헬라어 문장 검색 - Διοδορ́Βιβλιοτ́2́14́

(디오도로스 시켈로스, Bibliotheca Historica, book 2, chapter 13)

ἡ δὲ Σεμίραμισ ἐπειδὴ τοῖσ ἔργοισ ἐπέθηκε πέρασ, ἀνέζευξεν ἐπὶ Μηδίασ μετὰ πολλῆσ δυνάμεωσ· καταντήσασα δὲ πρὸσ ὄροσ τὸ καλούμενον Βαγίστανον πλησίον αὐτοῦ κατεστρατοπέδευσε, καὶ κατεσκεύασε παράδεισον, ὃσ τὴν μὲν περίμετρον ἦν δώδεκα σταδίων, ἐν πεδίῳ δὲ κείμενοσ εἶχε πηγὴν μεγάλην, ἐξ ἧσ ἀρδεύεσθαι συνέβαινε τὸ φυτουργεῖον. τὸ δὲ Βαγίστανον ὄροσ ἐστὶ μὲν ἱερὸν Διόσ, ἐκ δὲ τοῦ παρὰ τὸν παράδεισον μέρουσ ἀποτομάδασ ἔχει πέτρασ εἰσ ὕψοσ ἀνατεινούσασ ἑπτακαίδεκα σταδίουσ.

οὗ τὸ κατώτατον μέροσ καταξύσασα τὴν ἰδίαν ἐνεχάραξεν εἰκόνα, δορυφόρουσ αὑτῇ παραστήσασα ἑκατόν. ἐπέγραψε δὲ καὶ Συρίοισ γράμμασιν εἰσ τὴν πέτραν ὅτι Σεμίραμισ τοῖσ σάγμασι τοῖσ τῶν ἀκολουθούντων ὑποζυγίων ἀπὸ τοῦ πεδίου χώσασα τὸν προειρημένον κρημνὸν διὰ τούτων εἰσ τὴν ἀκρώρειαν προσανέβη. ἐντεῦθεν δ’ ἀναζεύξασα καὶ παραγενομένη πρὸσ Χαύονα πόλιν τῆσ Μηδίασ κατενόησεν ἔν τινι μετεώρῳ πεδίῳ πέτραν τῷ τε ὕψει καὶ τῷ μεγέθει καταπληκτικήν.

ἐνταῦθ’ οὖν ἕτερον παράδεισον ὑπερμεγέθη κατεσκεύασεν, ἐν μέσῳ τὴν πέτραν ἀπολαβοῦσα, καθ’ ἣν οἰκοδομήματα πολυτελῆ πρὸσ τρυφὴν ἐποίησεν, ἐξ ὧν τά τε κατὰ τὸν παράδεισον ἀπεθεώρει φυτουργεῖα καὶ πᾶσαν τὴν στρατιὰν παρεμβεβληκυῖαν ἐν τῷ πεδίῳ. ἐν τούτῳ δὲ τῷ τόπῳ συχνὸν ἐνδιατρίψασα χρόνον καὶ πάντων τῶν εἰσ τρυφὴν ἀνηκόντων ἀπολαύσασα, γῆμαι μὲν νομίμωσ οὐκ ἠθέλησεν, εὐλαβουμένη μήποτε στερηθῇ τῆσ ἀρχῆσ, ἐπιλεγομένη δὲ τῶν στρατιωτῶν τοὺσ εὐπρεπείᾳ διαφέροντασ τούτοισ ἐμίσγετο, καὶ πάντασ τοὺσ αὐτῇ πλησιάσαντασ ἠφάνιζε.

μετὰ δὲ ταῦτα ἐπ’ Ἐκβατάνων τὴν πορείαν ποιησαμένη παρεγένετο πρὸσ ὄροσ τὸ Ζαρκαῖον καλούμενον·

τοῦτο δ’ ἐπὶ πολλοὺσ παρῆκον σταδίουσ καὶ πλῆρεσ ὂν κρημνῶν καὶ φαράγγων μακρὰν εἶχε τὴν περίοδον. ἐφιλοτιμεῖτο οὖν ἅμα μὲν μνημεῖον ἀθάνατον ἑαυτῆσ ἀπολιπεῖν, ἅμα δὲ σύντομον ποιήσασθαι τὴν ὁδόν· διόπερ τούσ τε κρημνοὺσ κατακόψασα καὶ τοὺσ κοίλουσ τόπουσ χώσασα σύντομον καὶ πολυτελῆ κατεσκεύασεν ὁδόν, ἣ μέχρι τοῦ νῦν Σεμιράμιδοσ καλεῖται. παραγενηθεῖσα δ’ εἰσ Ἐκβάτανα, πόλιν ἐν πεδίῳ κειμένην, κατεσκεύασεν ἐν αὐτῇ πολυτελῆ βασίλεια καὶ τὴν ἄλλην ἐπιμέλειαν ἐποιήσατο τοῦ τόπου περιττοτέραν.

ἀνύδρου γὰρ οὔσησ τῆσ πόλεωσ καὶ μηδαμοῦ σύνεγγυσ ὑπαρχούσησ πηγῆσ, ἐποίησεν αὐτὴν πᾶσαν κατάρρυτον, ἐπαγαγοῦσα πλεῖστον καὶ κάλλιστον ὕδωρ μετὰ πολλῆσ κακοπαθείασ τε καὶ δαπάνησ. τῶν γὰρ Ἐκβατάνων ὡσ δώδεκα σταδίουσ ἀπέχον ἔστιν ὄροσ ὃ καλεῖται μὲν Ὀρόντησ, τῇ δὲ τραχύτητι καὶ τῷ πρὸσ ὕψοσ ἀνατείνοντι μεγέθει διάφορον, ὡσ ἂν τὴν πρόσβασιν ἔχον ὄρθιον ἑώσ τῆσ ἀκρωρείασ σταδίων εἴκοσι πέντε.

ἐκ θατέρου δὲ μέρουσ οὔσησ λίμνησ μεγάλησ εἰσ ποταμὸν ἐκβαλλούσησ, διέσκαψε τὸ προειρημένον ὄροσ κατὰ τὴν ῥίζαν. ἦν δ’ ἡ διῶρυξ τὸ μὲν πλάτοσ ποδῶν πεντεκαίδεκα, τὸ δ’ ὕψοσ τετταράκοντα·

δι’ ἧσ ἐπαγαγοῦσα τὸν ἐκ τῆσ λίμνησ ποταμὸν ἐπλήρωσε τὴν πόλιν ὕδατοσ. ταῦτα μὲν οὖν ἐποίησεν ἐν τῇ Μηδίᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 13

(디오도로스 시켈로스, Bibliotheca Historica, book 2, chapter 13)

상위

목록

SEARCH

MENU NAVIGATION