헬라어 문장 검색 - Διοδορ́Βιβλιοτ́2́41́

(디오도로스 시켈로스, Bibliotheca Historica, book 2, chapter 40)

τὸ δὲ πᾶν πλῆθοσ τῶν Ἰνδῶν εἰσ ἑπτὰ μέρη διῄρηται, ὧν ἐστι τὸ μὲν πρῶτον σύστημα φιλοσόφων, πλήθει μὲν τῶν ἄλλων μερῶν λειπόμενον, τῇ δ’ ἐπιφανείᾳ πάντων πρωτεῦον. ἀλειτούργητοι γὰρ ὄντεσ οἱ φιλόσοφοι πάσησ ὑπουργίασ οὔθ’ ἑτέρων κυριεύουσιν οὔθ’ ὑφ’ ἑτέρων δεσπόζονται. παραλαμβάνονται δ’ ὑπὸ μὲν τῶν ἰδιωτῶν εἴσ τε τὰσ ἐν τῷ βίῳ θυσίασ καὶ εἰσ τὰσ τῶν τετελευτηκότων ἐπιμελείασ, ὡσ θεοῖσ γεγονότεσ προσφιλέστατοι καὶ περὶ τῶν ἐν ᾅδου μάλιστ’ ἐμπείρωσ ἔχοντεσ, ταύτησ τε τῆσ ὑπουργίασ δῶρά τε καὶ τιμὰσ λαμβάνουσιν ἀξιολόγουσ·

τῷ δὲ κοινῷ τῶν Ἰνδῶν μεγάλασ παρέχονται χρείασ παραλαμβανόμενοι μὲν κατὰ τὸ νέον ἔτοσ ἐπὶ τὴν μεγάλην σύνοδον, προλέγοντεσ δὲ τοῖσ πλήθεσι περὶ αὐχμῶν καὶ ἐπομβρίασ, ἔτι δ’ ἀνέμων εὐπνοίασ καὶ νόσων καὶ τῶν ἄλλων τῶν δυναμένων τοὺσ ἀκούοντασ ὠφελῆσαι. τὰ μέλλοντα γὰρ προακούσαντεσ οἵ τε πολλοὶ καὶ ὁ βασιλεὺσ ἐκπληροῦσιν ἀεὶ τὸ μέλλον ἐκλείπειν καὶ προκατασκευάζουσιν ἀεί τι τῶν χρησίμων.

ὁ δ’ ἀποτυχὼν τῶν φιλοσόφων ἐν ταῖσ προρρήσεσιν ἄλλην μὲν οὐδεμίαν ἀναδέχεται τιμωρίαν ἢ βλασφημίαν, ἄφωνοσ δὲ διατελεῖ τὸν λοιπὸν βίον. δεύτερον δ’ ἐστὶ μέροσ τὸ τῶν γεωργῶν, οἳ τῷ πλήθει τῶν ἄλλων πολὺ προέχειν δοκοῦσιν.

οὗτοι δὲ πολέμων καὶ τῆσ ἄλλησ λειτουργίασ ἀφειμένοι περὶ τὰσ γεωργίασ ἀσχολοῦνται· καὶ οὐδεὶσ ἂν πολέμιοσ περιτυχὼν γεωργῷ κατὰ τὴν χώραν ἀδικήσειεν ἄν, ἀλλ’ ὡσ κοινοὺσ εὐεργέτασ ἡγούμενοι πάσησ ἀδικίασ ἀπέχονται. διόπερ ἀδιάφθοροσ ἡ χώρα διαμένουσα καὶ καρποῖσ βρίθουσα πολλὴν ἀπόλαυσιν παρέχεται τῶν ἐπιτηδείων τοῖσ ἀνθρώποισ.

βιοῦσι δ’ ἐπὶ τῆσ χώρασ μετὰ τέκνων καὶ γυναικῶν οἱ γεωργοί, καὶ τῆσ εἰσ τὴν πόλιν καταβάσεωσ παντελῶσ ἀφεστήκασι. τῆσ δὲ χώρασ μισθοὺσ τελοῦσι τῷ βασιλεῖ διὰ τὸ πᾶσαν τὴν Ἰνδικὴν βασιλικὴν εἶναι, ἰδιώτῃ δὲ μηδενὶ γῆν ἐξεῖναι κεκτῆσθαι· χωρὶσ δὲ τῆσ μισθώσεωσ τετάρτην εἰσ τὸ βασιλικὸν τελοῦσι. τρίτον δ’ ἐστὶ φῦλον τὸ τῶν βουκόλων καὶ ποιμένων καὶ καθόλου πάντων τῶν νομέων, οἳ πόλιν μὲν ἢ κώμην οὐκ οἰκοῦσι, σκηνίτῃ δὲ βίῳ χρῶνται, οἱ δ’ αὐτοὶ καὶ κυνηγοῦντεσ καθαρὰν ποιοῦσι τὴν χώραν ὀρνέων τε καὶ θηρίων.

εἰσ ταῦτα δ’ ἀσκοῦντεσ καὶ φιλοτεχνοῦντεσ ἐξημεροῦσι τὴν Ἰνδικήν, πλήθουσαν πολλῶν καὶ παντοδαπῶν θηρίων τε καὶ ὀρνέων τῶν κατεσθιόντων τὰ σπέρματα τῶν γεωργῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 40

(디오도로스 시켈로스, Bibliotheca Historica, book 2, chapter 40)

상위

목록

SEARCH

MENU NAVIGATION