헬라어 문장 검색 - Διονψσ́Αντιθυί2́73́

(디오니시오스, Antiquitates Romanae, book 2, chapter 73)

τελευταῖοσ δ’ ἦν τῆσ Νόμα διατάξεωσ μερισμὸσ ὑπὲρ τῶν ἱερῶν, ὧν ἔλαχον οἱ τὴν μεγίστην παρὰ Ῥωμαίοισ ἱερατείαν καὶ ἐξουσίαν ἔχοντεσ. οὗτοι κατὰ μὲν τὴν ἑαυτῶν διάλεκτον ἐφ’ ἑνὸσ τῶν ἔργων ὃ πράττουσιν ἐπισκευάζοντεσ τὴν ξυλίνην γέφυραν ποντίφικεσ προσαγορεύονται, εἰσὶ δὲ τῶν μεγίστων πραγμάτων κύριοι. καὶ γὰρ δικάζουσιν οὗτοι τὰσ ἱερὰσ δίκασ ἁπάσασ ἰδιώταισ τε καὶ ἄρχουσι καὶ λειτουργοῖσ θεῶν καὶ νομοθετοῦσιν ὅσα τῶν ἱερῶν ἄγραφα ὄντα καὶ ἀνέθιστα κρίνοντεσ ἃ ἂν ἐπιτήδεια τυγχάνειν αὐτοῖσ φανείη νόμων τε καὶ ἐθισμῶν·

τάσ τε ἀρχὰσ ἁπάσασ, ὅσαισ θυσία τισ ἢ θεραπεία θεῶν ἀνάκειται, καὶ τοὺσ ἱερεῖσ ἅπαντασ ἐξετάζουσιν, ὑπηρέτασ τε αὐτῶν καὶ λειτουργούσ, οἷσ χρῶνται πρὸσ τὰ ἱερά, οὗτοι φυλάττουσι μηδὲν ἐξαμαρτάνειν περὶ τοὺσ ἱεροὺσ νόμουσ· τοῖσ τε ἰδιώταισ ὁπόσοι μὴ ἴσασι τοὺσ περὶ τὰ θεῖα ἢ δαιμόνια σεβασμούσ, ἐξηγηταὶ γίνονται καὶ προφῆται· καὶ εἴ τινασ αἴσθοιντο μὴ πειθομένουσ ταῖσ ἐπιταγαῖσ αὐτῶν, ζημιοῦσι πρὸσ ἕκαστον χρῆμα ὁρῶντεσ, εἰσί τε ἀνυπεύθυνοι πάσησ δίκησ τε καὶ ζημίασ οὔτε βουλῇ λόγον ἀποδιδόντεσ οὔτε δήμῳ, περὶ γοῦν τῶν ἱερῶν· ὥστε εἰ βούλεταί τισ αὐτοὺσ ἱεροδιδασκάλουσ καλεῖν εἴτε ἱερονόμουσ εἴτε ἱεροφύλακασ εἴτε, ὡσ ἡμεῖσ ἀξιοῦμεν, ἱεροφάντασ, οὐχ ἁμαρτήσεται τοῦ ἀληθοῦσ.

ἐκλιπόντοσ δέ τινοσ αὐτῶν τὸν βίον ἕτεροσ εἰσ τὸν ἐκείνου καθίσταται τόπον οὐχ ὑπὸ τοῦ δήμου αἱρεθείσ, ἀλλ’ ὑπ’ αὐτῶν ἐκείνων, ὃσ ἂν ἐπιτηδειότατοσ εἶναι δοκῇ τῶν πολιτῶν· παραλαμβάνει δὲ τὴν ἱερατείαν ὁ δοκιμασθείσ, ἐὰν εὐόρνιθεσ αὐτῷ τύχωσιν οἰωνοὶ γενόμενοι.

τὰ μὲν δὴ περὶ τὸ θεῖον νομοθετηθέντα ὑπὸ τοῦ Νόμα καὶ διαιρεθέντα κατὰ τὰσ συμμορίασ τῶν ἱερῶν, ἐξ ὧν εὐσεβεστέραν συνέβη γενέσθαι τὴν πόλιν, πρὸσ τοῖσ ἄλλοισ ἐλάττοσι τὰ μέγιστα καὶ φανερώτατα ταῦτ’ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 73

(디오니시오스, Antiquitates Romanae, book 2, chapter 73)

상위

목록

SEARCH

MENU NAVIGATION