헬라어 문장 검색 - Διοδορ́Βιβλιοτ́2́54́

(디오도로스 시켈로스, Bibliotheca Historica, book 2, chapter 53)

διὸ καὶ τὸ τῶν ὀρνέων γένοσ πλείστησ θερμασίασ κεκοινωνηκὸσ ἐγένετο διὰ μὲν τὴν κουφότητα πτηνόν, διὰ δὲ τὴν ἀφ’ ἡλίου συνεργίαν ποικίλον, καὶ μάλιστα κατὰ τὰσ προκειμένασ ἡλίῳ χώρασ. ἡ μὲν γὰρ Βαβυλωνία ταώνων ἐκτρέφει πλῆθοσ παντοίαισ χρόαισ ἐπηνθισμένων, αἱ δὲ τῆσ Συρίασ ἐσχατιαὶ ψιττακοὺσ καὶ πορφυρίωνασ καὶ μελεαγρίδασ καὶ ἄλλασ ζῴων ἰδίασ φύσεισ τοῖσ χρώμασι καὶ ποικίλασ συγκρίσεισ.

ὁ δ’ αὐτὸσ λόγοσ καὶ κατὰ τὰσ ἄλλασ χώρασ τῆσ γῆσ τὰσ κατὰ τὴν ὁμοίαν κρᾶσιν κειμένασ, λέγω δ’ Ἰνδικὴν καὶ τὴν Ἐρυθρὰν θάλατταν, ἔτι δὲ Αἰθιοπίαν καί τινα μέρη τῆσ Λιβύησ.

ἀλλὰ τῆσ μὲν πρὸσ ἀνατολὰσ κεκλιμένησ πιοτέρασ οὔσησ εὐγενέστερα καὶ μείζονα φύεται ζῷα·

τῆσ δ’ ἄλλησ ἀεὶ κατὰ τὸν τῆσ ἀρετῆσ λόγον ἕκαστα ταῖσ διαθέσεσι γεννᾶται. ὁμοίωσ δὲ καὶ τῶν δένδρων οἱ φοίνικεσ κατὰ μὲν τὴν Λιβύην αὐχμηροὺσ καὶ μικροὺσ ἐκφέρουσι καρπούσ, τῆσ δὲ Συρίασ κατὰ μὲν τὴν Κοίλην οἱ καρυωτοὶ προσαγορευόμενοι γεννῶνται, διάφοροι κατά τε τὴν γλυκύτητα καὶ τὸ μέγεθοσ, ἔτι δὲ τοὺσ χυμούσ.

τούτων δὲ πολλῷ μείζουσ κατὰ τὴν Ἀραβίαν καὶ τὴν Βαβυλωνίαν ὁρᾶν ἔστι γινομένουσ, κατὰ μὲν τὸ μέγεθοσ ἓξ δακτύλων ὄντασ, τῇ δὲ χρόᾳ τοὺσ μὲν μηλίνουσ, τοὺσ δὲ φοινικοῦσ, ἐνίουσ δὲ πορφυρίζοντασ·

ὥσθ’ ὑπ’ αὐτῶν ἅμα καὶ τὴν ὄψιν τέρπεσθαι καὶ τὴν γεῦσιν ψυχαγωγεῖσθαι. τὰ δὲ στελέχη τῶν φοινίκων τὸ μὲν μῆκοσ ἀέριον ἔχει, τὴν δὲ περιφέρειαν ψιλὴν πανταχόθεν μέχρι τῆσ κορυφῆσ. ἀκρόκομα δ’ ὄντα διαφόρουσ ἔχει τὰσ ἀπὸ τῆσ κόμησ διαθέσεισ·

τὰ μὲν γὰρ πάντῃ τοὺσ ῥάδικασ ἔχει περικεχυμένουσ, καὶ κατὰ μέσον ἔκ τινοσ περιρραγέντοσ φλοιοῦ βοτρυώδη καρπὸν ἀνίησι, τὰ δὲ ἐφ’ ἓν μέροσ ἔχοντα κεκλιμένασ τὰσ ἐπὶ τῆσ κορυφῆσ κόμασ σχηματισμὸν ἀποτελεῖ λαμπάδοσ ἀπαιθυσσομένησ, ἔνια δ’ ἐπ’ ἀμφότερα τὰ μέρη περικλώμενα καὶ διπλῇ τῇ καταθέσει τῶν κλάδων ἀμφίχαιτα γινόμενα γραφικὴν ἀποτελεῖ τὴν πρόσοψιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 53

(디오도로스 시켈로스, Bibliotheca Historica, book 2, chapter 53)

상위

목록

SEARCH

MENU NAVIGATION