Diodorus Siculus, Library, book xvii, chapter 114

(디오도로스 시켈로스, Library, book xvii, chapter 114)

ἀπολύσασ δὲ τὰσ πρεσβείασ περὶ τὴν ταφὴν ἐγίνετο τοῦ Ἡφαιστίωνοσ. τοσαύτην δὲ σπουδὴν ἐποιήσατο πρὸσ τὴν τῆσ ἐκφορᾶσ ἐπιμέλειαν ὥστε μὴ μόνον τὰσ προγεγενημένασ παρ’ ἀνθρώποισ ταφὰσ ὑπερβαλέσθαι, ἀλλὰ καὶ τοῖσ ἐσομένοισ μηδεμίαν ὑπέρθεσιν καταλιπεῖν. καὶ γὰρ ἠγάπησεν αὐτὸν μάλιστα τῶν ἐν στοργῇ φίλων δοξαζομένων καὶ μετὰ τὴν τελευτὴν ἐτίμησεν αὐτὸν ἀνυπερβλήτωσ. ζῶντα μὲν γὰρ προετίμησε πάντων τῶν φίλων, καίπερ Κρατεροῦ φιλίαν ἔχοντοσ ἐνάμιλλον. ἐπεὶ γάρ τισ τῶν ἑταίρων εἶπεν μηδὲν καταδεέστερον Ἡφαιστίωνοσ τὸν Κρατερὸν στέργεσθαι, ἐπεφθέγξατο Κρατερὸν μὲν γὰρ εἶναι φιλοβασιλέα, Ἡφαιστίωνα δὲ φιλαλέξανδρον.

τῆσ δὲ Δαρείου μητρὸσ κατὰ τὴν πρώτην ἔντευξιν διὰ τὴν ἄγνοιαν προσκυνούσησ τὸν Ἡφαιστίωνα ὡσ ὄντα βασιλέα καὶ μετὰ τὴν ἐπίγνωσιν διατρεπομένησ εἶπεν, μηδὲν φροντίσῃσ, ὦ μῆτερ· καὶ γὰρ καὶ οὗτοσ Ἀλέξανδροσ. καθόλου γὰρ ὁ Ἡφαιστίων τοσαύτησ ἐξουσίασ καὶ φιλικῆσ ἐκοινώνει παρρησίασ ὡσ τῆσ Ὀλυμπιάδοσ ἀλλοτρίωσ ἐχούσησ πρὸσ αὐτὸν διὰ τὸν φθόνον καὶ κατὰ τὰσ ἐπιστολὰσ ἐπιτιμώσησ αὐτῷ σκληρότερον καὶ ἀπειλούσησ τά τε ἄλλα γράψαι πρὸσ αὐτὴν ἐπιπληκτικῶσ καὶ κατὰ τὴν ἐπιστολὴν ἐπὶ τελευτῆσ θεῖναι ταῦτα.

"καὶ πρὸσ ἡμᾶσ παύου διαβαλλομένη καὶ μὴ χαλέπαινε μηδὲ ἀπείλει· "εἰ δὲ μή, μετρίωσ ἡμῖν μελήσει· "οἶδασ γὰρ ὅτι Ἀλέξανδροσ κρείττων ἁπάντων. ὁ δ’ οὖν βασιλεὺσ τὰ πρὸσ τὴν ἐκφορὰν παρασκευαζόμενοσ ταῖσ μὲν πλησίον πόλεσι προσέταξε κατὰ δύναμιν συμβάλλεσθαι πρὸσ τὸν τῆσ ἐκφορᾶσ κόσμον, πᾶσι δὲ τοῖσ κατὰ τὴν Ἀσίαν οἰκοῦσι προσέταξεν τὸ παρὰ τοῖσ Πέρσαισ ἱερὸν πῦρ καλούμενον ἐπιμελῶσ σβέσαι, μέχρι ἂν τελέσῃ τὴν ἐκφοράν·

τοῦτο δὲ εἰώθασιν οἱ Πέρσαι ποιεῖν κατὰ τὰσ τῶν βασιλέων τελευτάσ. τὸ δὲ πλῆθοσ χαλεπὸν οἰωνὸν ἐτίθετο τὸ πρόσταγμα καὶ τὸ θεῖον ὑπελάμβανον προσημαίνειν τὸν τοῦ βασιλέωσ θάνατον.

ἐγένετο δὲ καὶ ἄλλα σημεῖα παράδοξα προδηλοῦντα τὴν Ἀλεξάνδρου τελευτήν, περὶ ὧν μικρὸν ὕστερον ἐροῦμεν, ὅταν τὸν περὶ τῆσ ἐκφορᾶσ λόγον ἀποδῶμεν. τῶν γὰρ ἡγεμόνων καὶ φίλων ἕκαστοσ στοχαζόμενοσ τῆσ τοῦ βασιλέωσ ἀρεσκείασ κατεσκεύαζεν εἴδωλα δι’ ἐλέφαντοσ καὶ χρυσοῦ καὶ τῶν ἄλλων τῶν θαυμαζομένων παρ’ ἀνθρώποισ, αὐτὸσ δὲ τοὺσ ἀρχιτέκτονασ ἀθροίσασ καὶ λεπτουργῶν πλῆθοσ τοῦ μὲν τείχουσ καθεῖλεν ἐπὶ δέκα σταδίουσ, τὴν δ’ ὀπτὴν πλίνθον ἀναλεξάμενοσ καὶ τὸν δεχόμενον τὴν πυρὰν τόπον ὁμαλὸν κατασκευάσασ ᾠκοδόμησε τετράπλευρον πυράν, σταδιαίασ οὔσησ ἑκάστησ πλευρᾶσ.

