헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 52)

Σερουιλίου δὲ Σολπικίου Καμερινοῦ καὶ Μανίου Τυλλίου Λόγγου τὴν ἀρχὴν παραλαβόντων Φιδηναίων τινὲσ παρὰ Ταρκυνίων στρατιώτασ μεταπεμψάμενοι τὴν ἄκραν καταλαμβάνονται, καὶ τῶν μὴ ταὐτὰ προαιρουμένων οὓσ μὲν διαφθείραντεσ, οὓσ δ’ ἐξελάσαντεσ, ἀφιστᾶσιν αὖθισ ἀπὸ Ῥωμαίων τὴν πόλιν· οὔτε δοῦναι λόγον ἀξιώσαντεσ οὔτε λαβεῖν.

ταῦθ’ ἡ βουλὴ τῶν Ῥωμαίων μαθοῦσα πρὸσ μὲν τὸ κοινὸν τῶν Λατίνων οὔπω τὸν πόλεμον ἐκφέρειν πρόθυμοσ ἦν, πυνθανομένη μὴ πᾶσιν εἶναι τὰ ψηφισθέντα ὑπὸ τῶν προβούλων κατὰ νοῦν, ἀλλ’ ἐν ἑκάστῃ πόλει τοὺσ δημοτικοὺσ ἀναδύεσθαι τὸν πόλεμον, καὶ πλείουσ εἶναι τοὺσ ἀξιοῦντασ μένειν τὰσ σπονδὰσ τῶν διαλελύσθαι λεγόντων· ἐπὶ δὲ τοὺσ ἐν Φιδήνῃ τὸν ἕτερον ἐψηφίσαντο τῶν ὑπάτων Μάνιον Τύλλιον ἀποστεῖλαι στρατιὰν ἄγοντα πολλήν·

ὃσ ἐπειδὴ τὴν χώραν αὐτῶν ἐδῄωσε κατὰ πολλὴν· ὃσ ἐπειδὴ τὴν χώραν αὐτῶν ἐδῄωσε κατὰ πολλὴν ἄδειαν οὐδενὸσ ὑπὲρ αὐτῆσ ἀμυνομένου, πλησίον τοῦ τείχουσ καταστρατοπεδευσάμενοσ ἐφύλαττε μήτ’ ἀγορὰσ εἰσάγεσθαι τοῖσ ἔνδον μήτε ὅπλα μήτε ἄλλην βοήθειαν μηδεμίαν. Φιδηναῖοι μὲν δὴ τειχήρεισ ἐγένοντο καὶ πρὸσ τὰσ Λατίνων ἐπρεσβεύοντο πόλεισ δεόμενοι ταχείασ συμμαχίασ·

οἱ δὲ προεστηκότεσ τῶν Λατίνων, ἀγορὰν ποιησάμενοι τῶν πόλεων, Ταρκυνίοισ τε αὖθισ ἀποδόντεσ λόγον καὶ τοῖσ παρὰ τῶν πολιορκουμένων ἥκουσιν, ἐκάλουν τοὺσ συνέδρουσ εἰσ ἀπόφασιν γνώμησ, τίνα χρὴ πολεμεῖν Ῥωμαίοισ τρόπον, ἀπὸ τῶν πρεσβυτάτων τε καὶ ἐπιφανεστάτων ἀρξάμενοι. πολλῶν δὲ ῥηθέντων λόγων καὶ περὶ αὐτοῦ τοῦ πολέμου πρῶτον, εἰ δέοι αὐτὸν ἐπικυρῶσαι, οἱ μὲν ταραχωδέστεροι τῶν συνέδρων τὸν βασιλέα κατάγειν ἐπὶ τὴν ἀρχὴν ἠξίουν καὶ Φιδηναίοισ βοηθεῖν παρῄνουν·

ἐν ἡγεμονίαισ μὲν βουλόμενοι γενέσθαι στρατιωτικαῖσ καὶ πραγμάτων ἐφάψασθαι μεγάλων, μάλιστα δ’ οἱ δυναστείασ καὶ τυραννίδοσ ἐν ταῖσ ἑαυτῶν πατρίσιν ἐρῶντεσ, ἣν συγκατασκευάσειν αὐτοῖσ Ταρκυνίουσ ἐπείθοντο τὴν Ῥωμαίων ἀρχὴν ἀνακτησαμένουσ.

οἱ δ’ εὐπορώτατοί τε καὶ ἐπιεικέστατοι μένειν ἐν ταῖσ σπονδαῖσ ἠξίουν τὰσ πόλεισ καὶ μὴ προχείρωσ ἐπὶ τὰ ὅπλα χωρεῖν· καὶ ἦσαν οὗτοι τῷ πλήθει πιθανώτατοι. ἐξωθούμενοι δὴ πρὸσ τῶν παραινούντων τὴν εἰρήνην ἄγειν οἱ τὸν πόλεμον ἐπισπεύδοντεσ, τοῦτό γε πείθουσι ποιῆσαι τὴν ἐκκλησίαν τελευτῶντεσ, πρεσβευτὰσ εἰσ Ῥώμην ἀποστεῖλαι τοὺσ παρακαλέσοντασ ἅμα καὶ συμβουλεύσοντασ τῇ πόλει δέχεσθαι Ταρκυνίουσ καὶ τοὺσ ἄλλουσ φυγάδασ ἐπ’ ἀδείᾳ καὶ ἀμνηστίᾳ, καὶ περὶ τούτων ὁρ́κια τεμόντασ τῇ πατρίῳ κοσμεῖσθαι πολιτείᾳ καὶ τῆσ Φιδηναίων πόλεωσ ἀπανιστάναι τὸν στρατόν, ὡσ σφῶν γε οὐχ ὑπεροψομένων συγγενεῖσ καὶ φίλουσ ἀφαιρεθέντασ τὴν πατρίδα·

ἐὰν δὲ μηδέτερον τούτων ὑπομείνωσι πράττειν, τότε βουλεύσεσθαι περὶ τοῦ πολέμου·

οὐκ ἀγνοοῦντεσ μέν, ὅτι τούτων οὐδέτερον ὑπομενοῦσι Ῥωμαῖοι, προφάσεισ δὲ τῆσ ἔχθρασ βουλόμενοι λαβεῖν εὐπρεπεῖσ, καὶ τοὺσ ἐναντιουμένουσ σφίσι θεραπείαισ ἐν τῷ μεταξὺ χρόνῳ καὶ χάρισιν ἐπάξεσθαι νομίζοντεσ.

ταῦτα ψηφισάμενοι καὶ χρόνον ὁρίσαντεσ ἐνιαύσιον Ῥωμαίοισ μὲν βουλῆσ, ἑαυτοῖσ δὲ παρασκευῆσ, καὶ πρεσβευτὰσ ἀποδείξαντεσ, οὓσ Ταρκύνιοσ ἐβούλετο, διέλυσαν τὸν σύλλογον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 52

(디오니시오스, Antiquitates Romanae, Books IV-VI, book 5, chapter 52)

상위

목록

SEARCH

MENU NAVIGATION