헬라어 문장 검색 - Παυσαν́Δεσξριπ́1́41́

(파우사니아스, Description of Greece, Ἀττικά, chapter 41)

ἐκ δὲ τῆσ ἀκροπόλεωσ κατιοῦσιν, ᾗ πρὸσ ἄρκτον τέτραπται τὸ χωρίον, μνῆμά ἐστιν Ἀλκμήνησ πλησίον τοῦ Ὀλυμπιείου. βαδίζουσαν γὰρ ἐσ Θήβασ ἐξ Ἄργουσ τελευτῆσαι καθ’ ὁδὸν λέγουσιν αὐτὴν ἐν τοῖσ Μεγάροισ, καὶ τοὺσ Ἡρακλείδασ ἐσ ἀμφισβήτησιν ἐλθεῖν, τοὺσ μὲν ἐσ Ἄργοσ ἐθέλοντασ ὀπίσω κομίσαι τὸν νεκρὸν τῆσ Ἀλκμήνησ, τοὺσ δ’ αὐτῶν ἐσ Θήβασ· καὶ γὰρ τοῖσ Ἡρακλέουσ παισὶ τοῖσ ἐκ Μεγάρασ τάφον εἶναι καὶ Ἀμφιτρύωνοσ ἐν Θήβαισ. θεὸσ ἔχρησε θάψαι Ἀλκμήνην ἐν τοῖσ Μεγάροισ ἄμεινον εἶναί σφισιν.

ἐντεῦθεν ὁ τῶν ἐπιχωρίων ἡμῖν ἐξηγητὴσ ἡγεῖτο ἐσ χωρίον Ῥοῦν ὡσ ἔφασκεν ὀνομαζόμενον, ταύτῃ γὰρ ὕδωρ ποτὲ ἐκ τῶν ὀρῶν τῶν ὑπὲρ τὴν πόλιν ῥυῆναι·

Θεαγένησ δέ, ὃσ τότε ἐτυράννει, τὸ ὕδωρ ἑτέρωσε τρέψασ βωμὸν ἐνταῦθα Ἀχελῴῳ ἐποίησε. καὶ Ὕλλου πλησίον τοῦ Ἡρακλέουσ μνῆμά ἐστιν ἀνδρὶ Ἀρκάδι Ἐχέμῳ τῷ Αἐρόπου μονομαχήσαντοσ· καὶ ὅστισ μὲν Ἔχεμοσ ὢν ἀπέκτεινεν Ὕλλον, ἑτέρωθι τοῦ λόγου δηλώσω, τέθαπται δὲ καὶ Ὕλλοσ ἐν τοῖσ Μεγάροισ. αὕτη καλοῖτο ἂν ὀρθῶσ στρατεία τῶν Ἡρακλειδῶν ἐσ Πελοπόννησον ἐπὶ Ὀρέστου βασιλεύοντοσ. οὐ πόρρω δὲ τοῦ Ὕλλου μνήματοσ Ἴσιδοσ ναὸσ καὶ παρ’ αὐτὸν Ἀπόλλωνόσ ἐστι καὶ Ἀρτέμιδοσ·

Ἀλκάθουν δέ φασι ποιῆσαι ἀποκτείναντα λέοντα τὸν καλούμενον Κιθαιρώνιον. ὑπὸ τούτου τοῦ λέοντοσ διαφθαρῆναι καὶ ἄλλουσ καὶ Μεγαρέωσ φασὶ τοῦ σφετέρου βασιλέωσ παῖδα Εὐίππον, τὸν δὲ πρεσβύτερον τῶν παίδων αὐτῷ Τίμαλκον ἔτι πρότερον ἀποθανεῖν ὑπὸ Θησέωσ, στρατεύοντα ἐσ Ἄφιδναν σὺν τοῖσ Διοσκούροισ· Μεγαρέα δὲ γάμον τε ὑποσχέσθαι θυγατρὸσ καὶ ὡσ διάδοχον ἕξει τῆσ ἀρχῆσ, ὅστισ τὸν Κιθαιρώνιον λέοντα ἀποκτείναι· διὰ ταῦτα Ἀλκάθουν τὸν Πέλοποσ ἐπιχειρήσαντα τῷ θηρίῳ κρατῆσαί τε καὶ ὡσ ἐβασίλευσε τὸ ἱερὸν ποιῆσαι τοῦτο, Ἀγροτέραν Ἄρτεμιν καὶ Ἀπόλλωνα Ἀγραῖον ἐπονομάσαντα. ταῦτα μὲν οὕτω γενέσθαι λέγουσιν·

