헬라어 문장 검색 - Διονψσ́Αντιθυί2́14́

(디오니시오스, Antiquitates Romanae, book 2, chapter 14)

καταστησάμενοσ δὴ ταῦτα διέκρινε τὰσ τιμὰσ καὶ τὰσ ἐξουσίασ, ἃσ ἑκάστουσ ἐβούλετο ἔχειν. βασιλεῖ μὲν οὖν ἐξῄρητο τάδε τὰ γέρα· ἱερῶν καὶ θυσιῶν ἡγεμονίαν ἔχειν καὶ πάντα δι’ ἐκείνου πράττεσθαι τὰ πρὸσ τοὺσ θεοὺσ ὅσια, ἔπειτα νόμων τε καὶ πατρίων ἐθισμῶν φυλακὴν ποιεῖσθαι καὶ παντὸσ τοῦ κατὰ φύσιν ἢ κατὰ συνθήκασ δικαίου προνοεῖν τῶν τε ἀδικημάτων τὰ μέγιστα μὲν αὐτὸν δικάζειν, τὰ δ’ ἐλάττονα τοῖσ βουλευταῖσ ἐπιτρέπειν προνοούμενον ἵνα μηδὲν γίγνηται περὶ τὰσ δίκασ πλημμελέσ, βουλήν τε συνάγειν καὶ δῆμον συγκαλεῖν καὶ γνώμησ ἄρχειν καὶ τὰ δόξαντα τοῖσ πλείοσιν ἐπιτελεῖν.

ταῦτα μὲν ἀπέδωκε βασιλεῖ τὰ γέρα καὶ ἔτι πρὸσ τούτοισ ἡγεμονίαν ἔχειν αὐτοκράτορα ἐν πολέμῳ. τῷ δὲ συνεδρίῳ τῆσ βουλῆσ τιμὴν καὶ δυναστείαν ἀνέθηκε τοιάνδε·

περὶ παντὸσ ὅτου ἂν εἰσηγῆται βασιλεὺσ διαγινώσκειν τε καὶ ψῆφον ἐπιφέρειν, καὶ ὅ τι ἂν δόξῃ τοῖσ πλείοσι τοῦτο νικᾶν· ἐκ τῆσ Λακωνικῆσ πολιτείασ καὶ τοῦτο μετενεγκάμενοσ. οὐδὲ γὰρ οἱ Λακεδαιμονίων βασιλεῖσ αὐτοκράτορεσ ἦσαν ὅ τι βούλοιντο πράττειν, ἀλλ’ ἡ γερουσία πᾶν εἶχε τῶν κοινῶν τὸ κράτοσ. τῷ δὲ δημοτικῷ πλήθει τρία ταῦτα ἐπέτρεψεν·

ἀρχαιρεσιάζειν τε καὶ νόμουσ ἐπικυροῦν καὶ περὶ πολέμου διαγινώσκειν, ὅταν ὁ βασιλεὺσ ἐφῇ, οὐδὲ τούτων ἔχοντι τὴν ἐξουσίαν ἀνεπίληπτον, ἂν μὴ καὶ τῇ βουλῇ ταὐτὰ δοκῇ. ἔφερε δὲ τὴν ψῆφον οὐχ ἅμα πᾶσ ὁ δῆμοσ, ἀλλὰ κατὰ τὰσ φράτρασ συγκαλούμενοσ· ὅ τι δὲ ταῖσ πλείοσι δόξειε φράτραισ τοῦτο ἐπὶ τὴν βουλὴν ἀνεφέρετο.

ἐφ’ ἡμῶν δὲ μετάκειται τὸ ἔθοσ· οὐ γὰρ ἡ βουλὴ διαγινώσκει τὰ ψηφισθέντα ὑπὸ τοῦ δήμου, τῶν δ’ ὑπὸ τῆσ βουλῆσ γνωσθέντων ὁ δῆμόσ ἐστι κύριοσ· πότερον δὲ τῶν ἐθῶν κρεῖττον, ἐν κοινῷ τίθημι τοῖσ βουλομένοισ σκοπεῖν. ἐκ δὲ τῆσ διαιρέσεωσ ταύτησ οὐ μόνον τὰ πολιτικὰ πράγματα σώφρονασ ἐλάμβανε καὶ τεταγμένασ τὰσ διοικήσεισ, ἀλλὰ καὶ τὰ πολεμικὰ ταχείασ καὶ εὐπειθεῖσ.

ὁπότε γὰρ αὐτῷ φανείη στρατιὰν ἐξάγειν, οὔτε χιλιάρχουσ τότε ἔδει ἀποδείκνυσθαι κατὰ φυλὰσ οὔτε ἑκατοντάρχουσ κατὰ λόχουσ οὔτε ἱππέων ἡγεμόνασ οὔτε ἐξαριθμεῖσθαί τε καὶ λοχίζεσθαι καὶ τάξιν ἑκάστουσ τὴν προσῄκουσαν λαμβάνειν· ἀλλὰ βασιλεὺσ μὲν τοῖσ χιλιάρχοισ παρήγγελλεν, ἐκεῖνοι δὲ τοῖσ λοχαγοῖσ·

παρὰ δὲ τούτων οἱ δεκάδαρχοι μαθόντεσ ἐξῆγον τοὺσ ὑποτεταγμένουσ ἑαυτοῖσ ἕκαστοι, ἀφ’ ἑνόσ τε κελεύσματοσ εἴτε πᾶσα ἡ δύναμισ εἴτε μοῖρά τισ ἐξ αὐτῆσ κληθείη τὰ ὅπλα ἔχουσα παρῆν εἰσ τὸν ἀποδειχθέντα τόπον εὐτρεπήσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 14

(디오니시오스, Antiquitates Romanae, book 2, chapter 14)

상위

목록

SEARCH

MENU NAVIGATION