헬라어 문장 검색 - Διοδορ́Βιβλιοτ́2́47́

(디오도로스 시켈로스, Bibliotheca Historica, book 2, chapter 46)

διαδεξαμένην δὲ τὴν ταύτησ θυγατέρα τὴν βασιλείαν ζηλῶσαι μὲν τὴν ἀρετὴν τῆσ μητρόσ, ὑπερβαλέσθαι δὲ ταῖσ κατὰ μέροσ πράξεσι. τὰσ μὲν γὰρ παρθένουσ ἀπὸ τῆσ πρώτησ ἡλικίασ ἔν τε ταῖσ θήραισ γυμνάζειν καὶ καθ’ ἡμέραν ἀσκεῖν τὰ πρὸσ πόλεμον ἀνήκοντα, καταδεῖξαι δὲ καὶ θυσίασ μεγαλοπρεπεῖσ Ἄρει τε καὶ Ἀρτέμιδι τῇ προσαγορευομένῃ Ταυροπόλῳ· στρατεύσασαν δ’ εἰσ τὴν πέραν τοῦ Τανάιδοσ ποταμοῦ χώραν καταπολεμῆσαι πάντα τὰ ἔθνη τὰ συνεχῆ μέχρι τῆσ Θρᾴκησ·

ἀνακάμψασαν δὲ μετὰ πολλῶν λαφύρων εἰσ τὴν οἰκείαν ναοὺσ μεγαλοπρεπεῖσ κατασκευάσαι τῶν προειρημένων θεῶν, καὶ τῶν ὑποτεταγμένων ἐπιεικῶσ ἄρχουσαν ἀποδοχῆσ τυγχάνειν τῆσ μεγίστησ. στρατεῦσαι δὲ καὶ ἐπὶ θάτερα μέρη, καὶ πολλὴν τῆσ Ἀσίασ κατακτήσασθαι, καὶ διατεῖναι τῇ δυνάμει μέχρι τῆσ Συρίασ. μετὰ δὲ τὴν ταύτησ τελευτὴν ἀεὶ τὰσ προσηκούσασ τῷ γένει διαδεχομένασ τὴν βασιλείαν ἄρξαι μὲν ἐπιφανῶσ, αὐξῆσαι δὲ τὸ ἔθνοσ τῶν Ἀμαζονίδων δυνάμει τε καὶ δόξῃ.

μετὰ δὲ ταῦτα πολλαῖσ γενεαῖσ ὕστερον, διαβεβοημένησ κατὰ πᾶσαν τὴν οἰκουμένην τῆσ περὶ αὐτὰσ ἀρετῆσ, Ἡρακλέα φασὶ τὸν ἐξ Ἀλκμήνησ καὶ Διὸσ ἆθλον λαβεῖν παρ’ Εὐρυσθέωσ τὸν Ἱππολύτησ τῆσ Ἀμαζόνοσ ζωστῆρα. διόπερ στρατεῦσαι μὲν αὐτόν, παρατάξει δὲ μεγάλῃ νικήσαντα τό τε στρατόπεδον τῶν Ἀμαζόνων κατακόψαι καὶ τὴν Ἱππολύτην μετὰ τοῦ ζωστῆροσ ζωγρήσαντα τὸ ἔθνοσ τοῦτο τελέωσ συντρῖψαι.

διόπερ τοὺσ περιοικοῦντασ βαρβάρουσ τῆσ μὲν ἀσθενείασ αὐτῶν καταφρονήσαντασ, τῶν δὲ καθ’ ἑαυτοὺσ μνησικακήσαντασ, πολεμῆσαι συνεχῶσ τὸ ἔθνοσ ἐπὶ τοσοῦτον ὥστε μηδ’ ὄνομα τοῦ γένουσ τῶν Ἀμαζονίδων ἀπολιπεῖν. μετὰ γὰρ τὴν Ἡρακλέουσ στρατείαν ὀλίγοισ ὕστερον ἔτεσι κατὰ τὸν Τρωικὸν πόλεμόν φασι Πενθεσίλειαν τὴν βασιλεύουσαν τῶν ὑπολελειμμένων Ἀμαζονίδων, Ἄρεοσ μὲν οὖσαν θυγατέρα, φόνον δ’ ἐμφύλιον ἐπιτελεσαμένην, φυγεῖν ἐκ τῆσ πατρίδοσ διὰ τὸ μύσοσ.

συμμαχήσασαν δὲ τοῖσ Τρωσὶ μετὰ τὴν Ἕκτοροσ τελευτὴν πολλοὺσ ἀνελεῖν τῶν Ἑλλήνων, ἀριστεύσασαν δ’ αὐτὴν ἐν τῇ παρατάξει καταστρέψαι τὸν βίον ἡρωικῶσ ὑπ’ Ἀχιλλέωσ ἀναιρεθεῖσαν. τῶν μὲν οὖν Ἀμαζονίδων ἐσχάτην ταύτην λέγουσιν ἀνδρείᾳ διενεγκεῖν, καὶ τὸ λοιπὸν ἀεὶ τὸ ἔθνοσ ταπεινούμενον ἀσθενῆσαι παντελῶσ·

διὸ καὶ κατὰ τοὺσ νεωτέρουσ καιρούσ, ἐπειδάν τινεσ περὶ τῆσ αὐτῶν ἀνδρείασ διεξίωσι, μύθουσ ἡγοῦνται πεπλασμένουσ τὰσ περὶ τῶν Ἀμαζονίδων ἀρχαιολογίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 46

(디오도로스 시켈로스, Bibliotheca Historica, book 2, chapter 46)

상위

목록

SEARCH

MENU NAVIGATION