헬라어 문장 검색 - Διοδορ́Βιβλιοτ́2́24́

(디오도로스 시켈로스, Bibliotheca Historica, book 2, chapter 23)

Σαρδανάπαλλοσ δέ, τριακοστὸσ μὲν ὢν ἀπὸ Νίνου τοῦ συστησαμένου τὴν ἡγεμονίαν, ἔσχατοσ δὲ γενόμενοσ Ἀσσυρίων βασιλεύσ, ὑπερῆρεν ἅπαντασ τοὺσ πρὸ αὐτοῦ τρυφῇ καὶ ῥᾳθυμίᾳ. χωρὶσ γὰρ τοῦ μηδ’ ὑφ’ ἑνὸσ τῶν ἔξωθεν ὁρᾶσθαι βίον ἔζησε γυναικόσ, καὶ διαιτώμενοσ μὲν μετὰ τῶν παλλακίδων, πορφύραν δὲ καὶ τὰ μαλακώτατα τῶν ἐρίων ταλασιουργῶν, στολὴν μὲν γυναικείαν ἐνεδεδύκει, τὸ δὲ πρόσωπον καὶ πᾶν τὸ σῶμα ψιμυθίοισ καὶ τοῖσ ἄλλοισ τοῖσ τῶν ἑταιρῶν ἐπιτηδεύμασιν ἁπαλώτερον πάσησ γυναικὸσ τρυφερᾶσ κατεσκεύαστο. ἐπετήδευσε δὲ καὶ τὴν φωνὴν ἔχειν γυναικώδη καὶ κατὰ τοὺσ πότουσ οὐ μόνον ποτῶν καὶ βρωτῶν τῶν δυναμένων μάλιστα τὰσ ἡδονὰσ παρέχεσθαι συνεχῶσ ἀπολαύειν, ἀλλὰ καὶ τὰσ ἀφροδισιακὰσ τέρψεισ μεταδιώκειν ἀνδρὸσ ἅμα καὶ γυναικόσ·

ἐχρῆτο γὰρ ταῖσ ἐπ’ ἀμφότερα συνουσίαισ ἀνέδην, τῆσ ἐκ τῆσ πράξεωσ αἰσχύνησ οὐδὲν ὅλωσ φροντίζων. ἐπὶ τοσοῦτο δὲ προήχθη τρυφῆσ καὶ τῆσ αἰσχίστησ ἡδονῆσ καὶ ἀκρασίασ ὥστ’ ἐπικήδειον εἰσ αὑτὸν ποιῆσαι καὶ παραγγεῖλαι τοῖσ διαδόχοισ τῆσ ἀρχῆσ μετὰ τὴν ἑαυτοῦ τελευτὴν ἐπὶ τὸν τάφον ἐπιγράψαι τὸ συγγραφὲν μὲν ὑπ’ ἐκείνου βαρβαρικῶσ, μεθερμηνευθὲν δὲ ὕστερον ὑπό τινοσ Ἕλληνοσ, εὖ εἰδὼσ ὅτι θνητὸσ ἔφυσ, σὸν θυμὸν ἀέξε τερπόμενοσ θαλίῃσι·

θανόντι σοι οὔτισ ὄνησισ. καὶ γὰρ ἐγὼ σποδόσ εἰμι, Νίνου μεγάλησ βασιλεύσασ. ταῦτ’ ἔχω ὅσσ’ ἔφαγον καὶ ἐφύβρισα καὶ μετ’ ἔρωτοσ τέρπν’ ἔπαθον, τὰ δὲ πολλὰ καὶ ὄλβια κεῖνα λέλειπται. τοιοῦτοσ δ’ ὢν τὸν τρόπον οὐ μόνον αὐτὸσ αἰσχρῶσ κατέστρεψε τὸν βίον, ἀλλὰ καὶ τὴν Ἀσσυρίων ἡγεμονίαν ἄρδην ἀνέτρεψε, πολυχρονιωτάτην γενομένην τῶν μνημονευομένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 23

(디오도로스 시켈로스, Bibliotheca Historica, book 2, chapter 23)

상위

목록

SEARCH

MENU NAVIGATION