헬라어 문장 검색 - Διοδορ́Βιβλιοτ́2́23́

(디오도로스 시켈로스, Bibliotheca Historica, book 2, chapter 22)

τὰ δ’ ὀνόματα πάντα τῶν βασιλέων καὶ τὸ πλῆθοσ τῶν ἐτῶν ὧν ἕκαστοσ ἐβασίλευσεν οὐ κατεπείγει γράφειν διὰ τὸ μηδὲν ὑπ’ αὐτῶν πεπρᾶχθαι μνήμησ ἄξιον. μόνη γὰρ τέτευχεν ἀναγραφῆσ ἡ πεμφθεῖσα συμμαχία τοῖσ Τρωσὶν ὑπ’ Ἀσσυρίων, ἧσ ἐστρατήγει Μέμνων ὁ Τιθωνοῦ. Τευτάμου γὰρ βασιλεύοντοσ τῆσ Ἀσίασ, ὃσ ἦν εἰκοστὸσ ἀπὸ Νινύου τοῦ Σεμιράμιδοσ, φασὶ τοὺσ μετ’ Ἀγαμέμνονοσ Ἕλληνασ ἐπὶ Τροίαν στρατεῦσαι, τὴν ἡγεμονίαν ἐχόντων τῆσ Ἀσίασ τῶν Ἀσσυρίων ἔτη πλείω τῶν χιλίων. καὶ τὸν μὲν Πρίαμον βαρυνόμενον τῷ πολέμῳ καὶ βασιλεύοντα τῆσ Τρῳάδοσ, ὑπήκοον δ’ ὄντα τῷ βασιλεῖ τῶν Ἀσσυρίων, πέμψαι πρὸσ αὐτὸν πρεσβευτὰσ περὶ βοηθείασ·

τὸν δὲ Τεύταμον μυρίουσ μὲν Αἰθίοπασ, ἄλλουσ δὲ τοσούτουσ Σουσιανοὺσ σὺν ἁρ́μασι διακοσίοισ ἐξαποστεῖλαι, στρατηγὸν ἐπικαταστήσαντα Μέμνονα τὸν Τιθωνοῦ. καὶ τὸν μὲν Τιθωνόν, κατ’ ἐκείνουσ τοὺσ χρόνουσ τῆσ Περσίδοσ ὄντα στρατηγόν, εὐδοκιμεῖν παρὰ τῷ βασιλεῖ μάλιστα τῶν καθεσταμένων ἐπάρχων, τὸν δὲ Μέμνονα τὴν ἡλικίαν ἀκμάζοντα διαφέρειν ἀνδρείᾳ τε καὶ ψυχῆσ λαμπρότητι.

οἰκοδομῆσαι δ’ αὐτὸν ἐπὶ τῆσ ἄκρασ τὰ ἐν Σούσοισ βασίλεια τὰ διαμείναντα μέχρι τῆσ Περσῶν ἡγεμονίασ, κληθέντα δ’ ἀπ’ ἐκείνου Μεμνόνεια· κατασκευάσαι δὲ καὶ διὰ τῆσ χώρασ λεωφόρον ὁδὸν τὴν μέχρι τῶν νῦν χρόνων ὀνομαζομένην Μεμνόνειαν. ἀμφισβητοῦσι δὲ καὶ οἱ περὶ τὴν Αἴγυπτον Αἰθίοπεσ, λέγοντεσ ἐν ἐκείνοισ τοῖσ τόποισ γεγονέναι τὸν ἄνδρα τοῦτον, καὶ βασίλεια παλαιὰ δεικνύουσιν, ἃ μέχρι τοῦ νῦν ὀνομάζεσθαί φασι Μεμνόνεια.

οὐ μὴν ἀλλὰ τοῖσ Τρωσὶ λέγεται βοηθῆσαι τὸν Μέμνονα μετὰ δισμυρίων μὲν πεζῶν, ἁρμάτων δὲ διακοσίων·

ὃν θαυμασθῆναί τε δι’ ἀνδρείαν καὶ πολλοὺσ ἀνελεῖν ἐν ταῖσ μάχαισ τῶν Ἑλλήνων, τὸ δὲ τελευταῖον ὑπὸ Θετταλῶν ἐνεδρευθέντα κατασφαγῆναι· τοῦ δὲ σώματοσ τοὺσ Αἰθίοπασ ἐγκρατεῖσ γενομένουσ κατακαῦσαί τε τὸν νεκρὸν καὶ τὰ ὀστᾶ πρὸσ Τιθωνὸν ἀποκομίσαι. περὶ μὲν οὖν Μέμνονοσ τοιαῦτ’ ἐν ταῖσ βασιλικαῖσ ἀναγραφαῖσ ἱστορεῖσθαί φασιν οἱ βάρβαροι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 22

(디오도로스 시켈로스, Bibliotheca Historica, book 2, chapter 22)

상위

목록

SEARCH

MENU NAVIGATION