헬라어 문장 검색 - Διοδορ́Λιβραρψ́10́42́

(디오도로스 시켈로스, Library, book xvii, chapter 77)

ἐπανελθόντοσ δ’ αὐτοῦ πάλιν εἰσ τὴν Ὑρκανίαν ἧκεν πρὸσ αὐτὸν ἡ βασίλισσα τῶν Ἀμαζόνων, ὄνομα μὲν Θάλληστρισ, βασιλεύουσα δὲ τῆσ μεταξὺ τοῦ Φάσιδοσ καὶ Θερμώδοντοσ χώρασ. ἦν δὲ τῷ τε κάλλει καὶ τῇ τοῦ σώματοσ ῥώμῃ διαφέρουσα καὶ παρὰ τοῖσ ὁμοεθνέσι θαυμαζομένη κατ’ ἀνδρείαν, καὶ τὸ μὲν πλῆθοσ τῆσ στρατιᾶσ ἐπὶ τῶν ὁρ́ων τῆσ Ὑρκανίασ ἀπολελοιπυῖα, μετὰ δὲ τριακοσίων Ἀμαζονίδων κεκοσμημένων πολεμικοῖσ ὅπλοισ παραγενομένη. τοῦ δὲ βασιλέωσ θαυμάζοντοσ τό τε παράδοξον τῆσ παρουσίασ καὶ τὸ ἀξίωμα τῶν γυναικῶν καὶ τὴν Θάλληστριν ἐρομένου τίνα χρείαν ἔχουσα πάρεστιν, ἀπεφαίνετο παιδοποιίασ ἕνεκεν ἥκειν.

ἐκεῖνον μὲν γὰρ τῶν ἁπάντων ἀνδρῶν διὰ τὰσ πράξεισ ἄριστον ὑπάρχειν, αὑτὴν δὲ τῶν γυναικῶν ἀλκῇ τε καὶ ἀνδρείᾳ διαφέρειν·

εἰκὸσ οὖν τὸ γεννηθὲν ἐκ δυεῖν γονέων πρωτευόντων ὑπερέξειν ἀρετῇ τῶν ἄλλων ἀνθρώπων. καὶ πέρασ ἡσθεὶσ ὁ βασιλεὺσ καὶ προσδεξάμενοσ τὴν ἔντευξιν αὐτῆσ καὶ συμπεριενεχθεὶσ ἡμέρασ τρεισκαίδεκα τιμήσασ τε ἀξιολόγοισ δώροισ ἐξαπέστειλεν εἰσ τὴν οἰκείαν. μετὰ δὲ ταῦτα δόξασ ἤδη κεκρατηκέναι τῆσ ἐπιβολῆσ καὶ τὴν βασιλείαν ἀδήριτον ἔχειν ἤρξατο ζηλοῦν τὴν Περσικὴν τρυφὴν καὶ τὴν πολυτέλειαν τῶν Ἀσιανῶν βασιλέων.

καὶ πρῶτον μὲν περὶ τὴν αὐλὴν εἶχε ῥαβδούχουσ Ἀσιαγενεῖσ, ἔπειτα τοὺσ ἐπιφανεστάτουσ τῶν Ἀσιανῶν ἀνδρῶν δορυφορεῖν ἔταξεν, ἐν οἷσ ἦν καὶ ὁ Δαρείου ἀδελφὸσ Ὀξάθρησ. εἶτα τό τε Περσικὸν διάδημα περιέθετο καὶ τὸν διάλευκον ἐνεδύσατο χιτῶνα καὶ τὴν Περσικὴν ζώνην καὶ τἄλλα πλὴν τῶν ἀναξυρίδων καὶ τοῦ κάνδυοσ.

διέδωκε δὲ καὶ τοῖσ ἑταίροισ περιπορφύρουσ στολὰσ καὶ τοῖσ ἵπποισ Περσικὰσ σκευὰσ περιέθηκε. πρὸσ δὲ τούτοισ τὰσ παλλακίδασ ὁμοίωσ τῷ Δαρείῳ περιήγετο, τὸν μὲν ἀριθμὸν οὔσασ οὐκ ἐλάττουσ πλήθει τῶν κατὰ τὸν ἐνιαυτὸν ἡμερῶν, κάλλει δὲ διαπρεπεῖσ ὡσ ἂν ἐξ ἁπασῶν τῶν κατὰ τὴν Ἀσίαν γυναικῶν ἐπιλελεγμένασ.

αὗται δὲ ἑκάστησ νυκτὸσ περιῄεσαν τὴν κλίνην τοῦ βασιλέωσ, ἵνα τὴν ἐκλογὴν αὐτὸσ ποιήσηται τῆσ μελλούσησ αὐτῷ συνεῖναι.

τούτοισ μὲν οὖν τοῖσ ἐθισμοῖσ Ἀλέξανδροσ σπανίωσ ἐχρῆτο, τοῖσ δὲ προϋπάρχουσι κατὰ τὸ πλεῖστον ἐνδιέτριβε, φοβούμενοσ τὸ προσκόπτειν τοῖσ Μακεδόσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 77

(디오도로스 시켈로스, Library, book xvii, chapter 77)

상위

목록

SEARCH

MENU NAVIGATION