헬라어 문장 검색 - Διονψσ́Αντιθυί2́06́

(디오니시오스, Antiquitates Romanae, book 2, chapter 6)

τότε δ’ οὖν ὁ Ῥωμύλοσ ἐπειδὴ τὰ παρὰ τοῦ δαιμονίου βέβαια προσέλαβε, συγκαλέσασ τὸν δῆμον εἰσ ἐκκλησίαν καὶ τὰ μαντεῖα δηλώσασ βασιλεὺσ ἀποδείκνυται πρὸσ αὐτῶν καὶ κατεστήσατο ἐν ἔθει τοῖσ μετ’ αὐτὸν ἅπασι μήτε βασιλείασ μήτε ἀρχὰσ λαμβάνειν, ἐὰν μὴ καὶ τὸ δαιμόνιον αὐτοῖσ ἐπιθεσπίσῃ, διέμεινέ τε μέχρι πολλοῦ φυλαττόμενον ὑπὸ Ῥωμαίων τὸ περὶ τοὺσ οἰωνισμοὺσ νόμιμον, οὐ μόνον βασιλευομένησ τῆσ πόλεωσ, ἀλλὰ καὶ μετὰ κατάλυσιν τῶν μονάρχων ἐν ὑπάτων καὶ στρατηγῶν καὶ τῶν ἄλλων τῶν κατὰ νόμουσ ἀρχόντων αἱρέσει. πέπαυται δ’ ἐν τοῖσ καθ’ ἡμᾶσ χρόνοισ, πλὴν οἱο͂ν εἰκών τισ αὐτοῦ λείπεται τῆσ ὁσίασ αὐτῆσ ἕνεκα γινομένη.

ἐπαυλίζονται μὲν γὰρ οἱ τὰσ ἀρχὰσ μέλλοντεσ λαμβάνειν καὶ περὶ τὸν ὄρθρον ἀνιστάμενοι ποιοῦνταί τινασ εὐχὰσ ὑπαίθριοι, τῶν δὲ παρόντων τινὲσ ὀρνιθοσκόπων μισθὸν ἐκ τοῦ δημοσίου φερόμενοι ἀστραπὴν αὐτοῖσ μηνύειν ἐκ τῶν ἀριστερῶν φασιν τὴν οὐ γενομένην. οἱ δὲ τὸν ἐκ τῆσ φωνῆσ οἰωνὸν λαβόντεσ ἀπέρχονται τὰσ ἀρχὰσ παραληψόμενοι οἱ μὲν αὐτὸ τοῦθ’ ἱκανὸν ὑπολαμβάνοντεσ εἶναι τὸ μηδένα γενέσθαι τῶν ἐναντιουμένων τε καὶ κωλυόντων οἰωνῶν, οἱ δὲ καὶ παρὰ τὸ βούλημα τοῦ θεοῦ κωλύοντοσ, ἔστι γὰρ ὅτε βιαζόμενοι καὶ τὰσ ἀρχὰσ ἁρπάζοντεσ μᾶλλον ἢ λαμβάνοντεσ.

δἰ οὓσ πολλαὶ μὲν ἐν γῇ στρατιαὶ Ῥωμαίων ἀπώλοντο πανώλεθροι, πολλοὶ δ’ ἐν θαλάττῃ στόλοι διεφθάρησαν αὔτανδροι, ἄλλαι τε μεγάλαι καὶ δειναὶ περιπέτειαι τῇ πόλει συνέπεσον αἱ μὲν ἐν ὀθνείοισ πολέμοισ, αἱ δὲ κατὰ τὰσ ἐμφυλίουσ διχοστασίασ, ἐμφανεστάτη δὲ καὶ μεγίστη καὶ κατὰ τὴν ἐμὴν ἡλικίαν, ὅτε Λικίννιοσ Κρᾶσσοσ ἀνὴρ οὐδενὸσ δεύτεροσ τῶν καθ’ ἑαυτὸν ἡγεμόνων στρατιὰν ἦγεν ἐπὶ τὸ Πάρθων ἔθνοσ, ἐναντιουμένου τοῦ δαιμονίου πολλὰ χαίρειν φράσασ τοῖσ ἀποτρέπουσι τὴν ἔξοδον οἰωνοῖσ μυρίοισ ὅσοισ γενομένοισ.

ἀλλ’ ὑπὲρ μὲν τῆσ εἰσ τὸ δαιμόνιον ὀλιγωρίασ, ᾗ χρῶνταί τινεσ ἐν τοῖσ καθ’ ἡμᾶσ χρόνοισ, πολὺ ἔργον ἂν εἰή λέγειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 6

(디오니시오스, Antiquitates Romanae, book 2, chapter 6)

상위

목록

SEARCH

MENU NAVIGATION