ἐγὼ δὲ γράφειν μὲν ἐθέλω Μεγαρεῦσιν ὁμολογοῦντα, οὐκ ἔχω δὲ ὅπωσ εὑρ́ωμαι πάντα σφίσιν, ἀλλὰ ἀποθανεῖν μὲν λέοντα ἐν τῷ Κιθαιρῶνι ὑπὸ Ἀλκάθου πείθομαι, Μεγαρέωσ δὲ Τίμαλκον παῖδα τίσ μὲν ἐσ Ἄφιδναν ἐλθεῖν μετὰ τῶν Διοσκούρων ἔγραψε; πῶσ δ’ ἂν ἀφικόμενοσ ἀναιρεθῆναι νομίζοιτο ὑπὸ Θησέωσ, ὅπου καὶ Ἀλκμὰν ποιήσασ ᾆσμα ἐσ τοὺσ Διοσκούρουσ, ὡσ Ἀθήνασ ἕλοιεν καὶ τὴν Θησέωσ ἀγάγοιεν μητέρα αἰχμάλωτον, ὅμωσ Θησέα φησὶν αὐτὸν ἀπεῖναι;

Πίνδαροσ δὲ τούτοισ τε κατὰ ταὐτὰ ἐποίησε καὶ γαμβρὸν τοῖσ Διοσκούροισ Θησέα εἶναι βουλόμενον <ἁρπασθεῖσαν τὴν Ἑλένην διαφυλάξαι>, ἐσ ὃ ἀπελθεῖν αὐτὸν Πειρίθῳ τὸν λεγόμενον γάμον συμπράξοντα.

ὅστισ δὲ ἐγενεαλόγησε, δῆλον ὡσ πολλὴν τοῖσ Μεγαρεῦσι σύνοιδεν εὐήθειαν, εἴ γε Θησεὺσ ἦν ἀπόγονοσ Πέλοποσ· ἀλλὰ γὰρ τὸν ὄντα λόγον οἱ Μεγαρεῖσ εἰδότεσ ἐπικρύπτουσιν, οὐ βουλόμενοι δοκεῖν ἁλῶναί σφισιν ἐπὶ τῆσ ἀρχῆσ τῆσ Νίσου τὴν πόλιν, διαδέξασθαι δὲ τὴν βασιλείαν γαμβρὸν Νίσου τε Μεγαρέα καὶ αὖθισ Ἀλκάθουν Μεγαρέωσ. φαίνεται δὲ τελευτήσαντοσ Νίσου καὶ τῶν πραγμάτων Μεγαρεῦσιν ἐφθαρμένων ὑπὸ τοῦτον Ἀλκάθουσ ἀφικόμενοσ τὸν καιρὸν ἐξ Ἤλιδοσ·

μαρτύριον δέ μοι· τὸ γὰρ τεῖχοσ ᾠκοδόμησεν ἐξ ἀρχῆσ ἅτε τοῦ περιβόλου τοῦ ἀρχαίου καθαιρεθέντοσ ὑπὸ τῶν Κρητῶν. Ἀλκάθου μὲν καὶ τοῦ λέοντοσ, εἴτε ἐν τῷ Κιθαιρῶνι αὐτὸν εἴτε καὶ ἑτέρωθι ἀποκτείνασ ναὸν Ἀγροτέρασ Ἀρτέμιδοσ καὶ Ἀπόλλωνοσ ἐποίησεν Ἀγραίου, ἐσ τοσόνδε ἔστω μνήμη·

ἐκ τούτου δὲ τοῦ ἱεροῦ κατιοῦσι Πανδίονόσ ἐστιν ἡρῷον. καὶ ὅτι μὲν ἐτάφη Πανδίων ἐν Αἰθυίασ Ἀθηνᾶσ καλουμένῳ σκοπέλῳ, δεδήλωκεν ὁ λόγοσ ἤδη μοι·

