Diodorus Siculus, Library, book xvii, chapter 17

(디오도로스 시켈로스, Library, book xvii, chapter 17)

ἐπ’ ἄρχοντοσ δ’ Ἀθήνησι Κτησικλέουσ Ῥωμαῖοι μὲν ὑπάτουσ κατέστησαν Γάιον Σουλπίκιον καὶ Λεύκιον Παπίριον. Ἀλέξανδροσ δὲ μετὰ τῆσ δυνάμεωσ πορευθεὶσ ἐπὶ τὸν Ἑλλήσποντον διεβίβασε τὴν δύναμιν ἐκ τῆσ Εὐρώπησ εἰσ τὴν Ἀσίαν. αὐτὸσ δὲ μακραῖσ ναυσὶν ἑξήκοντα καταπλεύσασ πρὸσ τὴν Τρῳάδα χώραν πρῶτοσ τῶν Μακεδόνων ἀπὸ τῆσ νεὼσ ἠκόντισε μὲν τὸ δόρυ, πήξασ δ’ εἰσ τὴν γῆν καὶ αὐτὸσ ἀπὸ τῆσ νεὼσ ἀφαλλόμενοσ παρὰ τῶν θεῶν ἀπεφαίνετο τὴν Ἀσίαν δέχεσθαι δορίκτητον.

καὶ τοὺσ μὲν τάφουσ τῶν ἡρώων Ἀχιλλέωσ τε καὶ Αἰάντοσ καὶ τῶν ἄλλων ἐναγίσμασι καὶ τοῖσ ἄλλοισ τοῖσ πρὸσ εὐδοξίαν ἀνήκουσιν ἐτίμησεν, αὐτὸσ δὲ τὸν ἐξετασμὸν τῆσ ἀκολουθούσησ δυνάμεωσ ἀκριβῶσ ἐποιήσατο.

εὑρέθησαν δὲ πεζοὶ Μακεδόνεσ μὲν μύριοι καὶ δισχίλιοι, σύμμαχοι δὲ ἑπτακισχίλιοι, μισθοφόροι δὲ πεντακισχίλιοι, καὶ τούτων ἁπάντων Παρμενίων εἶχε τὴν ἡγεμονίαν. Ὀδρύσαι δὲ καὶ Τριβαλλοὶ καὶ Ἰλλυριοὶ συνηκολούθουν ἑπτακισχίλιοι, τοξοτῶν δὲ καὶ τῶν Ἀγριάνων καλουμένων χίλιοι, ὥστε τοὺσ ἅπαντασ εἶναι πεζοὺσ τρισμυρίουσ καὶ δισχιλίουσ.

ἱππεῖσ δ’ ὑπῆρχον Μακεδόνεσ μὲν χίλιοι καὶ ὀκτακόσιοι, Φιλώτου τοῦ Παρμενίωνοσ ἡγουμένου, Θετταλοὶ δὲ χίλιοι καὶ ὀκτακόσιοι, ὧν ἡγεῖτο Κάλλασ ὁ Ἁρπάλου, τῶν δ’ ἄλλων Ἑλλήνων οἱ πάντεσ ἑξακόσιοι, ὧν ἡγεῖτο Ἐρίγυιοσ, Θρᾷκεσ δὲ πρόδρομοι καὶ Παίονεσ ἐννακόσιοι, Κάσανδρον ἔχοντεσ ἡγεμόνα, ὥστε τοὺσ σύμπαντασ ὑπάρχειν ἱππεῖσ τετρακισχιλίουσ καὶ πεντακοσίουσ. οἱ μὲν οὖν μετ’ Ἀλεξάνδρου διαβάντεσ εἰσ τὴν Ἀσίαν τοσοῦτοι τὸ πλῆθοσ ἦσαν. οἱ δ’ ἐπὶ τῆσ Εὐρώπησ ἀπολελειμμένοι στρατιῶται, ὧν Ἀντίπατροσ εἶχε τὴν ἡγεμονίαν, πεζοὶ μὲν ὑπῆρχον μύριοι καὶ δισχίλιοι, ἱππεῖσ δὲ χίλιοι καὶ πεντακόσιοι.

τοῦ δὲ βασιλέωσ ἀναζεύξαντοσ ἐκ τῆσ Τρῳάδοσ καὶ καταντήσαντοσ πρὸσ τὸ τέμενοσ τῆσ Ἀθηνᾶσ ὁ μὲν θύτησ Ἀλέξανδροσ κατανοήσασ πρὸ τοῦ νεὼ κειμένην εἰκόνα χαμαὶ τοῦ Φρυγίασ ποτὲ σατραπεύσαντοσ Ἀριοβαρζάνου καί τινων οἰωνῶν αἰσίων ἄλλων ἐπιγενομένων προσῆλθε τῷ βασιλεῖ καὶ νικήσειν αὐτὸν ἱππομαχίᾳ μεγάλῃ διεβεβαιοῦτο καὶ μάλιστ’, ἂν τύχῃ περὶ τὴν Φρυγίαν ἀγωνισάμενοσ.

προσετίθει δὲ καὶ διότι ταῖσ ἰδίαισ χερσὶν ἀποκτενεῖ μαχόμενοσ ἐν παρατάξει στρατηγὸν ἐπιφανῆ τῶν πολεμίων·

ταῦτα γὰρ αὐτῷ προσημαίνειν τοὺσ θεοὺσ καὶ μάλιστα τὴν Ἀθηνᾶν, ἣν καὶ συνεργήσειν ἐν τοῖσ εὐημερήμασιν.

일치하는 문장이 없습니다.

SEARCH

MENU NAVIGATION