Diodorus Siculus, Library, book xvii, chapter 81

(디오도로스 시켈로스, Library, book xvii, chapter 81)

ἀπὸ δὲ τούτων γενόμενοσ καὶ τὰ κατὰ τὴν Δραγγινὴν καταστήσασ ἀνέζευξε μετὰ τῆσ δυνάμεωσ ἐπὶ τοὺσ πρότερον μὲν Ἀριμασπούσ, νῦν δ’ Εὐεργέτασ ὀνομαζομένουσ διὰ τοιαύτασ τινὰσ αἰτίασ. Κῦροσ ὁ τὴν Μήδων ἀρχὴν μεταστήσασ εἰσ Πέρσασ ἔν τινι στρατείᾳ περιληφθεὶσ ἐν ἐρήμῳ χώρᾳ πάσῃ σπάνει τῶν ἀναγκαίων ἦλθε μὲν ἐπὶ τοὺσ ἐσχάτουσ κινδύνουσ, διὰ τὴν ἔνδειαν τῆσ τροφῆσ ἀναγκαζομένων τῶν στρατιωτῶν ἀλλήλουσ σαρκοφαγεῖν, τῶν δ’ Ἀριμασπῶν τρισμυρίασ ἁμάξασ σίτου γεμούσασ παρακομισάντων σωθεὶσ παραδόξωσ ἀτελείαισ τε καὶ ἄλλαισ δωρεαῖσ ἐτίμησε τὸ ἔθνοσ καὶ τὴν προϋπάρχουσαν προσηγορίαν ἀφελόμενοσ προσηγόρευσεν Εὐεργέτασ. τότε δὲ Ἀλέξανδροσ εἰσ τὴν τούτων χώραν στρατεύσασ καὶ τῶν ἐγχωρίων φιλοφρόνωσ αὐτὸν προσδεξαμένων ἐτίμησε τὸ ἔθνοσ ταῖσ ἁρμοζούσαισ δωρεαῖσ.

τὸ δ’ αὐτὸ καὶ τῶν ὁμόρων τῶν ὀνομαζομένων Κεδρωσίων ποιησάντων καὶ τούτουσ ταῖσ πρεπούσαισ χάρισιν ἠμείψατο. ἀμφοτέρων δὲ τῶν εἰρημένων ἐθνῶν τὴν στρατηγίαν Τιριδάτῃ παρέδωκεν. περὶ ταῦτα δὲ αὐτοῦ διατρίβοντοσ ἧκόν τινεσ ἀπαγγέλλοντεσ ὅτι Σατιβαρζάνησ ἐκ τῆσ Βακτριανῆσ μετὰ δυνάμεωσ πολλῆσ ἱππικῆσ παραγενόμενοσ εἰσ τὸ τῶν Ἀρίων ἔθνοσ ἀπέστησε τοὺσ ἐγχωρίουσ ἀπ’ Ἀλεξάνδρου.

ὁ δὲ βασιλεὺσ ἀκούσασ τὸ γεγονὸσ ἀπέστειλεν ἐπ’ αὐτὸν μέροσ τῆσ δυνάμεωσ, στρατηγοὺσ ἐπιστήσασ Ἐριγυιὸν καὶ Στασάνορα, αὐτὸσ δὲ τὴν Ἀραχωσίαν καταστρεψάμενοσ ὀλίγαισ ἡμέραισ ὑπήκοον ἐποίησεν. τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦρχεν Εὐθύκριτοσ, ἐν Ῥώμῃ δὲ τὴν ὑπατικὴν ἀρχὴν διεδέξαντο Λεύκιοσ Πλάτιοσ καὶ Λεύκιοσ Παπίριοσ, Ὀλυμπιὰσ δ’ ἤχθη τρίτη πρὸσ ταῖσ ἑκατὸν δέκα, καθ’ ἣν ἐνίκα στάδιον Κλείτων Μακεδών.

