헬라어 문장 검색 - Διοδορ́Βιβλιοτ́2́34́

(디오도로스 시켈로스, Bibliotheca Historica, book 2, chapter 33)

ἐπὶ δὲ τούτου συστῆναι μέγαν πόλεμον τοῖσ Μήδοισ πρὸσ Καδουσίουσ διὰ τοιαύτασ αἰτίασ. Παρσώνδην τὸν Πέρσην, θαυμαζόμενον ἐπ’ ἀνδρείᾳ καὶ συνέσει καὶ ταῖσ ἄλλαισ ἀρεταῖσ, φίλον τε ὑπάρξαι τῷ βασιλεῖ καὶ μέγιστον ἰσχῦσαι τῶν μετεχόντων τοῦ βασιλικοῦ συνεδρίου. τοῦτον δ’ ὑπὸ τοῦ βασιλέωσ ἔν τινι κρίσει λυπηθέντα φυγεῖν μετὰ πεζῶν μὲν τρισχιλίων, ἱππέων δὲ χιλίων εἰσ Καδουσίουσ, παρ’ οἷσ ἦν ἐκδεδομένοσ τὴν ἰδίαν ἀδελφὴν τῷ μάλιστα δυναστεύοντι κατὰ τούτουσ τοὺσ τόπουσ.

γενόμενον δ’ ἀποστάτην καὶ πείσαντα τὸ σύμπαν ἔθνοσ ἀντέχεσθαι τῆσ ἐλευθερίασ, αἱρεθῆναι στρατηγὸν διὰ τὴν ἀνδρείαν.

ἔπειτα πυνθανόμενον ἀθροιζομένην ἐπ’ αὐτὸν μεγάλην δύναμιν, καθοπλίσαι τοὺσ Καδουσίουσ πανδημεί, καὶ καταστρατοπεδεῦσαι πρὸσ ταῖσ εἰσ τὴν χώραν εἰσβολαῖσ ἔχοντα τοὺσ σύμπαντασ οὐκ ἐλάττουσ εἴκοσι μυριάδων. τοῦ δὲ βασιλέωσ Ἀρταίου στρατεύσαντοσ ἐπ’ αὐτὸν μυριάσιν ὀγδοήκοντα μάχῃ κρατῆσαι καὶ πλείουσ μὲν τῶν πεντακισμυρίων ἀνελεῖν, τὴν δ’ ἄλλην δύναμιν ἐκβαλεῖν ἐκ τῆσ Καδουσίων χώρασ.

διὸ καὶ παρὰ τοῖσ ἐγχωρίοισ θαυμαζόμενον αἱρεθῆναί τε βασιλέα καὶ τὴν Μηδίαν συνεχῶσ λεηλατεῖν καὶ πάντα τόπον καταφθείρειν. μεγάλησ δὲ δόξησ τυχόντα, καὶ γήρᾳ μέλλοντα καταστρέφειν τὸν βίον, ἀρὰν θέσθαι παραστησάμενον τὸν διαδεχόμενον τὴν ἀρχήν, ὅπωσ μηδέποτε διαλύσωνται τὴν ἔχθραν Καδούσιοι πρὸσ Μήδουσ·

εἰ δὲ σύνθοιντο ὁμολογίασ, ἐξώλεισ γενέσθαι τούσ τε ἀπὸ τοῦ γένουσ αὐτοῦ καὶ Καδουσίουσ ἅπαντασ. διὰ δὴ ταύτασ τὰσ αἰτίασ ἀεὶ πολεμικῶσ ἐσχηκέναι Καδουσίουσ πρὸσ Μήδουσ, καὶ μηδέποτε τοῖσ τούτων βασιλεῦσιν ὑπηκόουσ γεγονέναι, μέχρι οὗ Κῦροσ εἰσ Πέρσασ μετέστησε τὴν ἡγεμονίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 33

(디오도로스 시켈로스, Bibliotheca Historica, book 2, chapter 33)

상위

목록

SEARCH

MENU NAVIGATION