헬라어 문장 검색 - Διονψσ́Αντιθυί2́24́

(디오니시오스, Antiquitates Romanae, book 2, chapter 24)

δἰ ὀλίγησ ὑπομνήσεωσ σημανῶ, τοσοῦτο προειπών, ὅτι μοι δοκοῦσιν ἅπαντεσ οἱ διατάξαντεσ τάσ τε βαρβαρικὰσ καὶ τὰσ Ἑλληνικὰσ πολιτείασ τὸ μὲν κοινὸν ὀρθῶσ ἰδεῖν, ὅτι πόλιν ἅπασαν ἐκ πολλῶν οἴκων συνεστῶσαν ὀρθήν τε πλεῖν εἰκὸσ ὅταν οἱ τῶν ἰδιωτῶν εὐσταθῶσι βίοι, καὶ χειμῶνα πολὺν ἄγειν ὅταν κακῶσ ἑκάστοισ ἔχῃ τὰ ἴδια, καὶ ὅτι δεῖ τὸν νοῦν ἔχοντα πολιτικὸν ἐάν τε νομοθέτησ ἐάν τε βασιλεὺσ ᾖ, ταῦτα νομοθετεῖν, ἃ ποιήσει δικαίουσ καὶ σώφρονασ τοὺσ τῶν ἰδιωτῶν βίουσ. ἐξ ὧν δ’ ἂν ἐπιτηδευμάτων καὶ δι’ οἱών γένοιντο τοιοῦτοι νόμων, οὐκέθ’ ὁμοίωσ ἅπαντεσ δοκοῦσί μοι συνιδεῖν, ἀλλ’ ἔνιοί γε πολλοῦ καὶ τοῦ παντόσ, ὡσ εἰπεῖν, ἐν τοῖσ κυριωτάτοισ καὶ πρώτοισ μέρεσι τῆσ νομοθεσίασ ἁμαρτεῖν.

ἀφ’ ἧσ ἄρχεσθαι δεῖ τὸν νομοθέτην, ὥσπερ καὶ ἡ φύσισ ἁρμόττειν τοὺσ βίουσ ἡμῶν ἤρξατο, οἱ μὲν ἀπὸ τῶν θηρίων τὸ παράδειγμα λαβόντεσ ἀφέτουσ καὶ κοινὰσ τὰσ μίξεισ ἐποίησαν τῷ ἄρρενι πρὸσ τὸ θῆλυ, ὡσ ἐρωτικῶν τε οἴστρων ἐλευθερώσοντεσ τοὺσ βίουσ καὶ ζήλων ἀλληλοκτόνων ἐξελούμενοι καὶ πολλῶν ἄλλων ἀπαλλάξοντεσ κακῶν, ἃ καταλαμβάνει τούσ τε ἰδίουσ οἴκουσ καὶ τὰσ πόλεισ ὅλασ διὰ γυναῖκασ·

οἱ δὲ ταύτασ μὲν ἐξήλασαν ἐκ τῶν πόλεων τὰσ ἀγερώχουσ καὶ θηριώδεισ συνουσίασ ἄνδρα συναρμόσαντεσ εἰσ γυναῖκα μίαν, περὶ δε φυλακῆσ γάμων καὶ σωφροσύνησ γυναικῶν νομοθετεῖν οὔτε μεῖζον οὔτ’ ἔλαττον οὐδὲν ἐπεχείρησαν, ἀλλ’ ὡσ ἀδυνάτου πράγματοσ ἀπέστησαν·

οἱ δὲ οὔτε ἀνεγγύουσ ἐποίησαν ὥσπερ ἔνιοι τῶν βαρβάρων τὰσ ἀφροδισίουσ μίξεισ οὔτε ἀφῆκαν ὥσπερ Λακεδαιμόνιοι τὰσ τῶν γυναικῶν φυλακάσ, ἀλλὰ πολλοὺσ ἔθεσαν ἐπ’ αὐταῖσ νόμουσ σωφρονιστάσ.

εἰσὶ δ’ οἳ καὶ ἀρχήν τινα κατέστησαν ἐπιμελησομένην εὐκοσμίασ γυναικῶν· οὐ μὴν ἀποχρῶσά γε ἡ πρόνοια αὐτῶν τῆσ τηρήσεωσ, ἀλλὰ μαλακωτέρα τοῦ δέοντοσ ἐγένετο καὶ οὐχ ἱκανὴ τὴν μὴ σπουδαίᾳ φύσει κεκραμένην εἰσ ἀνάγκην βίου σώφρονοσ ἀγαγεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 24

(디오니시오스, Antiquitates Romanae, book 2, chapter 24)

상위

목록

SEARCH

MENU NAVIGATION