ἐπὶ δὲ τούτων Ἀλέξανδροσ ἐστράτευσεν ἐπὶ τοὺσ ὀνομαζομένουσ Παροπανισάδασ. ἡ δὲ τούτων χώρα κεῖται μὲν ὑπ’ αὐτὰσ τὰσ ἄρκτουσ, χιονοβολεῖται δὲ πᾶσα καὶ τοῖσ ἄλλοισ ἔθνεσι δυσεπίβατόσ ἐστι διὰ τὴν ὑπερβολὴν τοῦ ψύχουσ.

ἡ πλείστη δὲ πεδιὰσ οὖσα καὶ ἄξυλοσ πολλαῖσ κώμαισ διείληπται. αὗται δὲ τὰσ τῶν οἰκιῶν στέγασ ἔχουσιν ἐκ πλίνθων εἰσ ὀξὺ συνηγμένων ἐχούσασ καμάραν·

κατὰ δὲ μέσην τὴν ὀροφὴν ἀπολελειμμένησ διαυγείασ διὰ ταύτησ ὁ καπνὸσ ἐκφέρεται καὶ πανταχόθεν τῆσ οἰκοδομίασ περιεχούσησ οἱ κατοικοῦντεσ πολλῆσ σκέπησ τυγχάνουσιν. οἱ δ’ ἐγχώριοι διὰ τὸ πλῆθοσ τῆσ χιόνοσ τὸ πλέον μέροσ τοῦ ἐνιαυτοῦ ταῖσ οἰκίαισ ἐνδιατρίβουσι, παρεσκευασμένασ ἔχοντεσ τὰσ ἰδίασ τροφάσ·

τὰσ δ’ ἀμπέλουσ καὶ τὰ καρποφόρα τῶν δένδρων περιχώσαντεσ καὶ τὴν τοῦ χειμῶνοσ ὡρ́αν ἐάσαντεσ πάλιν ἀναστέλλουσι τὴν γῆν κατὰ τὸν τοῦ βλαστοῦ καιρόν. ἅπασα δ’ ἡ τῆσ χώρασ φύσισ οὔτε χλωρὰν οὔθ’ ἥμερον ἔχει πρόσοψιν, ἀλλὰ λευκὴν καὶ ἀνταυγῆ διὰ τὴν χιόνα καὶ τὸν ἐν αὐτῇ πηγνύμενον κρύσταλλον.

διόπερ οὔτ’ ὀρνέου προσκαθίζοντοσ οὔτε θηρίου διοδεύοντοσ ἄξενα καὶ ἀνεπίβατα πάντα τὰ μέρη τῆσ χώρασ ὑπῆρχεν. ἀλλ’ ὅμωσ ὁ βασιλεὺσ τούτων ἁπάντων ἀντιπραττόντων τῇ στρατιᾷ τῇ συνήθει τόλμῃ καὶ καρτερίᾳ τῶν Μακεδόνων περιεγίνετο τῆσ τοπικῆσ δυστραπελείασ.

διὸ δὴ πολλοὶ τῶν στρατιωτῶν καὶ τῶν ἐκτὸσ τῆσ τάξεωσ συνακολουθούντων ἐξαδυνατοῦντεσ ἀπελείποντο·

ἔνιοι δὲ διὰ τὴν τῆσ χιόνοσ ἀνταύγειαν καὶ σκληρότητα τῆσ ἀναβαλλομένησ ἀνακλάσεωσ ἐφθείροντο τὴν ὁρ́ασιν. σαφὲσ δ’ οὐδὲν ἐκ διαστήματοσ ἦν ἰδεῖν, ἀλλὰ μόνῳ τῷ καπνῷ δηλουμένων τῶν κωμῶν ἐλάμβανον οἱ Μακεδόνεσ οὗ κατοικοῦσιν ἐφιστάμενοι.

τούτῳ δὲ τῷ τρόπῳ τῶν κωμῶν ἁλισκομένων, καὶ τῶν στρατιωτῶν τῷ πλήθει τῆσ ὠφελείασ διορθουμένων τὴν κακοπάθειαν ταχὺ πάντων τῶν ἐγχωρίων ὁ βασιλεὺσ ἐκυρίευσεν.

일치하는 문장이 없습니다.

SEARCH

MENU NAVIGATION