헬라어 문장 검색 - Διοδορ́Βιβλιοτ́2́11́

(디오도로스 시켈로스, Bibliotheca Historica, book 2, chapter 10)

ὑπῆρχε δὲ καὶ ὁ κρεμαστὸσ καλούμενοσ κῆποσ παρὰ τὴν ἀκρόπολιν, οὐ Σεμιράμιδοσ, ἀλλά τινοσ ὕστερον Σύρου βασιλέωσ κατασκευάσαντοσ χάριν γυναικὸσ παλλακῆσ· ταύτην γάρ φασιν οὖσαν τὸ γένοσ Περσίδα καὶ τοὺσ ἐν τοῖσ ὄρεσι λειμῶνασ ἐπιζητοῦσαν ἀξιῶσαι τὸν βασιλέα μιμήσασθαι διὰ τῆσ τοῦ φυτουργείου φιλοτεχνίασ τὴν τῆσ Περσίδοσ χώρασ ἰδιότητα. ἔστι δ’ ὁ παράδεισοσ τὴν μὲν πλευρὰν ἑκάστην παρεκτείνων εἰσ τέτταρα πλέθρα, τὴν δὲ πρόσβασιν ὀρεινὴν καὶ τὰσ οἰκοδομίασ ἄλλασ ἐξ ἄλλων ἔχων, ὥστε τὴν πρόσοψιν εἶναι θεατροειδῆ.

ὑπὸ δὲ ταῖσ κατεσκευασμέναισ ἀναβάσεσιν ᾠκοδόμηντο σύριγγεσ, ἅπαν μὲν ὑποδεχόμεναι τὸ τοῦ φυτουργείου βάροσ, ἀλλήλων δ’ ἐκ τοῦ κατ’ ὀλίγον ἀεὶ μικρὸν ὑπερέχουσαι κατὰ τὴν πρόσβασιν·

ἡ δ’ ἀνωτάτω σῦριγξ οὖσα πεντήκοντα πηχῶν τὸ ὕψοσ εἶχεν ἐπ’ αὐτῇ τοῦ παραδείσου τὴν ἀνωτάτην ἐπιφάνειαν συνεξισουμένην τῷ περιβόλῳ τῶν ἐπάλξεων. ἔπειθ’ οἱ μὲν τοῖχοι πολυτελῶσ κατεσκευασμένοι τὸ πάχοσ εἶχον ποδῶν εἴκοσι δύο, τῶν δὲ διεξόδων ἑκάστη τὸ πλάτοσ δέκα.

τὰσ δ’ ὀροφὰσ κατεστέγαζον λίθιναι δοκοί, τὸ μὲν μῆκοσ σὺν ταῖσ ἐπιβολαῖσ ἔχουσαι ποδῶν ἑκκαίδεκα, τὸ δὲ πλάτοσ τεττάρων. τὸ δ’ ἐπὶ ταῖσ δοκοῖσ ὀρόφωμα πρῶτον μὲν εἶχεν ὑπεστρωμένον κάλαμον μετὰ πολλῆσ ἀσφάλτου, μετὰ δὲ ταῦτα πλίνθον ὀπτὴν διπλῆν ἐν γύψῳ δεδεμένην, τρίτην δ’ ἐπιβολὴν ἐδέχετο μολιβᾶσ στέγασ πρὸσ τὸ μὴ διικνεῖσθαι κατὰ βάθοσ τὴν ἐκ τοῦ χώματοσ νοτίδα.

ἐπὶ δὲ τούτοισ ἐσεσώρευτο γῆσ ἱκανὸν βάθοσ, ἀρκοῦν ταῖσ τῶν μεγίστων δένδρων ῥίζαισ· τὸ δ’ ἔδαφοσ ἐξωμαλισμένον πλῆρεσ ἦν παντοδαπῶν δένδρων τῶν δυναμένων κατά τε τὸ μέγεθοσ καὶ τὴν ἄλλην χάριν τοὺσ θεωμένουσ ψυχαγωγῆσαι. αἱ δὲ σύριγγεσ τὰ φῶτα δεχόμεναι ταῖσ δἰ ἀλλήλων ὑπεροχαῖσ πολλὰσ καὶ παντοδαπὰσ εἶχον διαίτασ βασιλικάσ·

μία δ’ ἦν ἐκ τῆσ ἀνωτάτησ ἐπιφανείασ διατομὰσ ἔχουσα καὶ πρὸσ τὰσ ἐπαντλήσεισ τῶν ὑδάτων ὄργανα, δι’ ὧν ἀνεσπᾶτο πλῆθοσ ὕδατοσ ἐκ τοῦ ποταμοῦ, μηδενὸσ τῶν ἔξωθεν τὸ γινόμενον συνιδεῖν δυναμένου. οὗτοσ μὲν οὖν ὁ παράδεισοσ, ὡσ προεῖπον, ὕστερον κατεσκευάσθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 10

(디오도로스 시켈로스, Bibliotheca Historica, book 2, chapter 10)

상위

목록

SEARCH

MENU NAVIGATION