασ ἐξελάσαι τῆσ οἰκίασ ἐπιτρέψαντεσ αὐτοὺσ καὶ χρήματα μὴ καταλιπεῖν, περαιτέρω δὲ οὐδέν.

εἰσὶ δ’ οὐχ ἱκαναὶ κατασχεῖν ἄνοιαν νεότητοσ καὶ αὐθάδειαν τρόπων οὐδ’ εἰσ τὸ σῶφρον ἀγαγεῖν τοὺσ ἠμεληκότασ τῶν καλῶν αἱ μαλακαὶ τιμωρίαι· τοιγάρτοι πολλὰ ἐν Ἕλλησιν ὑπὸ τέκνων εἰσ πατέρασ ἀσχημονεῖται. ὁ δὲ τῶν Ῥωμαίων νομοθέτησ ἅπασαν ὡσ εἰπεῖν ἔδωκεν ἐξουσίαν πατρὶ καθ’ υἱοῦ καὶ παρὰ πάντα τὸν τοῦ βίου χρόνον, ἐάν τε εἴργειν, ἐάν τε μαστιγοῦν, ἐάν τε δέσμιον ἐπὶ τῶν κατ’ ἀγρὸν ἔργων κατέχειν, ἐάν τε ἀποκτιννύναι προαιρῆται, κἂν τὰ πολιτικὰ πράττων ὁ παῖσ ἤδη τυγχάνῃ κἂν ἐν ἀρχαῖσ ταῖσ μεγίσταισ ἐξεταζόμενοσ κἂν διὰ τὴν εἰσ τὰ κοινὰ φιλοτιμίαν ἐπαινούμενοσ.

κατὰ τοῦτόν γέ τοι τὸν νόμον ἄνδρεσ ἐπιφανεῖσ δημηγορίασ διεξιόντεσ ἐπὶ τῶν ἐμβόλων ἐναντίασ μὲν τῇ βουλῇ, κεχαρισμένασ δὲ τοῖσ δημοτικοῖσ, καὶ σφόδρα εὐδοκιμοῦντεσ ἐπὶ ταύταισ κατασπασθέντεσ ἀπὸ τοῦ βήματοσ ἀπήχθησαν ὑπὸ τῶν πατέρων, ἣν ἂν ἐκείνοισ φανῇ τιμωρίαν ὑφέξοντεσ·

οὓσ ἀπαγομένουσ διὰ τῆσ ἀγορᾶσ οὐδεὶσ τῶν παρόντων ἐξελέσθαι δυνατὸσ ἦν οὔτε ὕπατοσ οὔτε δήμαρχοσ οὔτε ὁ κολακευόμενοσ ὑπ’ αὐτῶν καὶ πᾶσαν ἐξουσίαν ἐλάττω τῆσ ἰδίασ εἶναι νομίζων ὄχλοσ.

ἐῶ γὰρ λέγειν ὅσουσ ἀπέκτειναν οἱ πατέρεσ ἄνδρασ ἀγαθοὺσ ὑπ’ ἀρετῆσ καὶ προθυμίασ ἕτερόν τι διαπράξασθαι ἔργον γενναῖον προαχθέντασ, ὃ μὴ προσέταξαν αὐτοῖσ οἱ πατέρεσ, καθάπερ ἐπὶ Μαλλίου Τορκουάτου καὶ πολλῶν ἄλλων παρειλήφαμεν, ὑπὲρ ὧν κατὰ τὸν οἰκεῖον καιρὸν ἐρῶ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 26

(디오니시오스, Antiquitates Romanae, book 2, chapter 26)

상위

목록

SEARCH

MENU NAVIGATION