헬라어 문장 검색 - Διοδορ́Λιβραρψ́10́29́

(디오도로스 시켈로스, Library, book xvii, chapter 57)

ἐπὶ μὲν οὖν τὸ δεξιὸν κέρασ ἔταξε τὴν βασιλικὴν εἴλην, ἧσ εἶχε τὴν ἡγεμονίαν Κλεῖτοσ ὁ μέλασ ὀνομαζόμενοσ, ἐχομένουσ δὲ ταύτησ τοὺσ ἄλλουσ φίλουσ, ὧν ἡγεῖτο Φιλώτασ ὁ Παρμενίωνοσ, ἑξῆσ δὲ τὰσ ἄλλασ ἱππαρχίασ ἑπτὰ τεταγμένασ ὑπὸ τὸν αὐτὸν ἡγεμόνα. ὄπισθεν δὲ τούτων ὑπετάγη τὸ τῶν ἀργυρασπίδων πεζῶν τάγμα, διαφέρον τῇ τε τῶν ὅπλων λαμπρότητι καὶ τῇ τῶν ἀνδρῶν ἀρετῇ·

καὶ τούτων ἡγεῖτο Νικάνωρ ὁ Παρμενίωνοσ. ἐχομένην δὲ τούτων ἔστησε τὴν Ἐλιμιῶτιν καλουμένην στρατηγίαν, ἧσ Κοῖνοσ ἡγεῖτο, ἑξῆσ δὲ τὴν τῶν Ὀρεστῶν καὶ Λυγκηστῶν τάξιν ἔστησε, Περδίκκου τὴν στρατηγίαν ἔχοντοσ. καὶ τὴν μὲν ἐχομένην στρατηγίαν Μελέαγροσ εἶχε, τὴν δὲ συνεχῆ ταύτησ Πολυπέρχων, τεταγμένων ὑπ’ αὐτὸν τῶν ὀνομαζομένων Στυμφαίων. Φίλιπποσ δ’ ὁ Βαλάκρου τὴν συνεχῆ ταύτησ στρατηγίαν ἐπλήρου καὶ τῆσ μετὰ ταύτην Κρατερὸσ ἡγεῖτο.

τῶν δὲ προειρημένων ἱππέων τὴν συνεχῆ τάξιν ἀπεπλήρουν οἱ ἀπὸ Πελοποννήσου καὶ Ἀχαί̈ασ συστρατεύσαντεσ ἱππεῖσ καὶ Φθιῶται καὶ Μαλιεῖσ, ἔτι δὲ Λοκροὶ καὶ Φωκεῖσ, ὧν ἡγεῖτο Ἐρίγυιοσ ὁ Μιτυληναῖοσ. ἑξῆσ δ’ εἱστήκεισαν Θετταλοί, Φίλιππον μὲν ἔχοντεσ ἡγεμόνα, ἀνδρείᾳ δὲ καὶ τῇ τῶν εἰλῶν ἱππασίᾳ πολὺ προέχοντεσ τῶν ἄλλων.

ἐχομένουσ δὲ τούτων τοὺσ ἐκ Κρήτησ τοξότασ ἔταξε καὶ τοὺσ ἐκ τῆσ Ἀχαί̈ασ μισθοφόρουσ. ἐφ’ ἑκατέρου δὲ τοῦ κέρατοσ ἐπικάμπιον ἐποίησε τὴν τάξιν, ὅπωσ μὴ δύνωνται κυκλοῦν οἱ πολέμιοι τῷ πλήθει τῶν στρατιωτῶν τὴν ὀλιγότητα τῶν Μακεδόνων.

πρὸσ δὲ τὰσ τῶν δρεπανηφόρων ἁρμάτων ἐπιφορὰσ μηχανώμενοσ ὁ βασιλεὺσ παρήγγειλε τοῖσ ἐν τῇ φάλαγγι πεζοῖσ, ὅταν πλησιάζῃ τὰ τέθριππα, συνασπίσαι καὶ ταῖσ σαρίσαισ τὰσ ἀσπίδασ τύπτειν, ὅπωσ διὰ τὸν ψόφον πτυρόμενα τὴν εἰσ τοὐπίσω ποιήσηται φοράν, τοῖσ δὲ βιαζομένοισ διδόναι διαστήματα, δι’ ὧν ποιήσονται τὴν διέξοδον ἀκίνδυνον τοῖσ Μακεδόσιν.

