헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 71)

μετὰ τοῦτο πολλὴ ζήτησισ ἐνέπιπτε τοῖσ προεστηκόσι τῆσ βουλῆσ καὶ πρόνοια περὶ τοῦ παραληψομένου τὴν ἡγεμονίαν. ἐδόκει γὰρ αὐτοῖσ δραστηρίου τ’ ἀνδρὸσ εἰσ τὰ πράγματα δεῖν καὶ πολλὴν τῶν πολεμικῶν ἀγώνων ἐμπειρίαν ἔχοντοσ, πρὸσ δὲ τούτοισ φρονίμου τε καὶ σώφρονοσ καὶ μηδὲν ὑπὸ τοῦ μεγέθουσ τῆσ ἐξουσίασ ἐπὶ τὸ ἀνόητον παραχθησομένου· ὑπὲρ ἅπαντα δὲ ταῦτα καὶ τἆλλα ὅσα δεῖ προσεῖναι στρατηλάταισ ἀγαθοῖσ ἄρχειν ἐγκρατῶσ εἰδότοσ καὶ μηθὲν μαλακὸν ἐνδώσοντοσ τοἰσ ἀπειθοῦσιν, οὗ μάλιστα ἐν τῷ παρόντι ἐδέοντο.

ἅπαντα δ’ ὁρῶντεσ ὅσα ἠξίουν περὶ τὸν ἕτερον ὑπάρχοντα τῶν ὑπάτων Τῖτον Λάρκιον·

ὁ γὰρ Κλοίλιοσ ἐν ταῖσ πολιτικαῖσ χρείαισ διάφοροσ ὢν τὸ δραστήριον καὶ φιλοπόλεμον οὐκ εἶχεν, οὐδέ γε τὸ ἀρχικὸν καὶ φοβερόν, ἀλλ’ ἐπιεικὴσ τιμωρὸσ ἦν τῶν ἀπειθούντων· ἡ δὲ βουλὴ δι’ αἰσχύνησ ἐλάμβανον τοῦ μὲν ἀφελέσθαι τὴν ἀρχήν, ἣν κατὰ τοὺσ νόμουσ εἶχε, τῷ δὲ χαρίσασθαι τὴν ἀμφοτέρων ἐξουσίαν, μείζονα βασιλικοῦ σχήματοσ γινομένην· καί τι καὶ δέοσ αὐτὴν ὑπῄει, μὴ βαρεῖαν ὁ Κλοίλιοσ ἡγησάμενοσ τὴν ἀπαξίωσιν τῆσ ἀρχῆσ ὡσ ἠτιμασμένοσ ὑπὸ τῆσ βουλῆσ ἔπειτα μεταθῆται τὴν προαίρεσιν τοῦ βίου τοῦ δήμου γενόμενοσ προστάτησ καὶ πάντα ἀνατρέψῃ τὰ κοινά. αἰδουμένων δ’ ἁπάντων, ἃ φρονοῦντεσ ἐτύγχανον, εἰσ μέσον ἐκφέρειν καὶ μέχρι πολλοῦ τοῦτο ποιούντων ὁ πρεσβύτατόσ τε καὶ τιμιώτατοσ τῶν ὑπατικῶν γνώμην ἀπεδείξατο, δι’ ἧσ ἀμφοτέρουσ ἐν ἴσῃ τιμῇ τοὺσ ὑπάτουσ φυλάξασ παρ’ αὐτῶν ἐκείνων τὸν ἐπιτηδειότερον ἄρχειν εὑρ́ετο· ἔφη γὰρ αὑτῷ δοκεῖν, ἐπειδὴ τὸ μὲν τῆσ ἀρχῆσ κράτοσ ἥ τε βουλὴ διέγνωκε καὶ ὁ δῆμοσ ἐπεψήφικεν ἑνὶ δοθῆναι, δύο δὲ καταλείπεται βουλῆσ καὶ φροντίδοσ οὐ μικρᾶσ δεόμενα, τίσ ὁ παραληψόμενοσ τὴν ἰσοτύραννον ἀρχὴν ἔσται καὶ ὑπὸ τίνοσ ἀποδειχθεὶσ ἐξουσίασ νομίμου, ἐκ τῶν τότε ὄντων ὑπάτων τὸν ἕτερον, εἴτε παραχωρήσαντοσ τοῦ συνάρχοντοσ, εἴτε κλήρῳ λαχόντα, ἑλέσθαι Ῥωμαίων ὃν ὑπολαμβάνει κράτιστα καὶ συμφορώτατα τὰ τῆσ πόλεωσ ἐπιτροπεύσειν.

μεσοβασιλέων δ’ αὐτοῖσ μηθὲν ἐν τῷ παρόντι δεῖν, οὓσ ἐν ταῖσ μοναρχίαισ ἀποδείκνυσθαι μονογνώμονασ τῶν μελλόντων ἄρξειν ἔθοσ ἦν, ἐχούσησ τῆσ πόλεωσ τὴν ὅσιον ἀρχήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 71

(디오니시오스, Antiquitates Romanae, Books IV-VI, book 5, chapter 71)

상위

목록

SEARCH

MENU NAVIGATION