Pausanias, Description of Greece, Ἀρκαδικά, chapter 21

(파우사니아스, Description of Greece, Ἀρκαδικά, chapter 21)

ταῦτα μὲν δὴ οὕτω λέγουσι· τοῦ Λάδωνοσ δὲ τῶν πηγῶν ἀπέχει στάδια ἑξήκοντα ἡ Κλειτορίων πόλισ, ἡ δὲ ὁδὸσ ἡ ἀπὸ τῶν πηγῶν τοῦ Λάδωνόσ ἐστιν αὐλὼν στενὸσ παρὰ τὸν Ἀροάνιον ποταμόν. πρὸσ δὲ τῇ πόλει διαβήσῃ ποταμὸν καλούμενον Κλείτορα. ἐκδίδωσιν οὖν ὁ Κλείτωρ ἐσ τὸν Ἀροάνιον, οὐ πλέον τῆσ πόλεωσ σταδίουσ ἀπέχοντα ἑπτά. εἰσὶ δὲ ἰχθῦσ ἐν τῷ Ἀροανίῳ καὶ ἄλλοι καὶ οἱ ποικιλίαι καλούμενοι·

τούτουσ λέγουσι τοὺσ ποικιλίασ φθέγγεσθαι κίχλῃ τῇ ὄρνιθι ἐοικόσ. δὲ ἤκουσα οὐδὲν καταμείνασ πρὸσ τῷ ποταμῷ καὶ ἐσ ἡλίου δυσμάσ, ὅτε δὴ φθέγγεσθαι μάλιστα ἐλέγοντο οἱ ἰχθῦσ.

τῇ δὲ Κλειτορίων πόλει τὸ μὲν ὄνομα ἀπὸ τοῦ παιδὸσ ἐτέθη τοῦ Ἀζᾶνοσ, οἰκεῖται <δ’> ἐν ὁμαλῷ, κύκλῳ δὲ ὄρη περιέχοντά ἐστιν οὐ μεγάλα.

Κλειτορίοισ δὲ ἱερὰ τὰ ἐπιφανέστατα Δήμητροσ τό τε Ἀσκληπιοῦ, τρίτον δέ ἐστιν Εἰλειθυίασ εἶναι, καὶ ἀριθμὸν ἐποίησεν οὐδένα ἐπ’ αὐτοῖσ· Λύκιοσ δὲ Ὠλὴν ἀρχαιότεροσ τὴν ἡλικίαν, Δηλίοισ ὕμνουσ καὶ ἄλλουσ ποιήσασ καὶ ἐσ Εἰλείθυιαν τε, εὔλινόν τε αὐτὴν ἀνακαλεῖ ‐ δῆλον ὡσ τῇ πεπρωμένῃ τὴν αὐτήν ‐ καὶ Κρόνου πρεσβυτέραν φησὶν εἶναι. Κλειτορίοισ δὲ καὶ Διοσκούρων, καλουμένων δὲ θεῶν Μεγάλων ἐστὶν ἱερὸν ὅσον τέσσαρα ἀπέχον στάδια ἀπὸ τῆσ πόλεωσ·

καὶ ἀγάλματά ἐστιν αὐτοῖσ χαλκᾶ. πεποίηται δὲ καὶ ἐπὶ ὄρουσ κορυφῆσ σταδίοισ τριάκοντα ἀπωτέρω τῆσ πόλεωσ ναὸσ καὶ ἄγαλμα Ἀθηνᾶσ Κορίασ.

일치하는 문장이 없습니다.

SEARCH

MENU NAVIGATION