헬라어 문장 검색 - Διοδορ́Λιβραρψ́10́43́

(디오도로스 시켈로스, Library, book xvii, chapter 78)

ὅμωσ δὲ πολλῶν αὐτῷ μεμψιμοιρούντων τούτουσ μὲν ταῖσ δωρεαῖσ ἐθεράπευεν, αὐτὸσ δὲ πυθόμενοσ τὸν Ἀρείασ σατράπην Σατιβαρζάνην ἀνῃρηκέναι μὲν τοὺσ καταλελειμμένουσ ὑπ’ αὐτοῦ στρατιώτασ, συμφρονεῖν δὲ Βήσσῳ καὶ κεκρικέναι μετ’ αὐτοῦ διαπολεμεῖν Μακεδόσιν ἐστράτευσεν ἐπ’ αὐτόν. ὁ δὲ Σατιβαρζάνησ τὴν μὲν δύναμιν ἤθροισεν εἰσ Χορτάκανα, πόλιν ἐπιφανεστάτην τῶν ἐν τούτοισ τοῖσ τόποισ καὶ φυσικῇ διαφέρουσαν ὀχυρότητι, τοῦ δὲ βασιλέωσ ἐγγίσαντοσ κατεπλάγη τό τε μέγεθοσ τῆσ δυνάμεωσ καὶ τὰσ διαβεβοημένασ τῶν Μακεδόνων ἀνδραγαθίασ. διόπερ αὐτὸσ μὲν μετὰ δισχιλίων ἱππέων ἐξίππευσε πρὸσ Βῆσσον, παρακαλέσων βοηθεῖν κατὰ τάχοσ, τοῖσ δ’ ἄλλοισ παρήγγειλε καταφυγεῖν εἰσ ὄροσ καλούμενον, ἔχον πολλὰσ δυσχωρίασ καὶ καταφυγὰσ εὐθέτουσ τοῖσ μὴ τολμῶσι κατὰ στόμα διακινδυνεύειν.

ὧν πραξάντων τὸ παραγγελθὲν ὁ βασιλεὺσ τῇ συνήθει φιλοτιμίᾳ χρησάμενοσ καὶ τοὺσ καταφυγόντασ εἴσ τινα πέτραν ὀχυρὰν καὶ μεγάλην πολιορκήσασ ἐνεργῶσ ἠνάγκασεν ἑαυτοὺσ παραδοῦναι.

μετὰ δὲ ταῦτα πάσασ τὰσ κατὰ τὴν σατραπείαν ταύτην πόλεισ ἐν τριάκονθ’ ἡμέραισ κατακτησάμενοσ προῆγεν ἐκ τῆσ Ὑρκανίασ καὶ διανύσασ εἰσ τὰ βασίλεια τῆσ Δραγγινῆσ ἐνταῦθα διέτριβε καὶ τὴν δύναμιν ἀνελάμβανε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 78

(디오도로스 시켈로스, Library, book xvii, chapter 78)

상위

목록

SEARCH

MENU NAVIGATION