Pausanias, Description of Greece, Ἀρκαδικά, chapter 48

(파우사니아스, Description of Greece, Ἀρκαδικά, chapter 48)

τῆσ ἀγορᾶσ δὲ μάλιστα ἐοικυίασ πλίνθῳ κατὰ τὸ σχῆμα, Ἀφροδίτησ ἐστὶν ἐν αὐτῇ ναὸσ καλούμενοσ ἐν πλινθίῳ καὶ ἄγαλμα λίθου. στήλαισ δὲ ἐπειργασμένοι τῇ μὲν Ἀντιφάνησ ἐστὶ καὶ Κρῖσοσ καὶ Τυρωνίδασ τε καὶ Πυρρίασ, οἳ νόμουσ Τεγεάταισ θέμενοι τιμὰσ καὶ ἐσ τόδε παρ’ αὐτῶν ἔχουσιν· ἐπὶ δὲ τῇ ἑτέρᾳ στήλῃ πεποιημένοσ ἐστὶν Ιἄσιοσ ἵππου τε ἐχόμενοσ καὶ κλάδον ἐν τῇ δεξιᾷ φέρων φοίνικοσ· νικῆσαι δὲ ἵππῳ φασὶν ἐν Ὀλυμπίᾳ τὸν Ιἄσιον, ὅτε Ἡρακλῆσ ἔθετο ὁ Θηβαῖοσ τὰ Ὀλύμπια. ἐν μὲν δὴ Ὀλυμπίᾳ κοτίνου τῷ νικῶντι δίδοσθαι στέφανον καὶ ἐν Δελφοῖσ δάφνησ, τοῦ μὲν ἤδη τὴν αἰτίαν ἀπέδωκα ἐν τοῖσ ἐσ Ἠλείουσ, τοῦ δὲ καὶ ἐν τοῖσ ἔπειτα δηλώσω·

ἐν Ἰσθμῷ δὲ ἡ πίτυσ καὶ τὰ ἐν Νεμέᾳ σέλινα ἐπὶ τοῦ Παλαίμονοσ καὶ τοῦ Ἀρχεμόρου τοῖσ παθήμασιν ἐνομίσθησαν. οἱ δὲ ἀγῶνεσ φοίνικοσ ἔχουσιν οἱ πολλοὶ στέφανον· ἐσ δὲ τὴν δεξιάν ἐστι καὶ πανταχοῦ τῷ νικῶντι ἐστιθέμενοσ φοῖνιξ. ἐνομίσθη δὲ ἐπὶ τοιῷδε·

Θησέα ἀνακομιζόμενον ἐκ Κρήτησ φασὶν ἐν Δήλῳ ἀγῶνα ποιήσασθαι τῷ Ἀπόλλωνι, στεφανοῦν δὲ αὐτὸν τοὺσ νικῶντασ τῷ φοίνικι. τοῦτο μὲν δὴ ἄρξαι λέγουσιν ἐντεῦθεν·

τοῦ δὲ φοίνικοσ τοῦ ἐν Δήλῳ μνήμην ἐποιήσατο καὶ Ὅμηροσ ἐν Ὀδυσσέωσ ἱκεσίᾳ πρὸσ τὴν Ἀλκίνου θυγατέρα. ἔστι δὲ καὶ Ἄρεωσ ἄγαλμα ἐν τῇ Τεγεατῶν ἀγορᾷ.