εἰσ τριάκοντα δὲ δόμουσ διελόμενοσ τὸν τόπον καὶ καταστρώσασ τὰσ ὀροφὰσ φοινίκων στελέχεσι τετράγωνον ἐποίησε πᾶν τὸ κατασκεύασμα.

μετὰ δὲ ταῦτα περιετίθει τῷ περιβόλῳ παντὶ κόσμον, οὗ τὴν μὲν κρηπῖδα χρυσαῖ πεντηρικαὶ πρῷραι συνεπλήρουν, οὖσαι τὸν ἀριθμὸν διακόσιαι τεσσαράκοντα, ἐπὶ δὲ τῶν ἐπωτίδων ἔχουσαι δύο μὲν τοξότασ εἰσ γόνυ κεκαθικότασ τετραπήχεισ, ἀνδριάντασ δὲ πενταπήχεισ καθωπλισμένουσ, τοὺσ δὲ μεταξὺ τόπουσ φοινικίδεσ ἀνεπλήρουν πιληταί. ὑπεράνω δὲ τούτων τὴν δευτέραν ἐπανεῖχον χώραν δᾷδεσ πεντεκαιδεκαπήχεισ, κατὰ μὲν τὴν λαβὴν ἔχουσαι χρυσοῦσ στεφάνουσ, κατὰ δὲ τὴν ἐκφλόγωσιν ἀετοὺσ διαπεπετακότασ τὰσ πτέρυγασ καὶ κάτω νεύοντασ, παρὰ δὲ τὰσ βάσεισ δράκοντασ ἀφορῶντασ τοὺσ ἀετούσ.

κατὰ δὲ τὴν τρίτην περιφορὰν κατεσκεύαστο ζῴων παντοδαπῶν πλῆθοσ κυνηγουμένων. ἔπειτα ἡ μὲν τετάρτη χώρα κενταυρομαχίαν χρυσῆν εἶχεν, ἡ δὲ πέμπτη λέοντασ καὶ ταύρουσ ἐναλλὰξ χρυσοῦσ.

τὸ δ’ ἀνώτερον μέροσ ἐπεπλήρωτο Μακεδονικῶν καὶ βαρβαρικῶν ὅπλων, ὧν μὲν τὰσ ἀνδραγαθίασ, ὧν δὲ τὰσ ἥττασ σημαινόντων. ἐπὶ πᾶσι δὲ ἐφειστήκεισαν Σειρῆνεσ διάκοιλοι καὶ δυνάμεναι λεληθότωσ δέξασθαι τοὺσ ἐν αὐταῖσ ὄντασ καὶ ᾄδοντασ ἐπικήδιον θρῆνον τῷ τετελευτηκότι. τὸ δ’ ὕψοσ ἦν ὅλου τοῦ κατασκευάσματοσ πήχεισ πλείουσ τῶν ἑκατὸν τριάκοντα.

καθόλου δὲ τῶν τε ἡγεμόνων καὶ τῶν στρατιωτῶν ἁπάντων καὶ τῶν πρέσβεων, ἔτι δὲ τῶν ἐγχωρίων φιλοτιμηθέντων εἰσ τὸν τῆσ ἐκφορᾶσ κόσμον φασὶ τὸ πλῆθοσ τῶν ἀναλωθέντων χρημάτων γεγονέναι πλείω τῶν μυρίων καὶ δισχιλίων ταλάντων. ἀκολούθωσ δὲ ταύτῃ τῇ μεγαλοπρεπείᾳ καὶ τῶν ἄλλων γενομένων κατὰ τὴν ἐκφορὰν τιμῶν τὸ τελευταῖον προσέταξεν ἅπασι θύειν Ἡφαιστίωνι θεῷ παρέδρῳ·

καὶ γὰρ κατὰ τύχην ἧκεν εἷσ τῶν φίλων Φίλιπποσ, χρησμὸν φέρων παρ’ Ἄμμωνοσ θύειν Ἡφαιστίωνι θεῷ. διόπερ γενόμενοσ περιχαρὴσ ἐπὶ τῷ καὶ τὸν θεὸν κεκυρωκέναι τὴν αὐτοῦ γνώμην πρῶτοσ τὴν θυσίαν ἐπετέλεσεν καὶ τὸ πλῆθοσ λαμπρῶσ ὑπεδέξατο, μύρια τὸν ἀριθμὸν θύσασ ἱερεῖα παντοδαπά.

일치하는 문장이 없습니다.

SEARCH

MENU NAVIGATION