헬라어 문장 검색 - Διονψσ́Αντιθυί2́17́

(디오니시오스, Antiquitates Romanae, book 2, chapter 17)

τὰ δὲ Ἑλλήνων ἔθη παρὰ ταῦτα ἐξετάζων οὐκ ἔχω πῶσ ἐπαινέσω τά τε Λακεδαιμονίων καὶ τὰ τῶν Θηβαίων καὶ τῶν μέγιστον ἐπὶ σοφίᾳ φρονούντων Ἀθηναίων, οἳ φυλάττοντεσ τὸ εὐγενὲσ καὶ μηδενὶ μεταδιδόντεσ εἰ μὴ σπανίοισ τῆσ παρ’ ἑαυτοῖσ πολιτείασ ἑ̓ῶ γὰρ λέγειν ὅτι καὶ ξενηλατοῦντεσ ἔνιοἰ πρὸσ τῷ μηδὲν ἀπολαῦσαι ταύτησ τῆσ μεγαληγορίασ ἀγαθὸν καὶ τὰ μέγιστα δι’ αὐτὴν ἐβλάβησαν. Σπαρτιᾶται μέν γε πταίσαντεσ μάχῃ τῇ περὶ Λεῦκτρα, ἐν ᾗ χιλίουσ καὶ ἑπτακοσίουσ ἄνδρασ ἀπέβαλον, οὐκέτι τὴν πόλιν ἠδυνήθησαν ἐκ τῆσ συμφορᾶσ ταύτησ ἀναλαβεῖν, ἀλλ’ ἀπέστησαν τῆσ ἡγεμονίασ σὺν αἰσχύνῃ.

Θηβαῖοι δὲ καὶ Ἀθηναῖοι ἐξ ἑνὸσ τοῦ περὶ Χαιρώνειαν ἀτυχήματοσ ἅμα τήν τε προστασίαν τῆσ Ἑλλάδοσ καὶ τὴν ἐλευθερίαν τὴν πάτριον ὑπὸ Μακεδόνων ἀφῃρέθησαν. ἡ δὲ Ῥωμαίων πόλισ ἐν Ἰβηρίᾳ τε καὶ Ἰταλίᾳ πολέμουσ ἔχουσα μεγάλουσ Σικελίαν τε ἀφεστῶσαν ἀνακτωμένη καὶ Σαρδόνα καὶ τῶν ἐν Μακεδονίᾳ καὶ κατὰ τὴν Ἑλλάδα πραγμάτων ἐκπεπολεμωμένων πρὸσ αὐτὴν καὶ Καρχηδόνοσ ἐπὶ τὴν ἡγεμονίαν πάλιν ἀνισταμένησ καὶ τῆσ Ἰταλίασ οὐ μόνον ἀφεστώσησ ὀλίγου δεῖν πάσησ, ἀλλὰ καὶ συνεπαγούσησ τὸν Ἀννιβιακὸν κληθέντα πόλεμον, τοσούτοισ περιπετὴσ γενομένη κινδύνοισ κατὰ τὸν αὐτὸν χρόνον οὐχ ὅπωσ ἐκακώθη διὰ τὰσ τότε τύχασ, ἀλλὰ καὶ προσέλαβεν ἰσχὺν ἐξ αὐτῶν ἔτι μείζονα τῆσ προτέρασ τῷ πλήθει τοῦ στρατιωτικοῦ πρὸσ ἅπαντα διαρκὴσ γενομένη τὰ δεινά, ἀλλ’ οὐχ ὥσπερ ὑπολαμβάνουσί τινεσ εὐνοίᾳ τύχησ χρησαμένη·

ἐπεὶ ταύτησ γε χάριν ᾤχετ’ ἂν ὑποβρύχιοσ ἐξ ἑνὸσ τοῦ περὶ Κάννασ πτώματοσ, ὅτε αὐτῇ ἀπὸ μὲν ἑξακισχιλίων ἱππέων ἑβδομήκοντα καὶ τριακόσιοι περιελείφθησαν, ἀπὸ δὲ μυριάδων ὀκτὼ τῶν εἰσ τὸ κοινὸν στράτευμα καταγραφεισῶν ὀλίγῳ πλείουσ τρισχιλίων ἐσώθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 17

(디오니시오스, Antiquitates Romanae, book 2, chapter 17)

상위

목록

SEARCH

MENU NAVIGATION