Pausanias, Description of Greece, Ἀρκαδικά, chapter 29 7:

ἀναξηρανθέντοσ δὲ τοῦ ἀρχαίου ῥεύματοσ, κεραμεᾶ τε ἐν αὐτῷ σορὸσ πλέον ἢ ἑνόσ τε καὶ δέκα εὑρέθη πηχῶν καὶ ὁ νεκρὸσ μέγεθόσ τε ἦν κατὰ τὴν σορὸν καὶ ἄνθρωποσ διὰ παντὸσ τοῦ σώματοσ. τοῦτον τὸν νεκρὸν <ὁ> ἐν Κλάρῳ ὁ θεόσ, ἀφικομένων ἐπὶ τὸ χρηστήριον τῶν Σύρων, εἶπεν Ὀρόντην εἶναι, γένουσ δὲ αὐτὸν εἶναι τοῦ Ἰνδῶν. εἰ δὲ τὴν γῆν τὸ ἀρχαῖον οὖσαν ὑγρὰν ἔτι καὶ ἀνάπλεων νοτίδοσ θερμαίνων ὁ ἥλιοσ τοὺσ πρώτουσ ἐποίησεν ἀνθρώπουσ, ποίαν εἰκόσ ἐστιν ἄλλην χώραν ἢ προτέραν τῆσ Ἰνδῶν ἢ μείζονασ ἀνεῖναι τοὺσ ἀνθρώπουσ, ἥ γε καὶ ἐσ ἡμᾶσ ἔτι καὶ ὄψεωσ τῷ παραλόγῳ καὶ μεγέθει διάφορα ἐκτρέφει θηρία;