헬라어 문장 검색 - Διοδορ́Λιβραρψ́10́28́

(디오도로스 시켈로스, Library, book xvii, chapter 56)

ἀναλογιζόμενοσ δὲ τὸ πλῆθοσ τῆσ τῶν Περσῶν δυνάμεωσ καὶ τὸ μέγεθοσ τῶν ἐπικειμένων κινδύνων, ἔτι δὲ τὴν περὶ τῶν ὅλων κρίσιν ἐν χερσὶν οὖσαν διηγρύπνησε τὴν νύκτα συνεχόμενοσ τῇ περὶ τοῦ μέλλοντοσ φροντίδι· ὑπὸ δὲ τὴν ἑωθινὴν φυλακὴν τραπεὶσ εἰσ ὕπνον οὕτωσ ἐκοιμήθη βαθέωσ ὥστε τῆσ ἡμέρασ ἐπιγενομένησ μὴ δύνασθαι διεγερθῆναι. τὸ μὲν οὖν πρῶτον οἱ φίλοι τὸ συμβὰν ἡδέωσ ἑώρων, νομίζοντεσ τὸν βασιλέα πρὸσ τὸν ὑποκείμενον κίνδυνον εὐτονώτερον ἔσεσθαι τετευχότα πολλῆσ ἀνέσεωσ·

ὡσ δ’ ὁ μὲν χρόνοσ προέβαινεν, ὁ δ’ ὕπνοσ συνεῖχε τὸν βασιλέα, Παρμενίων πρεσβύτατοσ ὢν τῶν φίλων ἀφ’ ἑαυτοῦ πρόσταγμα διέδωκε τοῖσ πλήθεσιν ἑτοιμάζεσθαι τὰ πρὸσ τὴν μάχην. οὐκ ἀνιεμένου δ’ αὐτοῦ προσελθόντεσ οἱ φίλοι μόγισ διήγειραν τὸν Ἀλέξανδρον.

θαυμαζόντων δ’ ἐπὶ τῷ συμβεβηκότι πάντων καὶ τὴν αἰτίαν ἀκοῦσαι βουλομένων ἔφησεν ὁ Ἀλέξανδροσ Δαρεῖον εἰσ ἕνα τόπον ἠθροικότα τὰσ δυνάμεισ ἀπολελυκέναι πάσησ ἀγωνίασ αὐτόν· μιᾷ γὰρ ἡμέρᾳ κριθέντα περὶ τῶν ὅλων παύσεσθαι τῶν πόνων καὶ πολυχρονίων κινδύνων.

οὐ μὴν ἀλλὰ παρακαλέσασ τοὺσ ἡγεμόνασ τοῖσ οἰκείοισ λόγοισ καὶ πρὸσ τοὺσ ἐπιφερομένουσ κινδύνουσ εὐθαρσεῖσ καταστήσασ προῆγε τὴν δύναμιν συντεταγμένην ἐπὶ τοὺσ βαρβάρουσ, τῆσ τῶν πεζῶν φάλαγγοσ τὰσ τῶν ἱππέων εἴλασ προτάξασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 56

(디오도로스 시켈로스, Library, book xvii, chapter 56)

상위

목록

SEARCH

MENU NAVIGATION