Pausanias, Description of Greece, Ἀρκαδικά, chapter 45

(파우사니아스, Description of Greece, Ἀρκαδικά, chapter 45)

Τεγεᾶται δὲ ἐπὶ μὲν Τεγεάτου τοῦ Λυκάονοσ τῇ χώρᾳ φασὶν ἀπ’ αὐτοῦ γενέσθαι μόνῃ τὸ ὄνομα, τοῖσ δὲ ἀνθρώποισ κατὰ δήμουσ εἶναι τὰσ οἰκήσεισ, Γαρεάτασ καὶ Φυλακεῖσ καὶ Καρυάτασ τε καὶ Κορυθεῖσ, ἔτι δὲ Πωταχίδασ καὶ Οἰάτασ Μανθυρεῖσ τε καὶ Ἐχευήθεισ· ἐπὶ δὲ Ἀφείδαντοσ βασιλεύοντοσ καὶ ἔνατόσ σφισι δῆμοσ προσεγένετο Ἀφείδαντεσ· τῆσ δὲ ἐφ’ ἡμῶν πόλεωσ οἰκιστὴσ ἐγένετο Ἄλεοσ. Τεγεάταισ δὲ παρὲξ ἢ τὰ Ἀρκάδων κοινά, ἐν οἷσ ἔστι μὲν ὁ πρὸσ Ἰλίῳ πόλεμοσ, ἔστι δὲ τὰ Μηδικά τε καὶ ἐν Διπαιεῦσιν ὁ πρὸσ Λακεδαιμονίουσ ἀγών, παρὲξ οὖν τῶν καταλελεγμένων ἰδίᾳ Τεγεάταισ ἐστὶν αὐτοῖσ τοσάδε ἐσ δόξαν.

τὸν γὰρ ἐν Καλυδῶνι ὗν Ἀγκαῖοσ ὑπέμεινεν ὁ Λυκούργου τρωθείσ, καὶ Ἀταλάντη τοξεύει τὸν ὗν καὶ ἔτυχε πρώτη τοῦ θηρίου· τούτων ἕνεκα αὐτῇ ἡ κεφαλή τε τοῦ ὑὸσ καὶ τὸ δέρμα ἀριστεῖα ἐδόθη. Ἡρακλειδῶν δὲ ἐσ Πελοπόννησον κατιόντων Ἔχεμοσ ὁ Αἐρόπου Τεγεάτησ ἐμονομάχησεν ἰδίᾳ πρὸσ Ὕλλον, καὶ ἐκράτησε τοῦ Ὕλλου τῇ μάχῃ.

Λακεδαιμονίουσ τε οἱ Τεγεᾶται πρῶτοι Ἀρκάδων σφίσιν ἐπιστρατεύσαντασ ἐνίκησαν καὶ αἰχμαλώτουσ αἱροῦσιν αὐτῶν τοὺσ πολλούσ. Τεγεάταισ δὲ Ἀθηνᾶσ τῆσ Ἀλέασ τὸ ἱερὸν τὸ ἀρχαῖον ἐποίησεν Ἄλεοσ·

χρόνῳ δὲ ὕστερον κατεσκευάσαντο οἱ Τεγεᾶται τῇ θεῷ ναὸν μέγαν τε καὶ θέασ ἄξιον. ἐκεῖνο μὲν δὴ πῦρ ἠφάνισεν ἐπινεμηθὲν ἐξαίφνησ, Διοφάντου παρ’ Ἀθηναίοισ ἄρχοντοσ, δευτέρῳ δὲ ἔτει τῆσ ἕκτησ καὶ ἐνενηκοστῆσ Ὀλυμπιάδοσ, ἣν Εὐπόλεμοσ Ἠλεῖοσ ἐνίκα στάδιον.

ὁ δὲ ναὸσ ὁ ἐφ’ ἡμῶν πολὺ δή τι τῶν ναῶν, ὅσοι Πελοποννησίοισ εἰσίν, ἐσ κατασκευὴν προέχει τὴν ἄλλην καὶ ἐσ μέγεθοσ.

ὁ μὲν δὴ πρῶτόσ ἐστιν αὐτῷ κόσμοσ τῶν κιόνων Δώριοσ, ὁ δὲ ἐπὶ τούτῳ Κορίνθιοσ· ἑστήκασι δὲ καὶ ἐντὸσ τοῦ ναοῦ κίονεσ ἐργασίασ τῆσ Ιὤνων. ἀρχιτέκτονα δὲ ἐπυνθανόμην Σκόπαν αὐτοῦ γενέσθαι τὸν Πάριον, ὃσ καὶ ἀγάλματα πολλαχοῦ τῆσ ἀρχαίασ Ἑλλάδοσ, τὰ δὲ καὶ περὶ Ιὠνίαν τε καὶ Καρίαν ἐποίησε. τὰ δὲ ἐν τοῖσ ἀετοῖσ ἐστιν ἔμπροσθεν ἡ θήρα τοῦ ὑὸσ τοῦ Καλυδωνίου·

πεποιημένου δὲ κατὰ μέσον μάλιστα τοῦ ὑὸσ τῇ μέν ἐστιν Ἀταλάντη καὶ Μελέαγροσ καὶ Θησεὺσ Τελαμών τε καὶ Πηλεὺσ καὶ Πολυδεύκησ καὶ Ιὄλαοσ, ὃσ τὰ πλεῖστα Ἡρακλεῖ συνέκαμνε τῶν ἔργων, καὶ Θεστίου παῖδεσ, ἀδελφοὶ δὲ Ἀλθαίασ, Πρόθουσ καὶ Κομήτησ· κατὰ δὲ τοῦ ὑὸσ τὰ ἕτερα Ἀγκαῖον ἔχοντα ἤδη τραύματα καὶ ἀφέντα τὸν πέλεκυν ἀνέχων ἐστὶν Ἔποχοσ, παρὰ δὲ αὐτὸν Κάστωρ καὶ Ἀμφιάραοσ Οἰκλέουσ, ἐπὶ δὲ αὐτοῖσ Ἱππόθουσ ὁ Κερκυόνοσ <τοῦ> Ἀγαμήδουσ τοῦ Στυμφήλου·

τελευταῖοσ δέ ἐστιν εἰργασμένοσ Πειρίθουσ. τὰ δὲ ὄπισθεν πεποιημένα ἐν τοῖσ ἀετοῖσ Τηλέφου πρὸσ Ἀχιλλέα ἐστὶν <ἡ> ἐν Καί̈κου πεδίῳ μάχη.

일치하는 문장이 없습니다.

SEARCH

MENU NAVIGATION