Diodorus Siculus, Library, book xvii, chapter 93

(디오도로스 시켈로스, Library, book xvii, chapter 93)

ἅμα δὲ τούτοισ πραττομένοισ ἧκεν Ἡφαιστίων μετὰ τῆσ συναπεσταλμένησ δυνάμεωσ πολλὴν τῆσ Ἰνδικῆσ καταπεπολεμηκώσ. τοῦτον μὲν οὖν διὰ τὰσ ἀνδραγαθίασ ἐπῄνεσεν· αὐτὸσ δὲ εἰσ τὴν Φηγέωσ δυναστείαν ἐμβαλὼν καὶ τῶν ἐγχωρίων ἀσμένωσ τὴν τῶν Μακεδόνων παρουσίαν προσδεξαμένων καὶ τοῦ Φηγέωσ μετὰ δώρων πολλῶν ἀπαντήσαντοσ τήν τε βασιλείαν ἔχειν συνεχώρησε καὶ ξενισθεὶσ μετὰ τῆσ δυνάμεωσ ἐπὶ δύο ἡμέρασ λαμπρῶσ ἐπὶ τὸν Ὕφασιν ποταμὸν προῆγεν, οὗ τὸ μὲν πλάτοσ ἦν σταδίων ἑπτά, τὸ δὲ βάθοσ ἓξ ὀργυιῶν, τὸ δὲ ῥεῦμα σφοδρὸν καὶ δυσδιάβατον. ἀκούσασ δὲ τοῦ Φηγέωσ περὶ τῆσ πέραν τοῦ ποταμοῦ χώρασ ὅτι δώδεκα μὲν ἡμερῶν ἔχει δίοδον ἔρημον, μετὰ δὲ ταύτην εἶναι ποταμὸν τὸν ὀνομαζόμενον Γάγγην, τὸ μὲν πλάτοσ τριάκοντα καὶ δυεῖν σταδίων, τὸ δὲ βάθοσ μέγιστον τῶν κατὰ τὴν Ἰνδικήν, πέραν δὲ τούτου κατοικεῖν τό τε τῶν Ταβραισίων καὶ Γανδαριδῶν ἔθνοσ, τούτων δὲ βασιλεύειν Ξανδράμην, ἔχοντα δισμυρίουσ μὲν ἱππεῖσ, πεζῶν δὲ εἴκοσι μυριάδασ, ἁρ́ματα δὲ δισχίλια, ἐλέφαντασ δὲ πολεμικῶσ κεκοσμημένουσ τετρακισχιλίουσ, ἀπιστήσασ δὲ τοῖσ λεγομένοισ προσεκαλέσατο τὸν Πῶρον καὶ περὶ τῶν προσαγγελλομένων τἀκριβὲσ διεπυνθάνετο.

ὁ δὲ τἄλλα μὲν ὑπάρχειν ἅπαντα ἀληθῆ διεβεβαιοῦτο, τὸν δὲ βασιλέα τῶν Γανδαριδῶν ἔφησεν εὐτελῆ παντελῶσ εἶναι καὶ ἄδοξον ὡσ ἂν κουρέωσ υἱὸν νομιζόμενον εἶναι.

εὐπρεπῆ γὰρ ὄντα τὸν τούτου πατέρα μεγάλωσ ὑπὸ τῆσ βασιλίσσησ ἀγαπηθῆναι καὶ τοῦ βασιλέωσ διὰ τῆσ γυναικὸσ δολοφονηθέντοσ εἰσ τοῦτον περιστῆναι τὴν βασιλείαν. ὁ δ’ Ἀλέξανδροσ, καίπερ ὁρῶν δυσεπίτευκτον τὴν ἐπὶ τοὺσ Γανδαρίδασ στρατείαν οὖσαν, ὅμωσ οὐκ ἀφίστατο τῆσ φιλοτιμίασ, ἀλλὰ πιστεύων ταῖσ τῶν Μακεδόνων ἀρεταῖσ καὶ τοῖσ χρησμοῖσ ἐλπίδασ εἶχε κρατήσειν τῶν βαρβάρων·

τὴν μὲν γὰρ Πυθίαν ἀνίκητον αὐτὸν ὠνομακέναι, τὸν δ’ Ἄμμωνα συγκεχωρηκέναι τὴν ἁπάσησ τῆσ γῆσ ἐξουσίαν. ὁρῶν δὲ τοὺσ στρατιώτασ ταῖσ συνεχέσι στρατείαισ καταπεπονημένουσ καὶ σχεδὸν ὀκταετῆ χρόνον ἐν πόνοισ καὶ κινδύνοισ τεταλαιπωρηκότασ ὑπέλαβεν ἀναγκαῖον εἶναι τὰ πλήθη τοῖσ ἁρμόζουσι λόγοισ προτρέψασθαι πρὸσ τὴν ἐπὶ τοὺσ Γανδαρίδασ στρατείαν.

