Diodorus Siculus, Library, book xvii, chapter 67

(디오도로스 시켈로스, Library, book xvii, chapter 67)

μετὰ δὲ ταῦτα τὴν μὲν Δαρείου μητέρα καὶ τὰσ θυγατέρασ καὶ τὸν υἱὸν ἀπέλιπεν ἐν Σούσοισ καὶ παρακατέστησε τοὺσ διδάξοντασ τὴν Ἑλληνικὴν διάλεκτον, αὐτὸσ δὲ μετὰ τῆσ δυνάμεωσ ἀναζεύξασ τεταρταῖοσ ἐπὶ τὸν Τίγριν ποταμὸν ἀφίκετο. ὃσ ῥέων ἀπὸ τῆσ Οὐξίων ὀρεινῆσ τὸ μὲν πρῶτον φέρεται διὰ χώρασ τραχείασ καὶ χαράδραισ μεγάλαισ διειλημμένησ ἐπὶ σταδίουσ χιλίουσ, ἔπειτα διαρρεῖ χώραν πεδιάδα, πραϋνόμενοσ αἰεὶ μᾶλλον, καὶ διελθὼν σταδίουσ ἑξακοσίουσ ἐξίησιν εἰσ τὴν κατὰ Πέρσασ θάλασσαν.

διαβὰσ δὲ τὸν Τίγριν προῆγεν ἐπὶ τὴν Οὐξίων χώραν,οὖσαν πάμφορον καὶ δαψιλέσιν ὕδασι διαρρεομένην καὶ πολλοὺσ καὶ παντοδαποὺσ ἐκφέρουσαν καρπούσ·

διὸ καὶ τῆσ ὡρίμου ξηραινομένησ ὀπώρασ παντοδαπὰ πλάσματα χρήσιμα πρὸσ ἀπόλαυσιν οἱ τὸν Τίγριν πλέοντεσ ἔμποροι κατάγουσιν εἰσ τὴν Βαβυλωνίαν. καταλαβὼν δὲ τὰσ παρόδουσ φυλαττομένασ ὑπὸ Μαδέτου, συγγενοῦσ μὲν ὄντοσ Δαρείου, δύναμιν δὲ ἔχοντοσ ἀξιόλογον, κατεσκέψατο τὴν ὀχυρότητα τῶν τόπων.

ἀπαροδεύτων δ’ ὄντων κρημνῶν τῶν ἐγχωρίων τισ ἀνήρ, Οὔξιοσ μὲν τὸ γένοσ, ἔμπειροσ δὲ τῶν τόπων, ἐπηγγείλατο τῷ βασιλεῖ διά τινοσ στενῆσ ἀτραποῦ καὶ παραβόλου ἄξειν τοὺσ στρατιώτασ, ὥστε ὑπερδεξίουσ γενέσθαι τῶν πολεμίων. ὁ δ’ Ἀλέξανδροσ προσδεξάμενοσ τοὺσ λόγουσ τούτῳ μὲν συναπέστειλε τοὺσ ἱκανοὺσ στρατιώτασ, αὐτὸσ δὲ τὴν δίοδον κατασκευάσασ ἐφ’ ὧν ἦν ἐνδεχόμενον ἐκ διαδοχῆσ προσέβαλε τοῖσ ἐπὶ τῶν παρόδων ἐφεστηκόσιν.

ἐνεργῶσ δὲ τοῦ κινδύνου συνεστῶτοσ καὶ τῶν βαρβάρων περισπωμένων περὶ τὸν ἀγῶνα παραδόξωσ οἱ πεμφθέντεσ ἐφάνησαν ὑπερδέξιοι τοῖσ τὴν πάροδον φυλάττουσι. καταπλαγέντων δὲ τῶν βαρβάρων καὶ πρὸσ φυγὴν ὁρμησάντων ἐγκρατὴσ ἐγένετο τῆσ διεξόδου καὶ ταχέωσ πασῶν τῶν κατὰ τὴν Οὐξιανὴν πόλεων.

일치하는 문장이 없습니다.

SEARCH

MENU NAVIGATION