헬라어 문장 검색 - Διοδορ́Βιβλιοτ́2́17́

(디오도로스 시켈로스, Bibliotheca Historica, book 2, chapter 16)

ἡ δὲ Σεμίραμισ καταστήσασα τά τε κατὰ τὴν Αἰθιοπίαν καὶ τὴν Αἴγυπτον ἐπανῆλθε μετὰ τῆσ δυνάμεωσ εἰσ Βάκτρα τῆσ Ἀσίασ. ἔχουσα δὲ δυνάμεισ μεγάλασ καὶ πολυχρόνιον εἰρήνην ἄγουσα φιλοτίμωσ ἔσχε πρᾶξαί τι λαμπρὸν κατὰ πόλεμον. πυνθανομένη δὲ τὸ τῶν Ἰνδῶν ἔθνοσ μέγιστον εἶναι τῶν κατὰ τὴν οἰκουμένην καὶ πλείστην τε καὶ καλλίστην χώραν νέμεσθαι, διενοεῖτο στρατεύειν εἰσ τὴν Ἰνδικήν, ἧσ ἐβασίλευε μὲν Σταβροβάτησ κατ’ ἐκείνουσ τοὺσ χρόνουσ, στρατιωτῶν δ’ εἶχεν ἀναρίθμητον πλῆθοσ·

ὑπῆρχον δ’ αὐτῷ καὶ ἐλέφαντεσ πολλοὶ καθ’ ὑπερβολὴν λαμπρῶσ κεκοσμημένοι τοῖσ εἰσ τὸν πόλεμον καταπληκτικοῖσ. ἡ γὰρ Ἰνδικὴ χώρα διάφοροσ οὖσα τῷ κάλλει καὶ πολλοῖσ διειλημμένη ποταμοῖσ ἀρδεύεταί τε πολλαχοῦ καὶ διττοὺσ καθ’ ἕκαστον ἐνιαυτὸν ἐκφέρει καρπούσ·

διὸ καὶ τῶν πρὸσ τὸ ζῆν ἐπιτηδείων τοσοῦτον ἔχει πλῆθοσ ὥστε διὰ παντὸσ ἄφθονον ἀπόλαυσιν τοῖσ ἐγχωρίοισ παρέχεσθαι. λέγεται δὲ μηδέποτε κατ’ αὐτὴν γεγονέναι σιτοδείαν ἢ φθορὰν καρπῶν διὰ τὴν εὐκρασίαν τῶν τόπων. ἔχει δὲ καὶ τῶν ἐλεφάντων ἄπιστον πλῆθοσ, οἳ ταῖσ τε ἀλκαῖσ καὶ ταῖσ τοῦ σώματοσ ῥώμαισ πολὺ προέχουσι τῶν ἐν τῇ Λιβύῃ γινομένων, ὁμοίωσ δὲ χρυσόν, ἄργυρον, σίδηρον, χαλκόν·

πρὸσ δὲ τούτοισ λίθων παντοίων καὶ πολυτελῶν ἔστιν ἐν αὐτῇ πλῆθοσ, ἔτι δὲ τῶν ἄλλων ἁπάντων σχεδὸν τῶν πρὸσ τρυφὴν καὶ πλοῦτον διατεινόντων. ὑπὲρ ὧν τὰ κατὰ μέροσ ἡ Σεμίραμισ ἀκούσασα προήχθη μηδὲν προαδικηθεῖσα τὸν πρὸσ Ἰνδοὺσ ἐξενεγκεῖν πόλεμον. ὁρῶσα δ’ αὑτὴν μεγάλων καθ’ ὑπερβολὴν προσδεομένην δυνάμεων, ἐξέπεμψεν ἀγγέλουσ εἰσ ἁπάσασ τὰσ σατραπείασ, διακελευσαμένη τοῖσ ἐπάρχοισ καταγράφειν τῶν νέων τοὺσ ἀρίστουσ, δοῦσα τὸν ἀριθμὸν κατὰ τὰ μεγέθη τῶν ἐθνῶν·