πολλὴ μὲν γὰρ φθορὰ τῶν στρατιωτῶν ἐγεγόνει καὶ λύσισ οὐδεμία τῶν πολέμων ἠλπίζετο·

καὶ τῶν μὲν ἵππων διὰ τὴν συνέχειαν τῆσ ὁδοιπορίασ τὰσ ὁπλὰσ ὑποτετρῖφθαι συνέβαινε, τῶν δὲ ὅπλων τὰ πλεῖστα κατεξάνθαι καὶ τὸν μὲν Ἑλληνικὸν ἱματισμὸν ἐκλελοιπέναι, συναναγκάζεσθαι δὲ βαρβαρικοῖσ ὑφάσμασι χρῆσθαι, συντεμόντασ τὰ τῶν Ἰνδῶν περιβλήματα. κατὰ τύχην δὲ καὶ χειμῶνεσ ἄγριοι κατερράγησαν ἐφ’ ἡμέρασ ἑβδομήκοντα καὶ βρονταὶ συνεχεῖσ καὶ κεραυνοὶ κατέσκηπτον.

ἃ δὴ λογιζόμενοσ ἐναντιοῦσθαι ταῖσ ἰδίαισ ἐπιβολαῖσ μίαν εἶχεν ἐλπίδα τῆσ ἐπιθυμίασ, εἰ τοὺσ στρατιώτασ διὰ τῆσ εὐεργεσίασ εἰσ εὔνοιαν μεγάλην προαγάγοιτο. διόπερ λεηλατεῖν μὲν αὐτοῖσ συνεχώρησε τὴν πολεμίαν χώραν, γέμουσαν παντοίασ ὠφελείασ·

ἐν αἷσ δ’ ἡμέραισ ἡ δύναμισ περὶ τὴν προνομὴν ἠσχολεῖτο, συναγαγὼν τὰσ γυναῖκασ τῶν στρατιωτῶν καὶ τοὺσ ἐξ αὐτῶν γεγονότασ παῖδασ ταύταισ μὲν συνεστήσατο κατὰ μῆνα διδόναι σῖτον, τοῖσ δὲ παισὶν ἐπιφορὰσ ταγματικὰσ ἀπένειμε κατὰ τοὺσ τῶν πατέρων συλλογισμούσ. ὡσ δ’ ἐπανῆλθον οἱ στρατιῶται πολλῶν πλῆθοσ ἀγαθῶν ἐκ τῆσ προνομῆσ εὑρηκότεσ συνῆγε πάντασ εἰσ ἐκκλησίαν.

διελθὼν δὲ λόγον πεφροντισμένον περὶ τῆσ ἐπὶ τοὺσ Γανδαρίδασ στρατείασ καὶ τῶν Μακεδόνων οὐδαμῶσ συγκαταθεμένων ἀπέστη τῆσ ἐπιβολῆσ. κρίνασ δ’ ἐπὶ ταύτησ τοὺσ ὁρ́ουσ θέσθαι τῆσ στρατείασ πρῶτον μὲν τῶν δώδεκα θεῶν βωμοὺσ πεντήκοντα πηχῶν ᾠκοδόμησεν, ἔπειτα τριπλασίαν τῆσ προϋπαρχούσησ στρατοπεδείαν περιβαλόμενοσ ὤρυξε τάφρον τὸ μὲν πλάτοσ πεντήκοντα ποδῶν, τὸ δὲ βάθοσ τεσσαράκοντα·

τὴν δ’ ἀναβολὴν ἐντὸσ τῆσ τάφρου σωρεύσασ τεῖχοσ ἀξιόλογον ᾠκοδόμησε. προσέταξε δὲ τοῖσ μὲν πεζοῖσ κατασκηνώσεισ ἑκάστῳ δύο στιβάδασ πενταπήχεισ ἐχούσασ οἰκοδομῆσαι, τοῖσ δ’ ἱππεῦσι πρὸσ ταύταισ καὶ δύο φάτνασ τῶν εἰθισμένων διπλασίασ, ἀκολούθωσ δὲ καὶ τἄλλα τὰ καταλείπεσθαι μέλλοντα τοῖσ μεγέθεσιν αὐξῆσαι.

ταῦτα δὲ πράττειν ἤμελλεν, ἅμα μὲν ἡρωικὴν βουλόμενοσ ποιήσασθαι στρατοπεδείαν, ἅμα δὲ τοῖσ ἐγχωρίοισ ἀπολιπεῖν σημεῖα μεγάλων ἀνδρῶν, ἀποφαίνοντα ῥώμασ σωμάτων ὑπερφυεῖσ. ἀπὸ δὲ τούτων γενόμενοσ μετὰ πάσησ τῆσ δυνάμεωσ ταῖσ αὐταῖσ ὁδοῖσ πορευθεὶσ ἀνέκαμψεν ἐπὶ τὸν Ἀκεσίνην ποταμόν·

καταλαβὼν δὲ τὰ σκάφη νεναυπηγημένα καὶ ταῦτα καταρτίσασ ἕτερα προσεναυπηγήσατο. κατὰ δὲ τοῦτον τὸν χρόνον ἧκον ἐκ τῆσ Ἑλλάδοσ σύμμαχοι καὶ μισθοφόροι διὰ τῶν στρατηγῶν ἠγμένοι, πεζοὶ μὲν πλείουσ τρισμυρίων, ἱππεῖσ δ’ οὐ πολὺ λείποντεσ τῶν ἑξακισχιλίων, ἐκομίσθησαν δὲ καὶ πανοπλίαι διαπρεπεῖσ πεζοῖσ μὲν δισμυρίοισ καὶ πεντακισχιλίοισ, φαρμάκων δ’ ἰατρικῶν ἑκατὸν τάλαντα.