τοῦτο ἐκτετύπωται μὲν ἐπὶ τῇ στήλῃ, Γυναικοθοίναν δὲ ὀνομάζουσιν αὐτόν. ὑπὸ γὰρ τὸν Λακωνικὸν πόλεμον καὶ Χαρίλλου τοῦ Λακεδαιμονίων βασιλέωσ τὴν πρώτην ἐπιστρατείαν λαβοῦσαι αἱ γυναῖκέσ σφισιν ὅπλα ἐλόχων ὑπὸ τὸν λόφον ὃν Φυλακτρίδα ἐφ’ ἡμῶν ὀνομάζουσι· συνελθόντων δὲ τῶν στρατοπέδων καὶ τολμήματα ἀποδεικνυμένων ἑκατέρωθεν τῶν ἀνδρῶν πολλά τε καὶ ἄξια μνήμησ, οὕτω φασὶν ἐπιφανῆναί σφισι τὰσ γυναῖκασ καὶ εἶναι τὰσ ἐργασαμένασ ταύτασ τῶν Λακεδαιμονίων τὴν τροπήν, Μάρπησσαν δὲ τὴν Χοίραν ἐπονομαζομένην ὑπερβαλέσθαι τῇ τόλμῃ τὰσ ἄλλασ γυναῖκασ, ἁλῶναι δὲ ἐν τοῖσ Σπαρτιάταισ καὶ αὐτὸν Χάριλλον· καὶ τὸν μὲν ἀφεθέντα ἄνευ λύτρων, καὶ ὁρ́κον Τεγεάταισ δόντα μήποτε Λακεδαιμονίουσ στρατεύσειν ἔτι ἐπὶ Τεγέαν, παραβῆναι τὸν ὁρ́κον, τὰσ γυναῖκασ δὲ τῷ Ἄρει θῦσαί τε ἄνευ τῶν ἀνδρῶν ἰδίᾳ τὰ ἐπινίκια καὶ τοῦ ἱερείου τῶν κρεῶν οὐ μεταδοῦναι σφᾶσ τοῖσ ἀνδράσιν.

ἀντὶ τούτων μὲν τῷ Ἄρει γέγονεν <ἡ> ἐπίκλησισ· πεποίηται δὲ καὶ Διὸσ Τελείου βωμὸσ καὶ ἄγαλμα τετράγωνον·

περισσῶσ γὰρ δή τι τῷ σχήματι τούτῳ φαίνονταί μοι χαίρειν οἱ Ἀρκάδεσ. καὶ μνήματά ἐστιν ἐνταῦθα Τεγεάτου τοῦ Λυκάονοσ καὶ Μαιρᾶσ γυναικὸσ τοῦ Τεγεάτου· θυγατέρα Ἄτλαντόσ φασιν εἶναι τὴν Μαιράν, ἧσ δὴ καὶ Ὅμηροσ ἐποιήσατο μνήμην ἐν Ὀδυσσέωσ λόγοισ πρὸσ Ἀλκίνουν περί τε ὁδοῦ τῆσ ἐσ Αἵδην καὶ ὁπόσων ἐθεάσατο ἐκεῖ τὰσ ψυχάσ.

τὴν δὲ Εἰλείθυιαν οἱ Τεγεᾶται ‐ καὶ γὰρ ταύτησ ἔχουσιν ἐν τῇ ἀγορᾷ ναὸν καὶ ἄγαλμα ‐ ἐπονομάζουσιν Αὔγην ἐν γόνασι, λέγοντεσ ὡσ Ναυπλίῳ παραδοίη τὴν θυγατέρα Ἄλεοσ ἐντειλάμενοσ ἐπαναγαγόντα αὐτὴν ἐσ θάλασσαν καταποντῶσαι·

τὴν δὲ ὡσ ἤγετο πεσεῖν τε ἐσ γόνατα καὶ οὕτω τεκεῖν τὸν παῖδα, ἔνθα τῆσ Εἰλειθυίασ ἐστὶ τὸ ἱερόν. οὗτοσ ὁ λόγοσ διάφοροσ μέν ἐστιν ἑτέρῳ λόγῳ, λάθρᾳ τὴν Αὔγην τεκεῖν τοῦ πατρὸσ καὶ ἐκτεθῆναι τὸν Τήλεφον λέγοντι ἐσ τὸ ὄροσ τὸ Παρθένιον καὶ τῷ παιδὶ ἐκκειμένῳ διδόναι γάλα ἔλαφον· λέγεται δὲ οὐδὲν ἧσσον καὶ οὗτοσ ὑπὸ Τεγεατῶν ὁ λόγοσ. πρὸσ δὲ τῷ ἱερῷ τῆσ Εἰλειθυίασ ἐστὶ Γῆσ βωμόσ, ἔχεται δὲ τοῦ βωμοῦ λίθου λευκοῦ στήλη·

ἐπὶ δὲ αὐτῆσ Πολύβιοσ ὁ Λυκόρτα καὶ ἐπὶ ἑτέρᾳ στήλῃ τῶν παίδων τῶν Ἀρκάδοσ Ἔλατόσ ἐστιν εἰργασμένοσ.

일치하는 문장이 없습니다.

SEARCH

MENU NAVIGATION