헬라어 문장 검색 - Διοδορ́Λιβραρψ́10́12́

(디오도로스 시켈로스, Library, book xvii, chapter 29)

ἐπ’ ἄρχοντοσ δ’ Ἀθήνησι Νικοκράτουσ ἐν Ῥώμῃ τὴν ὕπατον ἀρχὴν διεδέξατο Καίσων Οὐαλλέριοσ καὶ Λεύκιοσ Παπίριοσ. ἐπὶ δὲ τούτων Δαρεῖοσ χρημάτων πλῆθοσ ἐξέπεμψε τῷ Μέμνονι καὶ τοῦ πολέμου παντὸσ ἀπέδειξε στρατηγόν. ὁ δὲ μισθοφόρων πλῆθοσ ἀθροίσασ καὶ τριακοσίασ ναῦσ πληρώσασ ἐνεργῶσ διῴκει τὰ κατὰ τὸν πόλεμον.

Χῖον μὲν οὖν προσηγάγετο· πλεύσασ δ’ ἐπὶ Λέσβον Ἄντισσαν μὲν καὶ Μήθυμναν καὶ Πύρραν καὶ Ἐρεσσὸν ῥᾳδίωσ ἐχειρώσατο, τὴν δὲ Μιτυλήνην μεγάλην οὖσαν καὶ παρασκευαῖσ μεγάλαισ καὶ πλήθει τῶν ἀμυνομένων ἀνδρῶν κεχορηγημένην πολλὰσ ἡμέρασ πολιορκήσασ καὶ πολλοὺσ τῶν στρατιωτῶν ἀποβαλὼν μόγισ εἷλε κατὰ κράτοσ. εὐθὺ δὲ τῆσ περὶ τὸν στρατηγὸν ἐνεργείασ διαβοηθείσησ αἱ πλείουσ τῶν Κυκλάδων νήσων διεπρεσβεύοντο.

προσπεσούσησ δὲ φήμησ εἰσ τὴν Ἑλλάδα διότι Μέμνων μετὰ τοῦ στόλου μέλλει πλεῖν ἐπ’ Εὐβοίασ αἱ μὲν κατὰ τὴν νῆσον ταύτην πόλεισ περίφοβοι καθειστήκεισαν, οἱ δὲ τὰ τῶν Περσῶν αἱρούμενοι τῶν Ἑλλήνων, ἐν οἷσ ὑπῆρχον καὶ Σπαρτιᾶται, μετέωροι ταῖσ ἐλπίσιν ἐγίνοντο πρὸσ καινοτομίαν. ὁ δὲ Μέμνων χρήμασι διαφθείρων πολλοὺσ τῶν Ἑλλήνων ἔπεισε κοινωνεῖν τῶν Περσικῶν ἐλπίδων.

οὐ μὴν ἡ τύχη γ’ εἰάσεν ἐπὶ πλέον προελθεῖν τὴν τἀνδρὸσ ἀρετήν· ὁ γὰρ Μέμνων περιπεσὼν ἀρρωστίᾳ καὶ πάθει παραβόλῳ συσχεθεὶσ μετήλλαξε καὶ τῇ τούτου τελευτῇ συνετρίβη καὶ τὰ τοῦ Δαρείου πράγματα. προσεδόκησε μὲν γὰρ ὁ βασιλεὺσ μεταθήσεσθαι αὐτὸν τὸν πάντα πόλεμον ἐκ τῆσ Ἀσίασ εἰσ τὴν Εὐρώπην·

ὡσ δ’ ἤκουσε τὴν Μέμνονοσ τελευτήν, συνήγαγε τῶν φίλων συνέδριον καὶ προέθηκε βουλὴν πότερον δεῖ στρατηγοὺσ καὶ στρατιὰν καταπέμπειν ἐπὶ θάλατταν ἢ τὸν βασιλέα μετὰ πάσησ τῆσ δυνάμεωσ καταβάντα διαγωνίζεσθαι τοῖσ Μακεδόσιν. ἔνιοι μὲν οὖν ἔφασαν δεῖν αὐτὸν τὸν βασιλέα παρατάττεσθαι καὶ τὸ πλῆθοσ τῶν Περσῶν ἀπεφαίνοντο προθυμότερον ἀγωνιεῖσθαι·

