헬라어 문장 검색 - Διονψσ́Αντιθυί2́43́

(디오니시오스, Antiquitates Romanae, book 2, chapter 43)

Ῥωμύλοσ δὲ τοὺσ ἄλλουσ διώκων ἐγγὺσ γενόμενοσ τοῦ Καπιτωλίου καὶ πολλὰσ ἐλπίδασ ἔχων αἱρήσειν τὸ φρούριον ἄλλοισ τε πολλοῖσ τραύμασι καταπονηθεὶσ καὶ δὴ καὶ λίθου πληγῇ ἐξαισίῳ κατὰ κροτάφου ἐνεχθέντοσ ἐκ τῶν ἄνωθεν κακωθείσ, αἴρεταί τε πρὸσ τῶν παρόντων ἡμιθανὴσ καὶ εἰσ τὸ τεῖχοσ ἀποφέρεται. τοῖσ δὲ Ῥωμαίοισ δέοσ ἐμπίπτει τὸν ἡγεμόνα οὐκέτι ὁρῶσι, καὶ τρέπεται τὸ δεξιὸν κέρασ εἰσ φυγήν·

οἱ δ’ ἐν τῷ εὐωνύμῳ ταχθέντεσ ἅμα τῷ Λοκόμωνι τέωσ μὲν ἀντεῖχον ὑπὸ τοῦ ἡγεμόνοσ ἀναθαρρρυνόμενοι, λαμπροτάτου τὰ πολέμια ἀνδρὸσ καὶ πλεῖστα ἔργα κατὰ τοῦτον τὸν πόλεμον ἀποδειξαμένου· διέμειναν, φυγὴ δὲ μετὰ τοῦτο πάντων αὐτῶν ἐγίνετο, καὶ οἱ Σαβῖνοι τεθαρρηκότεσ ἐδίωκον ἄχρι τῆσ πόλεωσ.

ἤδη δὲ πλησιάζοντεσ ταῖσ πύλαισ ἀπηλαύνοντο τῆσ νεότητοσ ἐπεξελθούσησ αὐτοῖσ ἀκραιφνοῦσ, ᾗ τὰ τείχη φυλάττειν ὁ βασιλεὺσ ἐπέτρεψε, καὶ τοῦ Ῥωμύλου, ῥᾷον γὰρ ἤδη εἶχεν ἐκ τοῦ τραύματοσ, ἐκβοηθήσαντοσ ὡσ εἶχε τάχουσ, ἐγίνετό τε ἀγχίστροφοσ ἡ τοῦ ἀγῶνοσ τύχη καὶ πολλὴν ἔχουσα τὴν ἐπὶ θάτερα μεταβολήν.

οἱ μέν γε φεύγοντεσ ὡσ τὸν ἡγεμόνα ἐκ τοῦ ἀπροσδοκήτου φανέντα εἶδον ἀναλαβόντεσ ἑαυτοὺσ ἐκ τοῦ προτέρου δέουσ εἰσ τάξιν καθίσταντο καὶ οὐκέτι ἀνεβάλλοντο μὴ οὐχ ὁμόσε τοῖσ ἐχθροῖσ χωρεῖν·

οἱ δὲ τέωσ κατείργοντεσ αὐτοὺσ καὶ μηδεμίαν οἰόμενοι μηχανὴν εἶναι τὸ μὴ οὐ κατὰ κράτοσ αὐτὴν τὴν πόλιν ἁλῶναι, ἐπειδὴ τὸ αἰφνίδιόν τε καὶ παράδοξον ἐθεάσαντο τῆσ μεταβολῆσ, περὶ σωτηρίασ αὐτοὶ τῆσ ἑαυτῶν ἐσκόπουν. ἦν δὲ αὐτοῖσ οὐκ εὐπετὴσ ἡ πρὸσ τὸν χάρακα ἀναχώρησισ καθ’ ὑψηλοῦ τε χωρίου καὶ διὰ κοίλησ ὁδοῦ διωκομένοισ, καὶ πολὺσ αὐτῶν φόνοσ ἐν ταύτῃ γίνεται τῇ τροπῇ.

ἐκείνην μὲν οὖν τὴν ἡμέραν οὕτωσ ἀγχωμάλωσ ἀγωνισάμενοι καὶ εἰσ τύχασ παραλόγουσ ἀμφότεροι καταστάντεσ ἡλίου περὶ καταφορὰν ὄντοσ ἤδη διεκρίθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 43

(디오니시오스, Antiquitates Romanae, book 2, chapter 43)

상위

목록

SEARCH

MENU NAVIGATION