헬라어 문장 검색 - Διοδορ́Λιβραρψ́10́37́

(디오도로스 시켈로스, Library, book xvii, chapter 68)

ἐντεῦθεν δ’ ἀναζεύξασ προῆγεν ἐπὶ τὴν Περσίδα καὶ πεμπταῖοσ ἧκεν ἐπὶ τὰσ Σουσιάδασ καλουμένασ πέτρασ. ταύτασ δὲ προκατειληφὼσ ἦν ὁ Ἀριοβαρζάνησ μετὰ στρατιωτῶν πεζῶν μὲν δισμυρίων καὶ πεντακισχιλίων, ἱππέων δὲ τριακοσίων. ὁ δὲ βασιλεὺσ δόξασ τῇ βίᾳ κρατήσειν τῆσ πύλησ προῆγε διὰ τόπων στενῶν καὶ τραχέων οὐδενὸσ παρενοχλοῦντοσ.

οἱ δὲ βάρβαροι μέχρι μέν τινοσ εἰών αὐτὸν διαπορεύεσθαι τὰσ παρόδουσ, ἐπεὶ δὲ εἰσ μέσασ τὰσ δυσχωρίασ ἧκον, ἄφνω τὴν ἐπίθεσιν ἐποιοῦντο καὶ πολλοὺσ μὲν ἁμαξιαίουσ λίθουσ ἐπεκύλιον, οἳ προσπίπτοντεσ ἄφνω τοῖσ Μακεδόσιν ἀθρόοισ πολλοὺσ διέφθειρον, οὐκ ὀλίγοι δ’ ἀπὸ τῶν κρημνῶν ἀκοντίζοντεσ εἰσ πεπυκνωμένουσ οὐκ ἀπετύγχανον τῶν σκοπῶν· ἄλλοι δ’ ἐκ χειρὸσ τοῖσ λίθοισ βάλλοντεσ τοὺσ βιαζομένουσ τῶν Μακεδόνων ἀνέστελλον. πολλὰ δ’ αὐτοῖσ τῆσ δυσχωρίασ συνεργούσησ ἐπλεονέκτουν καὶ συχνοὺσ μὲν ἀπέκτεννον, οὐκ ὀλίγουσ δὲ κατετίτρωσκον. ὁ δ’ Ἀλέξανδροσ τῇ δεινότητι τοῦ πάθουσ ἀδυνατῶν βοηθεῖν καὶ θεωρῶν μηδένα τῶν πολεμίων μήτε τεθνηκότα μήτε ὅλωσ τετρωμένον, τῶν δὲ ἰδίων ἀπολωλότασ μὲν πολλούσ, κατατετρωμένουσ δὲ σχεδὸν ἅπαντασ τοὺσ προσβάλλοντασ ἀνεκαλέσατο τῇ σάλπιγγι τοὺσ στρατιώτασ ἀπὸ τῆσ μάχησ.

ἀναχωρήσασ δὲ ἀπὸ τῶν παρόδων σταδίουσ τριακοσίουσ κατεστρατοπέδευσε καὶ παρὰ τῶν ἐγχωρίων ἐπυνθάνετο μή τισ ἑτέρα ἐστὶ διεκβολή.

πάντων δ’ ἀποφαινομένων δίοδον μὲν μηδεμίαν ἄλλην ὑπάρχειν, περίοδον δὲ εἶναι πολλῶν ἡμερῶν αἰσχρὸν εἶναι νομίσασ ἀτάφουσ ἀπολιπεῖν τοὺσ τετελευτηκότασ καὶ τὴν αἴτησιν τῶν νεκρῶν οὖσαν ὁρῶν ἀσχήμονα καὶ περιέχουσαν ἥττησ ὁμολόγησιν προσέταξεν ἀναγαγεῖν ἅπαντασ τοὺσ αἰχμαλώτουσ. ἐν δὲ τούτοισ ἧκεν ὑπαγόμενοσ ἀνὴρ δίγλωττοσ, εἰδὼσ τὴν Περσικὴν διάλεκτον·

οὗτοσ δὲ ἑαυτὸν ἀπεφαίνετο Λύκιον μὲν εἶναι τὸ γένοσ, αἰχμάλωτον δὲ γενόμενον ποιμαίνειν κατὰ τὴν ὑποκειμένην ὀρεινὴν ἔτη πλείω· δι’ ἣν αἰτίαν ἔμπειρον γενέσθαι τῆσ χώρασ καὶ δύνασθαι τὴν δύναμιν ἀγαγεῖν διὰ τῆσ καταδένδρου καὶ κατόπιν ποιῆσαι τῶν τηρούντων τὰσ παρόδουσ. ὁ δὲ βασιλεὺσ μεγάλαισ δωρεαῖσ τιμήσειν ἐπαγγειλάμενοσ τὸν ἄνδρα τούτου καθηγουμένου διῆλθεν ἐπιπόνωσ τὴν ὀρεινὴν νυκτὸσ πολλὴν μὲν πατήσασ χιόνα, πᾶσαν δὲ κρημνώδη χώραν περάσασ, χαράδραισ βαθείαισ καὶ πολλαῖσ φάραγξι διειλημμένην.

ἐπιφανεὶσ δὲ ταῖσ προφυλακαῖσ τῶν πολεμίων τοὺσ μὲν πρώτουσ κατέκοψε, τοὺσ δ’ ἐπὶ τῆσ δευτέρασ φυλακῆσ τεταγμένουσ ἐζώγρησε, τοὺσ δὲ τρίτουσ τρεψάμενοσ ἐκράτησε τῶν παρόδων καὶ τοὺσ πλείστουσ τῶν περὶ τὸν Ἀριοβαρζάνην ἀπέκτεινε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 68

(디오도로스 시켈로스, Library, book xvii, chapter 68)

상위

목록

SEARCH

MENU NAVIGATION