호흡부호 보기
강세부호 보기
장단부호 보기
작은 Iota 보기
모든 부호 보기
ἐνταῦθα δὲ ἐτόλμησεν ἐπιτελέσασθαι πρᾶξιν οὐδ’ αὐτοῖσ τοῖσ ὁρῶσι πιστευομένην· ἐπιβάθραν γὰρ ἀπὸ τοῦ ξυλίνου πύργου τοῖσ τῆσ πόλεωσ τείχεσιν ἐπιβαλὼν διὰ ταύτησ μόνοσ ἐπέβη τῷ τείχει, οὔτε τὸν ἀπὸ τῆσ τύχησ φθόνον εὐλαβηθεὶσ οὔτε τὴν τῶν Τυρίων δεινότητα καταπλαγείσ, ἀλλὰ τὴν καταγωνισαμένην τοὺσ Πέρσασ δύναμιν ἔχων θεωρὸν τῆσ ἰδίασ ἀνδραγαθίασ τοῖσ μὲν ἄλλοισ Μακεδόσιν ἀκολουθεῖν προσέταξεν, αὐτὸσ δὲ καθηγούμενοσ τῶν εἰσ χεῖρασ βιαζομένων τοὺσ μὲν τῷ δόρατι, τοὺσ δὲ τῇ μαχαίρᾳ τύπτων ἀπέκτεινεν, ἐνίουσ δ’ αὐτῇ τῇ περιφερείᾳ τῆσ ἀσπίδοσ ἀνατρέπων ἐπισχεῖν τοῦ πολλοῦ θράσουσ ἐποίησε τοὺσ πολεμίουσ.
호흡부호 보기
강세부호 보기
장단부호 보기
작은 Iota 보기
모든 부호 보기