헬라어 문장 검색 - Διονψσ́Αντιθυί2́12́

(디오니시오스, Antiquitates Romanae, book 2, chapter 12)

ὁ δὲ Ῥωμύλοσ ἐπειδὴ ταῦτα διεκόσμησε βουλευτὰσ εὐθὺσ ἔγνω καταστήσασθαι, μεθ’ ὧν πράττεῖν τὰ κοινὰ ἔμελλεν, ἐκ τῶν πατρικίων ἄνδρασ ἑκατὸν ἐπιλεξάμενοσ. ἐποιεῖτο δὲ αὐτῶν τοιάνδε τὴν διαίρεσιν· αὐτὸσ μὲν ἐξ ἁπάντων ἕνα τὸν ἄριστον ἀπέδειξεν, ᾧ τὰσ κατὰ πόλιν ᾤετο δεῖν ἐπιτρέπειν οἰκονομίασ, ὅτε αὐτὸσ ἐξάγοι στρατιὰν ὑπερόριον· τῶν δὲ φυλῶν ἑκάστῃ προσέταξε τρεῖσ ἄνδρασ ἑλέσθαι τοὺσ ἐν τῇ φρονιμωτάτῃ τότε ὄντασ ἡλικίᾳ καὶ δι’ εὐγένειαν ἐπιφανεῖσ.

μετὰ δὲ τοὺσ ἐννέα τούτουσ ἑκάστην φράτραν πάλιν ἐκέλευσε τρεῖσ ἐκ τῶν πατρικίων ἀποδεῖξαι τοὺσ ἐπιτηδειοτάτουσ· ἐννέα τοῖσ ὑπὸ τῶν φυλῶν ἀποδειχθεῖσι τοὺσ ἐνενήκοντα προσθείσ, οὓσ αἱ φρᾶτραι προεχειρίσαντο, καὶ τούτων, ὃν αὐτὸσ προέκρινεν, ἡγεμόνα ποιήσασ τὸν τῶν ἑκατὸν ἐξεπλήρωσε βουλευτῶν ἀριθμόν.

τοῦτο τὸ συνέδριον Ἑλληνιστὶ ἑρμηνευόμενον γερουσίαν δύναται δηλοῦν καὶ μέχρι τοῦ παρόντοσ ὑπὸ Ῥωμαίων οὕτωσ καλεῖται.

πότερον δὲ διὰ γῆρασ τῶν καταλεγέντων εἰσ αὐτὸ ἀνδρῶν ἢ δι’ ἀρετὴν ταύτησ ἔτυχε τῆσ ἐπικλήσεωσ οὐκ ἔχω τὸ σαφὲσ εἰπεῖν. καὶ γὰρ τοὺσ πρεσβυτέρουσ καὶ τοὺσ ἀρίστουσ γέροντασ εἰώθεσαν οἱ παλαιοὶ καλεῖν. οἱ δὲ μετέχοντεσ τοῦ βουλευτηρίου πατέρεσ ἔγγραφοι προσηγορεύθησαν καὶ μέχρισ ἐμοῦ ταύτησ ἐτύγχανον τῆσ προσηγορίασ. Ἑλληνικὸν δὲ ἄρα καὶ τοῦτο τὸ ἔθοσ ἦν.

τοῖσ γοῦν βασιλεῦσιν, ὅσοι τε πατρίουσ ἀρχὰσ παραλάβοιεν καὶ ὅσουσ ἡ πληθὺσ αὐτὴ καταστήσαιτο ἡγεμόνασ, βουλευτήριον ἦν ἐκ τῶν κρατίστων, ὡσ Ὅμηρόσ τε καὶ οἱ παλαιότατοι τῶν ποιητῶν μαρτυροῦσι· ὥσπερ ἐν τοῖσ καθ’ ἡμᾶσ χρόνοισ αὐθάδεισ καὶ μονογνώμονεσ ἦσαν αἱ τῶν ἀρχαίων βασιλέων δυναστεῖαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 12

(디오니시오스, Antiquitates Romanae, book 2, chapter 12)

상위

목록

SEARCH

MENU NAVIGATION