προσέταξε δὲ πᾶσι κατασκευάζειν καινὰσ πανοπλίασ καὶ τοῖσ ἄλλοισ ἅπασι λαμπρῶσ παραγίνεσθαι κεκοσμημένουσ μετὰ τρίτον ἔτοσ εἰσ Βάκτρα. μετεπέμψατο δὲ καὶ ναυπηγοὺσ ἔκ τε Φοινίκησ καὶ Συρίασ καὶ Κύπρου καὶ τῆσ ἄλλησ τῆσ παραθαλαττίου χώρασ, οἷσ ἄφθονον ὕλην μεταγαγοῦσα διεκελεύσατο κατασκευάζειν ποτάμια πλοῖα διαιρετά.

ὁ γὰρ Ἰνδὸσ ποταμόσ, μέγιστοσ ὢν τῶν περὶ τοὺσ τόπουσ καὶ τὴν βασιλείαν αὐτῆσ ὁρίζων, πολλῶν προσεδεῖτο πλοίων πρόσ τε τὴν διάβασιν καὶ πρὸσ τὸ τοὺσ Ἰνδοὺσ ἀπὸ τούτων ἀμύνασθαι·

περὶ δὲ τὸν ποταμὸν οὐκ οὔσησ ὕλησ ἀναγκαῖον ἦν ἐκ τῆσ Βακτριανῆσ πεζῇ παρακομίζεσθαι τὰ πλοῖα. θεωροῦσα δ’ ἡ Σεμίραμισ ἑαυτὴν ἐν τῇ τῶν ἐλεφάντων χρείᾳ πολὺ λειπομένην, ἐπενοήσατό κατασκευάζειν εἴδωλα τούτων τῶν ζῴων, ἐλπίζουσα καταπλήξεσθαι τοὺσ Ἰνδοὺσ διὰ τὸ νομίζειν αὐτοὺσ μηδ’ εἶναι τὸ σύνολον ἐλέφαντασ ἐκτὸσ τῶν κατὰ τὴν Ἰνδικήν.

ἐπιλέξασα δὲ βοῶν μελάνων τριάκοντα μυριάδασ τὰ μὲν κρέα τοῖσ τεχνίταισ καὶ τοῖσ πρὸσ τὴν τῶν κατασκευασμάτων ὑπηρεσίαν τεταγμένοισ διένειμε, τὰσ δὲ βύρσασ συρράπτουσα καὶ χόρτου πληροῦσα κατεσκεύασεν εἴδωλα, κατὰ πᾶν ἀπομιμουμένη τὴν τῶν ζῴων τούτων φύσιν.

ἕκαστον δὲ τούτων εἶχεν ἐντὸσ ἄνδρα τὸν ἐπιμελησόμενον καὶ κάμηλον, ὑφ’ οὗ φερόμενον φαντασίαν τοῖσ πόρρωθεν ὁρῶσιν ἀληθινοῦ θηρίου παρείχετο. οἱ δὲ ταῦτα κατασκευάζοντεσ αὐτῇ τεχνῖται προσεκαρτέρουν τοῖσ ἔργοισ ἔν τινι περιβόλῳ περιῳκοδομημένῳ καὶ πύλασ ἔχοντι τηρουμένασ ἐπιμελῶσ, ὥστε μηδένα μήτε τῶν ἔσωθεν ἐξιέναι τεχνιτῶν μήτε τῶν ἔξωθεν εἰσιέναι πρὸσ αὐτούσ.

τοῦτο δ’ ἐποίησεν, ὅπωσ μηδεὶσ τῶν ἔξωθεν ἴδῃ τὸ γινόμενον μηδὲ διαπέσῃ φήμη πρὸσ Ἰνδοὺσ περὶ τούτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 16

(디오도로스 시켈로스, Bibliotheca Historica, book 2, chapter 16)

상위

목록

SEARCH

MENU NAVIGATION