αὐτὸσ δὲ τοῦ δεξιοῦ μέρουσ ἡγούμενοσ καὶ λοξὴν τὴν τάξιν ποιούμενοσ δι’ ἑαυτοῦ τὴν ὅλην κρίσιν τοῦ κινδύνου ποιεῖσθαι διεγνώκει. ὁ δὲ Δαρεῖοσ κατὰ τὰσ τῶν ἐθνῶν περιοχὰσ τὴν ἔκταξιν πεποιημένοσ κατά τε τὸν Ἀλέξανδρον τεταγμένοσ προῆγεν ἐπὶ τοὺσ πολεμίουσ.

ὡσ δ’ ἐπλησίαζον ἀλλήλαισ αἱ δυνάμεισ, οἱ μὲν σαλπικταὶ παρ’ ἀμφοτέροισ ἐσήμαινον τὸ πολεμικόν, οἱ δ’ ἄνδρεσ μετὰ πολλῆσ βοῆσ ἀλλήλοισ ἐπεφέροντο. καὶ πρῶτον τὰ δρεπανηφόρα τῶν ἁρμάτων ἀπὸ κράτουσ ἐλαυνόμενα πολλὴν ἔκπληξιν καὶ φόβον τοῖσ Μακεδόσιν ἐπέστησεν·

καὶ γὰρ Μαζαῖοσ ὁ τῶν ἱππέων ἡγούμενοσ πυκναῖσ ταῖσ εἴλαισ σὺν τοῖσ δρεπανηφόροισ ἐπήλαυνε, καταπληκτικωτέραν ποιῶν τὴν ἐπιφορὰν τῶν δρεπανηφόρων. τῆσ δὲ φάλαγγοσ συνασπιζούσησ καὶ κατὰ τὰσ τοῦ βασιλέωσ παραγγελίασ ταῖσ σαρίσαισ πάντων τυπτόντων τὰσ ἀσπίδασ συνέβαινε ψόφον πολὺν γίνεσθαι.

διόπερ τὰ πολλὰ τῶν ἁρμάτων πτυρομένων τῶν ἵππων ἐστρέφετο καὶ τὴν ῥύμην ἀκατάσχετον ποιοῦντα πρὸσ τοὺσ ἰδίουσ βιαίωσ ἀνέστρεφε.

τῶν δ’ ἄλλων προσπεσόντων τῇ φάλαγγι καὶ τῶν Μακεδόνων ποιούντων ἀξιόλογα διαστήματα διὰ τούτων φερόμενα τὰ μὲν συνηκοντίσθη, τὰ δὲ διεξέπεσεν, ἔνια δὲ τῇ βίᾳ τῆσ ῥύμησ φερόμενα καὶ ταῖσ τῶν σιδήρων ἀκμαῖσ ἐνεργῶσ χρησάμενα πολλὰσ καὶ ποικίλασ διαθέσεισ θανάτων ἀπειργάζετο. τοιαύτη γὰρ ἦν ἡ ὀξύτησ καὶ βία τῶν κεχαλκευμένων πρὸσ ἀπώλειαν ὅπλων ὥστε πολλῶν μὲν βραχίονασ σὺν αὐταῖσ ταῖσ ἀσπίσιν ἀποκόπτεσθαι, οὐκ ὀλίγων δὲ τραχήλουσ παρασύρεσθαι καὶ τὰσ κεφαλὰσ πίπτειν ἐπὶ τὴν γῆν βλεπόντων ἔτι τῶν ὀμμάτων καὶ τῆσ τοῦ προσώπου διαθέσεωσ διαφυλαττομένησ, ἐνίων δὲ τὰσ πλευρὰσ ἐπικαιρίοισ τομαῖσ ἀναρήττεσθαι καὶ θανάτουσ ὀξεῖσ ἐπιφέρεσθαι.

ὡσ δ’ ἤγγισαν ἀλλήλαισ αἱ δυνάμεισ καὶ διὰ τῶν τόξων καὶ σφενδονῶν, ἔτι δὲ τῶν ἀκοντιζομένων σαυνίων τὰ ῥιπτούμενα βέλη παρανήλωτο, πρὸσ τὴν ἐκ χειρὸσ μάχην κατήντησαν.

