헬라어 문장 검색 - Παυσαν́Δεσξριπ́8́34́

(파우사니아스, Description of Greece, Ἀρκαδικά, chapter 34)

ἐκ δὲ Μεγάλησ πόλεωσ ἰόντι ἐσ Μεσσήνην καὶ σταδίουσ μάλιστα προελθόντι ἑπτά, ἔστιν ἐν ἀριστερᾷ τῆσ λεωφόρου θεῶν ἱερόν. καλοῦσι δὲ καὶ αὐτὰσ τὰσ θεὰσ καὶ τὴν χώραν τὴν περὶ τὸ ἱερὸν Μανίασ· δοκεῖν δέ μοι θεῶν τῶν Εὐμενίδων ἐστὶν ἐπίκλησισ, καὶ Ὀρέστην ἐπὶ τῷ φόνῳ τῆσ μητρόσ φασιν αὐτόθι μανῆναι. οὐ πόρρω δὲ τοῦ ἱεροῦ γῆσ χῶμά ἐστιν οὐ μέγα, ἐπίθημα ἔχον λίθου πεποιημένον δάκτυλον, καὶ δὴ καὶ ὄνομα τῷ χώματί ἐστι Δακτύλου μνῆμα·

ἐνταῦθα ἔκφρονα Ὀρέστην γενόμενον λέγουσιν ἕνα τῆσ ἑτέρασ τῶν χειρῶν ἀποφαγεῖν δάκτυλον. τούτῳ δέ ἐστιν ἕτερον συνεχὲσ χωρίον Ἄκη καλούμενον, ὅτι ἐγένετο ἐν αὐτῷ τῆσ νόσου τῷ Ὀρέστῃ τὰ ἰάματα· πεποίηται δὲ Εὐμενίσι καὶ αὐτόθι ἱερὸν.

ταύτασ τὰσ θεάσ, ἡνίκα τὸν Ὀρέστην ἔκφρονα ἔμελλον ποιήσειν, φασὶν αὐτῷ φανῆναι μελαίνασ·

ὡσ δὲ ἀπέφαγε τὸν δάκτυλον, τὰσ δὲ αὖθισ δοκεῖν οἱ λευκὰσ εἶναι, καὶ αὐτὸν σωφρονῆσαί τε ἐπὶ τῇ θέᾳ καὶ οὕτω ταῖσ μὲν ἐνήγισεν ἀποτρέπων τὸ μήνιμα αὐτῶν, ταῖσ δὲ ἔθυσε ταῖσ λευκαῖσ. ὁμοῦ δὲ αὐταῖσ καὶ Χάρισι θύειν νομίζουσι. πρὸσ δὲ τῷ χωρίῳ τοῖσ Ἄκεσιν ἕτερόν ἐστιν <Κουρεῖον> ὀνομαζόμενον ἱερόν, ὅτι Ὀρέστησ ἐνταῦθα ἐκείρατο τὴν κόμην, ἐπειδὴ ἐντὸσ ἐγένετο αὑτοῦ· Πελοποννησίων δὲ οἱ τὰ ἀρχαῖα μνημονεύοντεσ πρότερα τῷ Ὀρέστῃ τὰ ἐν Ἀρκαδίᾳ γενέσθαι φασὶν ὑπὸ Ἐρινύων τῶν Κλυταιμνήστρασ ἢ ἐν Ἀρείῳ πάγῳ τὴν κρίσιν, καὶ αὐτῷ κατήγορον <οὐ> τὸν Τυνδάρεων ‐ περιεῖναι γὰρ οὐκέτι ἐκεῖνον ‐ , Περίλαον δὲ ἐπιστῆναι δίκην καὶ ἐπὶ τῷ αἵματι τῆσ μητρὸσ αἰτοῦντα ἅτε ἀνεψιὸν τῆσ Κλυταιμνήστρασ·

Ἰκαρίου γὰρ παῖδα εἶναι Περίλαον, γενέσθαι δὲ ὕστερον καὶ θυγατέρασ τῷ Ἰκαρίῳ. ἐκ Μανιῶν δὲ ὁδὸσ ἐπὶ τὸν Ἀλφειόν ἐστιν ὅσον πέντε σταδίων καὶ δέκα·

κατὰ τοῦτο Γαθεάτασ ποταμὸσ ἐκδίδωσιν ἐσ τὸν Ἀλφειόν, ἐσ δὲ τὸν Γαθεάταν πρότερον ἔτι κάτεισιν ὁ Καρνίων. τούτῳ μὲν δὴ αἱ πηγαὶ γῆσ εἰσι τῆσ Αἰγύτιδοσ ὑπὸ τοῦ Ἀπόλλωνοσ τοῦ Κερεάτα τὸ ἱερόν, τῷ Γαθεάτᾳ δὲ τῆσ Κρωμίτιδοσ χώρασ ἐν Γαθέαισ. ἡ δὲ Κρωμῖτισ ἀνωτέρω τοῦ Ἀλφειοῦ σταδίουσ ὡσ τεσσαράκοντά ἐστι, καὶ ἐν αὐτῇ πόλεωσ Κρώμων οὐ παντάπασι τὰ ἐρείπια ἦν ἐξίτηλα.

ἐκ δὲ Κρώμων ὡσ εἴκοσι στάδιά ἐστιν ἐπὶ Νυμφάδα·

καταρρεῖται δὲ ὕδατι καὶ δένδρων ἀνάπλεώσ ἐστιν ἡ Νυμφάσ. καὶ ἀπ’ αὐτῆσ στάδια εἴκοσί ἐστιν ἐπὶ τὸ Ἑρμαῖον, ἐσ ὃ Μεσσηνίοισ καὶ Μεγαλοπολίταισ εἰσὶν ὁρ́οι· πεποίηνται δὲ αὐτόθι καὶ Ἑρμῆν ἐπὶ στήλῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 34

(파우사니아스, Description of Greece, Ἀρκαδικά, chapter 34)

상위

목록

SEARCH

MENU NAVIGATION