헬라어 문장 검색 - Πλυταρ́Δεμετρί09́

(플루타르코스, Demetrius, chapter 9)

ἀναρρηθέντων δὲ τούτων οἱ μὲν πολλοὶ παραχρῆμα τὰσ ἀσπίδασ θέμενοι πρὸ τῶν ποδῶν ἀνεκρότησαν καὶ βοῶντεσ ἐκέλευον ἀποβαίνειν τὸν Δημήτριον, εὐεργέτην καὶ σωτῆρα προσαγορεύοντεσ· οἱ δὲ περὶ τὸν Φαληρέα πάντωσ μὲν ᾤοντο δεῖν δέχεσθαι τὸν κρατοῦντα, κἂν μηδὲν ὧν ἐπαγγέλλεται μέλλῃ βεβαιοῦν, ὅμωσ δὲ πρέσβεισ δεομένουσ ἀπέστειλαν, οἷσ ὁ Δημήτριοσ ἐντυχὼν φιλανθρώπωσ συνέπεμψε παρ’ ἑαυτοῦ τῶν πατρῴων φίλων τὸν Μιλήσιον Ἀριστόδημον. τοῦ δὲ Φαληρέωσ διὰ τὴν μεταβολὴν τῆσ πολιτείασ μᾶλλον τοὺσ πολίτασ ἢ τοὺσ πολεμίουσ δεδοικότοσ, οὐκ ἠμέλησεν ὁ Δημήτριοσ, ἀλλὰ καὶ τὴν δόξαν αἰδεσθεὶσ καὶ τὴν ἀρετὴν τοῦ ἀνδρὸσ εἰσ Θήβασ αὐτόν, ὥσπερ ἐβούλετο, μετὰ ἀσφαλείασ συνεξέπεμψεν.

αὐτὸσ δὲ τὴν μὲν πόλιν, οὐκ ἂν ἔφη, καίπερ ἐπιθυμῶν, ἰδεῖν πρότερον ἢ παντάπασιν ἐλευθερῶσαι τῆσ φρουρᾶσ ἀπαλλάξασ· τῇ δὲ Μουνυχίᾳ χαράκωμα καὶ τάφρον περιβαλὼν διὰ μέσου, Μεγάροισ ἐπέπλευσεν ὑπὸ Κασάνδρου φρουρουμένοισ. πυθόμενοσ δὲ τὴν Ἀλεξάνδρου τοῦ Πολυπέρχοντοσ γενομένην γυναῖκα Κρατησίπολιν ἐν Πάτραισ διατρίβουσαν οὐκ ἂν ἀηδῶσ γενέσθαι μετ’ αὐτοῦ, περιβόητον οὖσαν ἐπὶ κάλλει, καταλιπὼν τὴν δύναμιν ἐν τῇ Μεγαρικῇ προῆλθεν εὐζώνουσ τινὰσ ἔχων σὺν αὑτῷ.

καὶ τούτων πάλιν ἀποστρέψασ ἀπεσκήνωσε χωρὶσ ὑπὲρ τοῦ λαθεῖν τὴν γυναῖκα συνελθοῦσαν αὐτῷ. τοῦτό τινεσ αἰσθόμενοι τῶν πολεμίων ἐξαίφνησ κατέδραμον ἐπ’ αὐτόν.

ὁ δὲ φοβηθεὶσ καὶ λαβὼν χλαμύδιον εὐτελὲσ δρόμῳ φεύγων ἐξέφυγεν, ὀλίγου δεήσασ αἰσχίστην ἅλωσιν ἐξ ἀκρασίασ ἁλῶναι. τὴν δὲ σκηνὴν μετὰ τῶν χρημάτων ᾤχοντο λαβόντεσ οἱ πολέμιοι. τῶν δὲ Μεγάρων ἁλόντων καὶ τῶν στρατιωτῶν ἐφ’ ἁρπαγὴν τραπομένων Ἀθηναῖοι παρῃτήσαντο πολλῇ δεήσει τοὺσ Μεγαρεῖσ·

καὶ τὴν φρουρὰν ὁ Δημήτριοσ ἐκβαλὼν ἠλευθέρωσε τὴν πόλιν. ἔτι δὲ τοῦτο πράττων τοῦ φιλοσόφου Στίλπωνοσ ἐμνήσθη, δόξαν ἔχοντοσ ἀνδρὸσ ᾑρημένου πωσ ἐν ἡσυχίᾳ καταβιῶναι. μεταπεμψάμενοσ οὖν αὐτὸν ἠρώτα μή τισ εἴληφέ τι τῶν ἐκείνου. εἶπεν· "οὐδένα γὰρ εἶδον ἐπιστάμαν ἀποφέροντα. τῶν δὲ θεραπόντων σχεδὸν ἁπάντων διακλαπέντων, ἐπεὶ πάλιν αὐτὸν ὁ Δημήτριοσ ἐφιλοφρονεῖτο καὶ τέλοσ ἀπαλλαττόμενοσ εἶπεν·

"λέγεισ· "οὐδένα γὰρ ἁμῶν δοῦλον ἀπολέλοιπασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 9

(플루타르코스, Demetrius, chapter 9)

상위

목록

SEARCH

MENU NAVIGATION