τιμὰσ δὲ καὶ ἐν τῇ πόλει παρὰ Μεγαρέων ἔχει. πλησίον δέ ἐστι τοῦ Πανδίονοσ ἡρῴου μνῆμα Ἱππολύτησ·

γράψω δὲ καὶ τὰ ἐσ αὐτὴν ὁποῖα Μεγαρεῖσ λέγουσιν. ὅτε Ἀμαζόνεσ ἐπ’ Ἀθηναίουσ στρατεύσασαι δι’ Ἀντιόπην ἐκρατήθησαν ὑπὸ Θησέωσ, τὰσ μὲν πολλὰσ συνέβη μαχομένασ αὐτῶν ἀποθανεῖν, Ἱππολύτην δὲ ἀδελφὴν οὖσαν Ἀντιόπησ καὶ τότε ἡγουμένην τῶν γυναικῶν ἀποφυγεῖν σὺν ὀλίγαισ ἐσ Μέγαρα, ἅτε δὲ κακῶσ οὕτω πράξασαν τῷ στρατῷ τοῖσ τε παροῦσιν ἀθύμωσ ἔχουσαν καὶ περὶ τῆσ οἴκαδε ἐσ τὴν Θεμίσκυραν σωτηρίασ μᾶλλον ἔτι ἀποροῦσαν ὑπὸ λύπησ τελευτῆσαι· καὶ θάψαι αὐτὴν ἀποθανοῦσαν, καί οἱ τοῦ μνήματοσ σχῆμά ἐστιν Ἀμαζονικῇ ἀσπίδι ἐμφερέσ. τούτου δέ ἐστιν οὐ πόρρω τάφοσ Τηρέωσ τοῦ Πρόκνην γήμαντοσ τὴν Πανδίονοσ.

ἐβασίλευσε δὲ ὁ Τηρεύσ, ὡσ μὲν λέγουσιν οἱ Μεγαρεῖσ, περὶ τὰσ Παγὰσ τὰσ καλουμένασ τῆσ Μεγαρίδοσ, ὡσ δὲ ἐγώ τε δοκῶ καὶ τεκμήρια ἐσ τόδε λείπεται, Δαυλίδοσ ἦρχε τῆσ ὑπὲρ Χαιρωνείασ· πάλαι γὰρ τῆσ νῦν καλουμένησ Ἑλλάδοσ βάρβαροι τὰ πολλὰ ᾤκησαν. ἐπεὶ δὲ ἦν καὶ Τηρεῖ τὰ ἐσ Φιλομήλαν ἐξειργασμένα καὶ <τὰ> περὶ τὸν Ἴτυν ὑπὸ τῶν γυναικῶν, ἑλεῖν σφᾶσ ὁ Τηρεὺσ οὐκ ἐδύνατο· καὶ ὁ μὲν ἐτελεύτησεν ἐν τοῖσ Μεγάροισ αὐτοχειρίᾳ, καί οἱ τάφον αὐτίκα ἔχωσαν καὶ θύουσιν ἀνὰ πᾶν ἔτοσ ψηφῖσιν ἐν τῇ θυσίᾳ ἀντὶ οὐλῶν χρώμενοι καὶ τὸν ἔποπα τὸν ὄρνιθα ἐνταῦθα φανῆναι πρῶτον λέγουσιν·

γυναῖκεσ ἐσ μὲν Ἀθήνασ ἀφίκοντο, θρηνοῦσαι δὲ οἱᾶ ἔπαθον καὶ οἱᾶ ἀντέδρασαν ὑπὸ δακρύων διαφθείρονται, καί σφισι τὴν ἐσ ἀηδόνα καὶ χελιδόνα μεταβολὴν ἐπεφήμισαν ὅτι οἶμαι καὶ αὗται αἱ ὄρνιθεσ ἐλεεινὸν καὶ θρήνῳ ὅμοιον ᾄδουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 41

(파우사니아스, Description of Greece, Ἀττικά, chapter 41)

상위

목록

SEARCH

MENU NAVIGATION