헬라어 문장 검색 - Πλυταρ́Δεμετρί41́

(플루타르코스, Demetrius, chapter 41)

ἐντεῦθεν ἐπανελθὼν εἰσ Μακεδονίαν καὶ μήτε αὐτὸσ ἄγειν ἡσυχίαν πεφυκὼσ τούσ τε ἄλλουσ ὁρῶν ἐν ταῖσ στρατείαισ μᾶλλον αὐτῷ προσέχοντασ, οἴκοι δὲ ταραχώδεισ καὶ πολυπράγμονασ ὄντασ, ἐστράτευσεν ἐπ’ Αἰτωλούσ· καὶ τὴν χώραν κακώσασ καὶ Πάνταυχον ἐν αὐτῇ μέροσ ἔχοντα τῆσ δυνάμεωσ οὐκ ὀλίγον ἀπολιπὼν ἐπὶ Πύρρον αὐτὸσ ἐχώρει καὶ Πύρροσ ἐπ’ ἐκεῖνον· ἀλλήλων δὲ διαμαρτόντεσ, ὁ μὲν ἐπόρθει τὴν Ἤπειρον, ὁ δὲ Πανταύχῳ περιπεσὼν καὶ μάχην συνάψασ αὐτὸν μὲν ἄχρι τοῦ δοῦναι καὶ λαβεῖν πληγὴν ἐν χερσὶ γενόμενον ἐτρέψατο, τῶν δὲ ἄλλων πολλοὺσ μὲν ἀπέκτεινεν, ἐζώγρησε δὲ πεντακισχιλίουσ.

καὶ τοῦτο μάλιστα Δημήτριον ἐκάκωσεν·

οὐ γὰρ οὕτω μισηθεὶσ ὁ Πύρροσ ἀφ’ ὧν ἔπραξεν ὡσ θαυμασθεὶσ διὰ τὸ πλεῖστα τῇ χειρὶ κατεργάσασθαι, μέγα τε καὶ λαμπρὸν ἔσχεν ἀπὸ τῆσ μάχησ ἐκείνησ ὄνομα παρὰ τοῖσ Μακεδόσι· καὶ πολλοῖσ ἐπῄει λέγειν τῶν Μακεδόνων ὡσ ἐν μόνῳ τούτῳ τῶν βασιλέων εἴδωλον ἐνορῷτο τῆσ Ἀλεξάνδρου τόλμησ, οἱ δὲ ἄλλοι, καὶ μάλιστα Δημήτριοσ, ὡσ ἐπὶ σκηνῆσ τὸ βάροσ ὑποκρίνοιντο καὶ τὸν ὄγκον τοῦ ἀνδρόσ. ἦν δὲ ὡσ ἀληθῶσ τραγῳδία μεγάλη περὶ τὸν Δημήτριον, οὐ μόνον ἀμπεχόμενον καὶ διαδούμενον περιττῶσ καυσίαισ διμίτροισ καὶ χρυσοπαρύφοισ ἁλουργίσιν, ἀλλὰ καὶ περὶ τοῖσ ποσὶν ἐκ πορφύρασ ἀκράτου συμπεπιλημένησ χρυσοβαφεῖσ πεποιημένον ἐμβάδασ.

ἦν δέ τισ ὑφαινομένη χλανὶσ αὐτῷ πολὺν χρόνον, ἔργον ὑπερήφανον, εἴκασμα τοῦ κόσμου καὶ τῶν κατ’ οὐρανὸν φαινομένων· ὃ κατελείφθη μὲν ἡμιτελὲσ ἐν τῇ μεταβολῇ τῶν πραγμάτων, οὐδεὶσ δὲ ἐτόλμησεν αὐτῇ χρήσασθαι, καίπερ οὐκ ὀλίγων ὕστερον ἐν Μακεδονίᾳ σοβαρῶν γενομένων βασιλέων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 41

(플루타르코스, Demetrius, chapter 41)

상위

목록

SEARCH

MENU NAVIGATION