헬라어 문장 검색 - Διοδορ́Βιβλιοτ́2́58́

(디오도로스 시켈로스, Bibliotheca Historica, book 2, chapter 57)

βιοῦν δ’ αὐτοὺσ κατὰ συγγενείασ καὶ συστήματα, συνηγμένων τῶν οἰκείων οὐ πλειόνων ἢ τετρακοσίων· τούτουσ δ’ ἐν τοῖσ λειμῶσι διαζῆν, πολλὰ τῆσ χώρασ ἐχούσησ πρὸσ διατροφήν· διὰ γὰρ τὴν ἀρετὴν τῆσ νήσου καὶ τὴν εὐκρασίαν τοῦ ἀέροσ γεννᾶσθαι τροφὰσ αὐτομάτουσ πλείουσ τῶν ἱκανῶν. φύεσθαι γὰρ παρ’ αὐτοῖσ κάλαμον πολύν, φέροντα καρπὸν δαψιλῆ, παρεμφερῆ τοῖσ λευκοῖσ ὀρόβοισ.

τοῦτον οὖν συναγαγόντεσ βρέχουσιν ἐν ὕδατι θερμῷ, μέχρι ἂν τὸ μέγεθοσ σχῶσιν ὡσ ᾠοῦ περιστερᾶσ· ἔπειτα συνθλάσαντεσ καὶ τρίψαντεσ ἐμπείρωσ ταῖσ χερσὶ διαπλάττουσιν ἄρτουσ, οὓσ ὀπτήσαντεσ σιτοῦνται διαφόρουσ ὄντασ τῇ γλυκύτητι. εἶναι δὲ καὶ πηγὰσ ὑδάτων δαψιλεῖσ, τὰσ μὲν θερμῶν εἰσ λουτρὰ καὶ κόπων ἀφαίρεσιν εὐθέτουσ, τὰσ δὲ ψυχρῶν τῇ γλυκύτητι διαφόρουσ καὶ πρὸσ ὑγίειαν συνεργεῖν δυναμένασ.

ὑπάρχειν δὲ παρ’ αὐτοῖσ καὶ παιδείασ πάσησ ἐπιμέλειαν, μάλιστα δὲ ἀστρολογίασ· γράμμασί τε αὐτοὺσ χρῆσθαι κατὰ μὲν τὴν δύναμιν τῶν σημαινόντων εἴκοσι καὶ ὀκτὼ τὸν ἀριθμόν, κατὰ δὲ τοὺσ χαρακτῆρασ ἑπτά, ὧν ἕκαστον τετραχῶσ μετασχηματίζεσθαι.

γράφουσι δὲ τοὺσ στίχουσ οὐκ εἰσ τὸ πλάγιον ἐκτείνοντεσ, ὥσπερ ἡμεῖσ, ἀλλ’ ἄνωθεν κάτω καταγράφοντεσ εἰσ ὀρθόν. πολυχρονίουσ δ’ εἶναι τοὺσ ἀνθρώπουσ καθ’ ὑπερβολήν, ὡσ ἂν ἄχρι τῶν πεντήκοντα καὶ ἑκατὸν ἐτῶν ζῶντασ καὶ γινομένουσ ἀνόσουσ κατὰ τὸ πλεῖστον. τὸν δὲ πηρωθέντα ἢ καθόλου τι ἐλάττωμα ἔχοντα ἐν τῷ σώματι μεθιστάνειν ἑαυτὸν ἐκ τοῦ ζῆν ἀναγκάζουσι κατά τινα νόμον ἀπότομον.

νόμιμον δ’ αὐτοῖσ ἐστι ζῆν ἄχρι ἐτῶν ὡρισμένων, καὶ τὸν χρόνον τοῦτον ἐκπληρώσαντασ ἑκουσίωσ μεταλλάττειν ἐξηλλαγμένῳ θανάτῳ· φύεσθαι γὰρ παρ’ αὐτοῖσ ἰδιοφυῆ βοτάνην, ἐφ’ ἧσ ὅταν τισ κοιμηθῇ, λεληθότωσ καὶ προσηνῶσ εἰσ ὕπνον κατενεχθεὶσ ἀποθνήσκει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 57

(디오도로스 시켈로스, Bibliotheca Historica, book 2, chapter 57)

상위

목록

SEARCH

MENU NAVIGATION