ταῦτα μὲν οὖν διέδωκε τοῖσ στρατιώταισ. τῆσ δὲ ναυτικῆσ παρασκευῆσ συντελεσθείσησ καὶ διακοσίων μὲν ἀφράκτων ἡτοιμασμένων, ὀκτακοσίων δὲ ὑπηρετικῶν τὰσ μὲν παρὰ τὸν ποταμὸν κτισθείσασ πόλεισ ὠνόμασε τὴν μὲν διὰ τὸ τῷ πολέμῳ κρατῆσαι Νίκαιαν, τὴν δ’ ἀπὸ τοῦ τελευτήσαντοσ ἵππου κατὰ τὴν πρὸσ Πῶρον μάχην Βουκεφάλαν.

αὐτὸσ δὲ μετὰ τῶν φίλων ἐμβὰσ εἰσ τὰσ ναῦσ τὸν διὰ τοῦ ποταμοῦ πλοῦν ἐπὶ τὸν Ὠκεανὸν τὸν κατὰ μεσημβρίαν ἐποιεῖτο.

τὸ δὲ πολὺ μέροσ τῆσ δυνάμεωσ παρὰ τὸν ποταμὸν ὡδοιπόρει, προηγουμένου Κρατεροῦ καὶ Ἡφαιστίωνοσ. ὡσ δ’ ἦλθον ἐπὶ τὴν Ἀκεσίνου καὶ Ὑδάσπου συμβολήν, ἐκβιβάσασ τοὺσ στρατιώτασ προῆγεν ἐπὶ τοὺσ ὀνομαζομένουσ Σίβουσ. τούτουσ δέ φασιν ἀπογόνουσ εἶναι τῶν μεθ’ Ἡρακλέουσ ἐπὶ τὴν Αὄρνον πέτραν στρατευσάντων καὶ τῆσ μὲν πολιορκίασ ἀποτυχόντων, ἐν τούτῳ δὲ τῷ τόπῳ κατοικισθέντων ὑφ’ Ἡρακλέουσ.

τοῦ δ’ Ἀλεξάνδρου καταστρατοπεδεύσαντοσ πλησίον ἐπιφανεστάτησ πόλεωσ προῆλθον οἱ δόξῃ πρωτεύοντεσ τῶν πολιτῶν. ἐντυχόντεσ δὲ τῷ βασιλεῖ καὶ τὴν συγγένειαν ἀνανεωσάμενοι πάντα ποιήσειν ἔφασαν μετὰ προθυμίασ ὡσ ἂν συγγενεῖσ ὄντεσ καὶ δῶρα προσεκόμισαν μεγαλοπρεπῆ. ὁ δὲ Ἀλέξανδροσ ἀποδεξάμενοσ αὐτῶν τὴν εὔνοιαν καὶ τὰσ πόλεισ ἀποδείξασ ἐλευθέρασ προῆγεν ἐπὶ τὰ συνορίζοντα τῶν ἐθνῶν.

καταλαβὼν δὲ τοὺσ ὀνομαζομένουσ Ἀγαλασσεῖσ ἠθροικότασ πεζοὺσ μὲν τετρακισμυρίουσ, ἱππεῖσ δὲ τρισχιλίουσ, συνάψασ αὐτοῖσ μάχην καὶ νικήσασ τοὺσ μὲν πλείστουσ κατέκοψεν, τοὺσ δὲ λοιποὺσ συμφυγόντασ εἰσ τὰσ πλησίον πόλεισ ἐκπολιορκήσασ ἐξηνδραποδίσατο. τῶν δὲ ἄλλων ἐγχωρίων συναθροισθέντων δισμυρίουσ μὲν καταφυγόντασ εἰσ πόλιν μεγάλην κατὰ κράτοσ εἷλε, τῶν δ’ Ἰνδῶν διαφραξάντων τοὺσ στενωποὺσ καὶ ἀπὸ τῶν οἰκιῶν μαχομένων εὐρώστωσ βιαζόμενοσ ἀπέβαλε τῶν Μακεδόνων οὐκ ὀλίγουσ.

διὰ δὲ τὴν ὀργὴν ἐμπρήσασ τὴν πόλιν συγκατέκαυσε τοὺσ πλείστουσ·

τῶν δ’ ὑπολειπομένων εἰσ τρισχιλίουσ συμφυγόντασ εἰσ τὴν ἀκρόπολιν καὶ μεθ’ ἱκετηριῶν δεηθέντασ ἀπέλυσεν.

일치하는 문장이 없습니다.

SEARCH

MENU NAVIGATION