Χαρίδημοσ δ’ Ἀθηναῖοσ, ἀνὴρ θαυμαζόμενοσ ἐπ’ ἀνδρείᾳ καὶ δεινότητι στρατηγίασ, συνεστράτευτο μὲν Φιλίππῳ τῷ βασιλεῖ καὶ πάντων τῶν ἐπιτευγμάτων ἀρχηγὸσ καὶ σύμβουλοσ γεγονὼσ ἦν, συνεβούλευεν δὲ τῷ Δαρείῳ μὴ προπετῶσ ἀποκυβεῦσαι περὶ τῆσ βασιλείασ, ἀλλ’ αὐτὸν μὲν τὸ βάροσ καὶ τὴν τῆσ Ἀσίασ ἀρχὴν συνέχειν, ἐπὶ δὲ τὸν πόλεμον ἀποστέλλειν στρατηγὸν πεῖραν δεδωκότα τῆσ ἰδίασ ἀρετῆσ. δύναμιν δ’ ἱκανὴν εἶναι δέκα μυριάδων, ἧσ τὸ τρίτον Ἕλληνασ ποιῆσαι μισθοφόρουσ, καὶ δι’ ἐμφάσεωσ αὐτὸσ ἀνεδέχετο κατορθώσειν τὴν ἐπιβολὴν ταύτην.

τὸ μὲν οὖν πρῶτον ὁ βασιλεὺσ συγκατετίθετο τοῖσ λεγομένοισ, μετὰ δὲ ταῦτα τῶν φίλων γενναιότερον ἀντειπόντων καὶ τὸν Χαρίδημον εἰσ ὑποψίαν ἀγόντων ὅτι τῆσ στρατηγίασ ὀρέγεται τυχεῖν, ὅπωσ τοῖσ Μακεδόσι προδῷ τὴν Περσῶν ἡγεμονίαν, ὁ μὲν Χαρίδημοσ παροργισθεὶσ καὶ προχειρότερον ὀνειδίσασ τὴν Περσῶν ἀνανδρίαν ἐποίησεν ἐπὶ πλεῖον προσκόψαι τὸν βασιλέα τοῖσ λόγοισ, τοῦ θυμοῦ δὲ τὸ συμφέρον ἀφαιρουμένου ὁ μὲν Δαρεῖοσ ἐπιλαβόμενοσ τῆσ τοῦ Χαριδήμου ζώνησ κατὰ τὸν τῶν Περσῶν νόμον παρέδωκε τοῖσ ὑπηρέταισ καὶ προσέταξεν ἀποκτεῖναι, ὁ δὲ Χαρίδημοσ ἀπαγόμενοσ ἐπὶ τὸν θάνατον ἀνεβόησεν μεταμελήσειν ταῦτα ταχὺ τῷ βασιλεῖ καὶ τῆσ ἀδίκου τιμωρίασ αὐτοῦ σύντομον ἕξειν τὴν κόλασιν, ἐπιδόντα τὴν κατάλυσιν τῆσ βασιλείασ.

Χαρίδημοσ μὲν οὖν μεγάλων ἐλπίδων ἐκπεσὼν διὰ παρρησίαν ἄκαιρον τοιαύτην ἔσχε τὴν τοῦ βίου καταστροφήν·

ὁ δὲ βασιλεὺσ ἀνέντοσ τοῦ θυμοῦ τὴν ψυχὴν εὐθὺσ μετενόησε καὶ κατεμέμψατο ἑαυτὸν ὡσ τὰ μέγιστα ἡμαρτηκότα.

ἀλλ’ οὐ γὰρ ἦν δυνατὸν τὸ γεγονὸσ διὰ τῆσ βασιλικῆσ ἐξουσίασ ἀγένητον κατασκευάσαι. διόπερ ὀνειροπολούμενοσ ταῖσ Μακεδόνων ἀρεταῖσ καὶ τὴν ἐνέργειαν τὴν Ἀλεξάνδρου πρὸ ὀφθαλμῶν λαμβάνων ἐζήτει στρατηγὸν ἀξιόχρεων τὸν διαδεξόμενον τὴν τοῦ Μέμνονοσ ἡγεμονίαν·

οὐ δυνάμενοσ δ’ εὑρεῖν αὐτὸσ ἠναγκάζετο καταβαίνειν εἰσ τὸν ὑπὲρ τῆσ βασιλείασ κίνδυνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 29

(디오도로스 시켈로스, Library, book xvii, chapter 29)

상위

목록

SEARCH

MENU NAVIGATION