헬라어 문장 검색 - ΠολψβίΗιστορί05́026́

(폴리비오스, Histories, book 5, chapter 26)

Μετὰ δὲ τὴν ταραχὴν ταύτην αἱ μὲν ἐν τῇ Φωκίδι προφανεῖσαι πράξεισ ἐμποδισμούσ τινασ ἔσχον· ἀπεγνωκότεσ τὰσ ἐν αὑτοῖσ ἐλπίδασ διὰ τὸ μηδὲν σφίσι προχωρεῖν τῶν ἐπινοουμένων, κατέφευγον ἐπὶ τὸν Ἀπελλῆν καὶ διαπεμπόμενοι συνεχῶσ ἐκάλουν αὐτὸν ἐκ τῆσ Χαλκίδοσ, ἀπολογιζόμενοι τὴν περὶ σφᾶσ ἀπορίαν καὶ δυσχρηστίαν ἐκ τῆσ πρὸσ τὸν βασιλέα διαφορᾶσ.

συνέβαινε δὲ τὸν Ἀπελλῆν πεποιῆσθαι τὴν ἐν τῇ Χαλκίδι διατριβὴν ἐξουσιαστικώτερον τοῦ καθήκοντοσ αὐτῷ·

τὸν μὲν γὰρ βασιλέα, νέον ἔτι καὶ τὸ πλεῖον ὑφ’ αὑτὸν ὄντα καὶ μηδενὸσ κύριον ἀπεδείκνυε, τὸν δὲ τῶν πραγμάτων χειρισμὸν καὶ τὴν τῶν ὅλων ἐξουσίαν εἰσ αὑτὸν ἐπανῆγε.

διόπερ οἵ τ’ ἀπὸ Μακεδονίασ καὶ Θετταλίασ ἐπιστάται καὶ χειρισταὶ τὴν ἀναφορὰν ἐποιοῦντο πρὸσ ἐκεῖνον, αἵ τε κατὰ τὴν Ἑλλάδα πόλεισ ἐν τοῖσ ψηφίσμασι καὶ τιμαῖσ καὶ δωρεαῖσ ἐπὶ βραχὺ μὲν ἐμνημόνευον τοῦ βασιλέωσ, τὸ δ’ ὅλον αὐτοῖσ ἦν καὶ τὸ πᾶν Ἀπελλῆσ.

ἐφ’ οἷσ Φίλιπποσ πυνθανόμενοσ πάλαι μὲν ἐσχετλίαζε καὶ δυσχερῶσ ἔφερε τὸ γινόμενον, ἅτε καὶ παρὰ πλευρὰν ὄντοσ Ἀράτου καὶ πραγματικῶσ ἐξεργαζομένου τὴν ὑπόθεσιν·

ἀλλ’ ἐκαρτέρει καὶ πᾶσιν ἄδηλοσ ἦν ἐπὶ τί φέρεται καὶ ἐπὶ ποίασ ὑπάρχει γνώμησ. ὁ δ’ Ἀπελλῆσ, ἀγνοῶν τὰ καθ’ αὑτόν, πεπεισμένοσ δ’, ἐὰν εἰσ ὄψιν ἔλθῃ τῷ Φιλίππῳ, πάντα κατὰ τὴν ἑαυτοῦ γνώμην διοικήσειν, ὡρ́μησε τοῖσ περὶ τὸν Λεόντιον ἐπικουρήσων ἐκ τῆσ Χαλκίδοσ.

παραγενομένου δ’ εἰσ τὴν Κόρινθον αὐτοῦ, μεγάλην σπουδὴν ἐποιοῦντο καὶ παρώξυνον τοὺσ νέουσ εἰσ τὴν ἀπάντησιν οἱ περὶ τὸν Λεόντιον καὶ Πτολεμαῖον καὶ Μεγαλέαν, ὄντεσ ἡγεμόνεσ τῶν τε πελταστῶν καὶ τῶν ἄλλων τῶν ἐπιφανεστάτων συστημάτων.

γενομένησ δὲ τῆσ εἰσόδου τραγικῆσ διὰ τὸ πλῆθοσ τῶν ἀπαντησάντων ἡγεμόνων καὶ στρατιωτῶν, ἧκε πρὸσ τὴν αὐλὴν ὁ προειρημένοσ εὐθέωσ ἐκ πορείασ.

βουλομένου δ’ αὐτοῦ κατὰ τὴν προγεγενημένην συνήθειαν εἰσιέναι, παρακατέσχε τισ τῶν ῥαβδούχων κατὰ τὸ συντεταγμένον, φήσασ οὐκ εὐκαίρωσ ἔχειν τὸν βασιλέα.

ξενισθεὶσ δὲ καὶ διαπορήσασ ἐπὶ πολὺν χρόνον διὰ τὸ παράδοξον ὁ μὲν Ἀπελλῆσ ἐπανῆγε διατετραμμένοσ, οἱ δὲ λοιποὶ παραχρῆμα πάντεσ ἀπέρρεον ἀπ’ αὐτοῦ προφανῶσ, ὥστε τὸ τελευταῖον μόνον μετὰ τῶν ἰδίων παίδων εἰσελθεῖν εἰσ τὴν αὑτοῦ κατάλυσιν.

βραχεῖσ γὰρ δὴ πάνυ καιροὶ πάντασ μὲν ἀνθρώπουσ ὡσ ἐπίπαν ὑψοῦσι καὶ πάλιν ταπεινοῦσι, μάλιστα δὲ τοὺσ ἐν ταῖσ βασιλείαισ.

ὄντωσ γάρ εἰσιν οὗτοι παραπλήσιοι ταῖσ ἐπὶ τῶν ἀβακίων ψήφοισ·

ἐκεῖναί τε γὰρ κατὰ τὴν τοῦ ψηφίζοντοσ βούλησιν ἄρτι χαλκοῦν καὶ παραυτίκα τάλαντον ἰσχύουσιν, οἵ τε περὶ τὰσ αὐλὰσ κατὰ τὸ τοῦ βασιλέωσ νεῦμα μακάριοι καὶ παρὰ πόδασ ἐλεεινοὶ γίνονται. ὁ δὲ Μεγαλέασ, ὁρῶν παρὰ δόξαν ἐκβαίνουσαν αὑτοῖσ τὴν ἐπικουρίαν τὴν κατὰ τὸν Ἀπελλῆν, φόβου πλήρησ ἦν καὶ περὶ δρασμὸν ἐγένετο.

ὁ δ’ Ἀπελλῆσ ἐπὶ μὲν τὰσ συνουσίασ καὶ τοιαῦτα τῶν τιμῶν παρελαμβάνετο, τῶν δὲ διαβουλίων καὶ τῆσ μεθ’ ἡμέραν συμπεριφορᾶσ οὐ μετεῖχε.

ταῖσ δ’ ἑξῆσ ἡμέραισ ὁ βασιλεὺσ ἐπὶ τὰσ κατὰ τὴν Φωκίδα πράξεισ πάλιν ἐκ τοῦ Λεχαίου ποιούμενοσ τὸν πλοῦν ἐπεσπάσατο τὸν Ἀπελλῆν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 5, chapter 26

(폴리비오스, Histories, book 5, chapter 26)

상위

목록

SEARCH

MENU NAVIGATION