헬라어 문장 검색 - Διοδορ́Λιβραρψ́10́47́

(디오도로스 시켈로스, Library, book xvii, chapter 84)

ἐπὶ δὲ τούτοισ γενομένων τῶν ὁρ́κων ἡ μὲν βασίλισσα τὴν μεγαλοψυχίαν τοῦ Ἀλεξάνδρου θαυμάσασα δῶρά τε κράτιστα ἐξέπεμψε καὶ πᾶν τὸ προσταττόμενον ποιήσειν ἐπηγγείλατο. οἱ δὲ μισθοφόροι παραχρῆμα κατὰ τὰσ ὁμολογίασ ἐκ τῆσ πόλεωσ ἀπελθόντεσ καὶ σταδίουσ ὀγδοήκοντα προελθόντεσ ἀνεπικωλύτωσ κατεστρατοπέδευσαν, οὐδεμίαν ἔννοιαν λαμβάνοντεσ τοῦ μέλλοντοσ. ὁ δ’ Ἀλέξανδροσ ἀμετάθετον ἔχων τὴν πρὸσ τοὺσ μισθοφόρουσ ἀλλοτριότητα διεσκευασμένην ἔχων τὴν δύναμιν ἐπηκολούθησε τοῖσ βαρβάροισ καὶ προσπεσὼν αὐτοῖσ ἄφνω πολὺν ἐποίει φόνον.

οἱ δὲ μισθοφόροι τὸ μὲν πρῶτον ἐβόων παρὰ τοὺσ ὁρ́κουσ αὑτοὺσ πολεμεῖσθαι καὶ τοὺσ ἀσεβουμένουσ ὑπ’ αὐτοῦ θεοὺσ ἐπεκαλοῦντο· ὁ δ’ Ἀλέξανδροσ μεγάλῃ τῇ φωνῇ πρὸσ αὐτοὺσ ἀνεβόησεν ὅτι συνεχώρησεν αὐτοῖσ ἐκ τῆσ πόλεωσ ἀπελθεῖν, οὐ φίλουσ εἶναι διὰ παντὸσ Μακεδόνων. οἱ δὲ μισθοφόροι τὸ μέγεθοσ τῶν κινδύνων οὐ καταπλαγέντεσ συνεφράξαντο καὶ τὴν ὅλην τάξιν ποιήσαντεσ κυκλοτερῆ τά τε τέκνα καὶ τὰσ γυναῖκασ εἰσ μέσον ἀπέλαβον, ὥστε πανταχόθεν τοῖσ προσμαχομένοισ ἀσφαλῶσ ἀντιτάττεσθαι.

ἀπονοηθέντων δ’ αὐτῶν καὶ διὰ τὴν τόλμαν καὶ διὰ τὴν ἐν τοῖσ ἀγῶσιν ἀρετὴν ἰσχυρὰν μάχην συστησαμένων καὶ τῶν Μακεδόνων φιλοτιμουμένων μὴ λειφθῆναι τῆσ τῶν βαρβάρων ἀνδραγαθίασ μεγάλην κατάπληξιν εἶχεν ὁ κίνδυνοσ. ἐκ χειρὸσ γὰρ τῆσ μάχησ οὔσησ καὶ συμπλεκομένων τῶν ἀγωνιζομένων ἀλλήλοισ πολλαὶ καὶ παντοῖαι διαθέσεισ θανάτων καὶ τραυμάτων ἐγίνοντο·

οἱ γὰρ Μακεδόνεσ ταῖσ σαρίσαισ ἀναρρήσσοντεσ τὰσ τῶν βαρβάρων πέλτασ τὰσ ἀκμὰσ τοῦ σιδήρου τοῖσ πνεύμοσιν ἐνήρειδον, οἱ δὲ μισθοφόροι τὰσ λόγχασ ἀκοντίζοντεσ εἰσ ἀθρόουσ τοὺσ πολεμίουσ οὐχ ἡμάρτανον, σύνεγγυσ κειμένου τοῦ σκοποῦ. διὸ καὶ πολλῶν μὲν τραυματιζομένων, οὐκ ὀλίγων δὲ τελευτώντων αἱ γυναῖκεσ τὰ τῶν πεσόντων ὅπλα λαμβάνουσαι συνηγωνίζοντο τοῖσ ἀνδράσιν·

ἡ γὰρ ὀξύτησ τοῦ κινδύνου καὶ τὸ τῆσ ἐνεργείασ δεινὸν ἠνάγκαζεν αὐτὰσ παρὰ φύσιν τρέπεσθαι πρὸσ ἀλκήν. διὸ καὶ τινὲσ μὲν αὐτῶν καθοπλισθεῖσαι συνήσπιζον τοῖσ ἰδίοισ ἀνδράσι, τινὲσ δὲ ἄνευ ὅπλων ἐμπίπτουσαι τῶν ἀσπίδων ἐπελαμβάνοντο καὶ πολλὰ τοὺσ πολεμίουσ ἐνεπόδιζον. τέλοσ δὲ πάντεσ μετὰ τῶν γυναικῶν ἀγωνισάμενοι καὶ κατακοπέντεσ ὑπὸ τοῦ πλήθουσ τὸν ἔνδοξον θάνατον τῆσ ἀγεννοῦσ φιλοζωίασ ἠλλάξαντο.

ὁ δὲ Ἀλέξανδροσ τόν τε ἀχρεῖον καὶ ἄνοπλον ὄχλον καὶ τῶν γυναικῶν τὰσ ὑπολειφθείσασ ἀπάγων τοὺσ ἱππεῖσ συνεπέστησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 84

(디오도로스 시켈로스, Library, book xvii, chapter 84)

상위

목록

SEARCH

MENU NAVIGATION