헬라어 문장 검색 - Πλυταρ́Βρυτυσ́29́

(플루타르코스, Brutus, chapter 29)

ἐβούλετο μὲν οὖν ἴσον ἔχειν τιμῆσ καὶ παρέχειν ὁ Κάσσιοσ, ἔφθανε δ’ ὁ Βροῦτοσ ὡσ τὰ πολλὰ φοιτῶν πρὸσ αὐτόν ἡλικίᾳ τε προὔχοντα καὶ σώματι πονεῖν ὁμοίωσ μὴ δυναμένῳ χρώμενον. ἦν δὲ δόξα Κάσσιον μὲν εἶναι δεινὸν ἐν τοῖσ πολεμικοῖσ, ὀργῇ δὲ τραχὺν καὶ φόβῳ μᾶλλον ἄρχοντα, πρὸσ δὲ τοὺσ συνήθεισ ὑγρότερον τῷ γελοίῳ καὶ φιλοσκώπτην· Βροῦτον δὲ λέγουσι δι’ ἀρετὴν φιλεῖσθαι μὲν ὑπὸ τῶν πολλῶν, ἐρᾶσθαι δ’ ὑπὸ τῶν φίλων, θαυμάζεσθαι δ’ ὑπὸ τῶν ἀρίστων, μισεῖσθαι δὲ μηδ’ ὑπὸ τῶν πολεμίων, ὅτι πρᾷοσ ὁ ἀνὴρ διαφερόντωσ καὶ μεγαλόφρων καὶ πρὸσ πᾶσαν ὀργὴν καὶ ἡδονὴν καὶ πλεονεξίαν ἀπαθήσ, ὄρθιον δὲ τὴν γνώμην καὶ ἄκαμπτον ἑστῶσαν ὑπὲρ τοῦ καλοῦ καὶ δικαίου διαφυλάττων, καὶ μέγιστον ὑπῆρχεν αὐτῷ πρὸσ εὔνοιαν καὶ δόξαν ἡ τῆσ προαιρέσεωσ πίστισ.

οὔτε γὰρ ἐκεῖνοσ ὁ μέγασ Πομπήϊοσ, εἰ Καίσαρα καθεῖλεν, ἠλπίζετο βεβαίωσ προήσεσθαι τοῖσ νόμοισ τὴν δύναμιν, ἀλλ’ ἀεὶ τὰ πράγματα καθέξειν, ὑπατείασ ὀνόματι καὶ δικτατορίασ ἤ τινοσ ἄλλησ μαλακωτέρασ ἀρχῆσ παραμυθούμενοσ τὸν δῆμον·

Κάσσιόν δὲ τοῦτον, σφοδρὸν ἄνδρα καὶ θυμοειδῆ καὶ πολλαχοῦ πρὸσ τὸ κερδαλέον ἐκφερόμενον τοῦ δικαίου, παντὸσ μᾶλλον ᾤοντο πολεμεῖν καὶ πλανᾶσθαι καὶ κινδυνεύειν αὑτῷ τινα δυναστείαν κατασκευαζόμενον, οὐκ ἐλευθερίαν τοῖσ πολίταισ.

τὰ μὲν γὰρ ἔτι τούτων πρεσβύτερα, Κίνναι καὶ Μάριοι καὶ Κάρβωνεσ, ἆθλον ἐν μέσῳ καὶ λείαν προθέμενοι τὴν πατρίδα, μονονουχὶ ῥητῶσ ὑπὲρ τυραννίδοσ ἐπολέμησαν. Βρούτῳ δὲ λέγουσι μηδὲ τοὺσ ἐχθροὺσ προσβάλλειν τοιαύτην δμεαβολήν, ἀλλ’ Ἀντωνίου γε καὶ πολλοὺσ ἀκοῦσαι λέγοντοσ ὡσ μόνον οἰοίτο Βροῦτον ἐπιθέσθαι Καίσαρι προαχθέντα τῇ λαμπρότητι καὶ τῷ φαινομένῳ καλῷ τῆσ πράξεωσ, τοὺσ δ’ ἄλλουσ ἐπὶ τὸν ἄνδρα συστῆναι μισοῦντασ καὶ φθονοῦντασ.

ὅθεν Βροῦτοσ οὐ τῇ δυνάμει τοσοῦτον ὅσον τῇ ἀρετῇ δῆλόσ ἐστιν ἐξ ὧν γράφει πεποιθώσ.

γράφει δὲ πρὸσ Ἀττικόν ἤδη τῷ κινδύνῳ πλησιάζων ἐν τῷ καλλίστῳ τῆσ τύχησ εἶναι τὰ καθ’ αὑτόν ἢ γὰρ νικήσασ ἐλευθερώσειν τὸν Ῥωμαίων δῆμον ἢ δουλείασ ἀποθανὼν ἀπαλλαγήσεσθαι· καὶ τῶν ἄλλων ἀσφαλῶσ αὐτοῖσ καὶ βεβαίωσ ἐχόντων ἓν ἄδηλον εἶναι, πότερον βιώσονται μετ’ ἐλευθερίασ ἢ τεθνήξονται. Μᾶρκον δ’ Ἀντώνιον ἀξίαν φησὶ τῆσ ἀνοίασ διδόναι δίκην, ὃσ ἐν Βρούτοισ καὶ Κασσίοισ καὶ Κάτωσι συναριθμεῖσθαι δυνάμενοσ προσθήκην ἑαυτὸν Ὀκταβίῳ δέδωκε·

κἂν μὴ νῦν ἡττηθῇ μετ’ ἐκείνου, μικρὸν ὕστερον ἐκείνῳ μαχεῖται. ταῦτα μὲν οὖν ἀποθεσπίσαι καλῶσ πρὸσ τὸ μέλλον ἐοίκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 29

(플루타르코스, Brutus, chapter 29)

상위

목록

SEARCH

MENU NAVIGATION