헬라어 문장 검색 - Πλυταρ́Δεμετρί08́

(플루타르코스, Demetrius, chapter 8)

ἐνδόξου δὲ τῆσ φιλοτιμίασ ταύτησ γενομένησ, ὁρμὴ παρέστη θαυμάσιοσ αὐτοῖσ ἐλευθεροῦν τὴν Ἑλλάδα πᾶσαν ὑπὸ Κασάνδρου καὶ Πτολεμαίου καταδεδουλωμένην. τούτου πόλεμον οὐδεὶσ ἐπολέμησε τῶν βασιλέων καλλίω καὶ δικαιότερον· ἃσ γὰρ ἅμα τοὺσ βαρβάρουσ ταπεινοῦντεσ εὐποπίασ συνήγαγον, εἰσ τοὺσ Ἕλληνασ ὑπὲρ εὐδοξίασ καὶ τιμῆσ ἀνήλισκον. ὡσ δὲ πρῶτον ἐδόκει πλεῖν ἐπὶ τὰσ Ἀθήνασ, τῶν φίλων εἰπόντοσ τινὸσ πρὸσ τὸν Ἀντίγονον ὅτι δεῖ ταύτην τὴν πόλιν, ἂν ἕλωσι, κατέχειν δἰ αὑτῶν, ἐπιβάθραν τῆσ Ἑλλάδοσ οὖσαν, οὐ προσέσχεν ὁ Ἀντίγονοσ, ἀλλ’ ἐπιβάθραν μὲν ἔφη καλὴν καὶ ἀσάλευτον εἶναι τὴν εὔνοιαν, τὰσ δὲ Ἀθήνασ, ὥσπερ σκοπὴν τῆσ οἰκουμένησ, ταχὺ τῇ δόξῃ διαπυρσεύειν εἰσ ἅπαντασ ἀνθρώπουσ τὰσ πράξεισ.

ἔπλει δὲ Δημήτριοσ ἔχων ἀργυρίου πεντακισχίλια τάλαντα καὶ στόλον νεῶν πεντήκοντα καὶ διακοσίων ἐπὶ τὰσ Ἀθήνασ, τὸ μὲν ἄστυ Δημητρίου τοῦ Φαληρέωσ Κασάνδρῳ διοικοῦντοσ, ἐν δὲ τῇ Μουνυχίᾳ φρουρᾶσ καθεστώσησ.

εὐτυχίᾳ δὲ ἅμα καὶ προνοίᾳ χρησάμενοσ ἐπεφαίνετο τῷ Πειραιεῖ πέμπτῃ φθίνοντοσ Θαργηλιῶνοσ, προαισθομένου μὲν οὐδενόσ, ἐπεὶ δὲ ὤφθη πλησίον ὁ στόλοσ, ἁπάντων ὡσ Πτολεμαϊκὰσ τὰσ ναῦσ ὑποδέχεσθαι παρασκευαζομένων, ὀψὲ συμφρονήσαντεσ ἐβοήθουν οἱ στρατηγοί, καὶ θόρυβοσ ἦν, οἱο͂ν εἰκὸσ ἐν ἀπροσδοκήτῳ πολεμίουσ ἀποβαίνοντασ ἀναγκαζομένων ἀμύνεσθαι. τοῖσ γὰρ στόμασι τῶν λιμένων ἀκλείστοισ ἐπιτυχὼν ὁ Δημήτριοσ καὶ διεξελάσασ ἐντὸσ ἦν ἤδη καταφανὴσ πᾶσι, καὶ διεσήμηνεν ἀπὸ τῆσ νεὼσ αἴτησιν ἡσυχίασ καὶ σιωπῆσ.

γενομένου δὲ τούτου κήρυκα παραστησάμενοσ ἀνεῖπεν ὅτι πέμψειεν αὐτὸν ὁ πατὴρ ἀγαθῇ τύχῃ τοὺσ Ἀθηναίουσ ἐλευθερώσοντα καὶ τὴν φρουρὰν ἐκβαλοῦντα καὶ τοὺσ νόμουσ αὐτοῖσ καὶ τὴν πάτριον ἀποδώσοντα πολιτείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 8

(플루타르코스, Demetrius, chapter 8)

상위

목록

SEARCH

MENU NAVIGATION