καὶ πρῶτον τῶν ἱππέων συστησαμένων ἀγῶνα καὶ τῶν Μακεδόνων τῷ δεξιῷ κέρατι διαγωνιζομένων ὁ μὲν Δαρεῖοσ τοῦ λαιοῦ κέρατοσ ἡγούμενοσ συναγωνιστὰσ εἶχε τοὺσ συγγενεῖσ ἱππεῖσ, ἐπιλέκτουσ ταῖσ ἀρεταῖσ καὶ ταῖσ εὐνοίαισ, χιλίουσ ἐν μιᾷ περιειλημμένουσ εἴλῃ.

οὗτοι δὲ θεατὴν ἔχοντεσ τῆσ ἰδίασ ἀνδραγαθίασ τὸν βασιλέα τὸ πλῆθοσ τῶν ἐπ’ αὐτὸν φερομένων βελῶν προθύμωσ ἐξεδέχοντο.

συνῆσαν δὲ τούτοισ οἵ τε μηλοφόροι, διάφοροι ταῖσ ἀνδραγαθίαισ καὶ πολλοὶ κατὰ τὸ πλῆθοσ, πρὸσ δὲ τούτοισ Μάρδοι καὶ Κοσσαῖοι, ταῖσ τε τῶν σωμάτων ὑπεροχαῖσ καὶ ταῖσ λαμπρότησι τῶν ψυχῶν θαυμαζόμενοι. συνηγωνίζοντο δὲ τούτοισ οἵ τε περὶ τὰ βασίλεια διατρίβοντεσ καὶ τῶν Ἰνδῶν οἱ κράτιστοι κατ’ ἀνδρείαν.

οὗτοι μὲν οὖν μετὰ πολλῆσ βοῆσ ἐπιρράξαντεσ τοῖσ πολεμίοισ ἐκθύμωσ ἠγωνίζοντο καὶ τῷ πλήθει κατεπόνουν τοὺσ Μακεδόνασ· Μαζαῖοσ δὲ τὸ δεξιὸν ἔχων κέρασ καὶ μετὰ τῶν ἀρίστων ἱππέων διαγωνιζόμενοσ εὐθὺσ κατὰ τὴν πρώτην ἔφοδον τῶν ἀνθεστώτων ἀνεῖλεν οὐκ ὀλίγουσ, δισχιλίουσ δὲ Καδουσίουσ καὶ χιλίουσ τῶν Σκυθῶν ἱππεῖσ ἐπιλέκτουσ ἐξέπεμψε, προστάξασ περιιππεῦσαι τὸ κέρασ τὸ τῶν πολεμίων καὶ προσελάσαντασ τῇ παρεμβολῇ τῆσ ἀποσκευῆσ κυριεῦσαι.

ὧν ὀξέωσ ποιησάντων τὸ προσταχθὲν καὶ παρεισπεσόντων εἰσ τὴν στρατοπεδείαν τῶν Μακεδόνων τῶν αἰχμαλώτων τινὲσ ἁρπάσαντεσ ὅπλα συνήργουν τοῖσ Σκύθαισ καὶ διήρπαζον τὰσ ἀποσκευάσ·

βοὴ δ’ ἦν καὶ ταραχὴ διὰ τὸ παράδοξον καθ’ ὅλην τὴν παρεμβολήν. αἱ μὲν οὖν ἄλλαι τῶν αἰχμαλωτίδων πρὸσ τοὺσ βαρβάρουσ ἀπεχώρουν, ἡ δὲ μήτηρ τοῦ Δαρείου Σισύγγαμβρισ παρακαλουσῶν αὐτὴν τῶν αἰχμαλωτίδων οὐ προσέσχεν, ἀλλ’ ἐφ’ ἡσυχίασ ἔμεινε φιλοφρόνωσ, οὔτε τῷ παραδόξῳ τῆσ τύχησ πιστεύσασα οὔτε τὴν πρὸσ Ἀλέξανδρον εὐχαριστίαν λυμαινομένη.

τέλοσ δὲ οἱ Σκύθαι πολλὴν τῆσ ἀποσκευῆσ διαρπάσαντεσ ἀφίππευσαν πρὸσ τοὺσ περὶ Μαζαῖον καὶ τὴν εὐημερίαν ἀπήγγειλαν.

ὁμοίωσ δὲ καὶ τῶν περὶ Δαρεῖον τεταγμένων ἱππέων τινὲσ καταπονήσαντεσ τῷ πλήθει τοὺσ ἀνθεστῶτασ Μακεδόνασ φεύγειν ἠνάγκασαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 57

(디오도로스 시켈로스, Library, book xvii, chapter 57)

상위

목록

SEARCH

MENU NAVIGATION