헬라어 문장 검색 - Διοδορ́Λιβραρψ́10́16́

(디오도로스 시켈로스, Library, book xvii, chapter 35)

νυκτὸσ δ’ ἐπιλαβούσησ οἱ μὲν Πέρσαι ῥᾳδίωσ διεσπάρησαν εἰσ πολλοὺσ τόπουσ, οἱ δὲ Μακεδόνεσ παυσάμενοι τοῦ διωγμοῦ πρὸσ ἁρπαγὴν ὡρ́μησαν καὶ μάλιστα περὶ τὰσ βασιλικὰσ σκηνὰσ διὰ τὸ πλῆθοσ τῆσ πολυτελείασ ἠσχολοῦντο. διόπερ πολὺσ μὲν ἄργυροσ, οὐκ ὀλίγοσ δὲ χρυσόσ, παμπληθεῖσ δὲ καὶ πολυτελεῖσ ἐσθῆτεσ ἐκ τῆσ βασιλικῆσ γάζησ διεφοροῦντο.

ὁμοίωσ δὲ καὶ τῶν τοῦ βασιλέωσ φίλων καὶ συγγενῶν καὶ τῶν ἄλλων ἡγεμόνων οὐκ ὀλίγοσ διηρπάγη πλοῦτοσ. οὐ μόνον γὰρ αἱ τῆσ βασιλικῆσ οἰκίασ, ἀλλὰ καὶ αἱ τῶν συγγενῶν καὶ φίλων γυναῖκεσ ἐφ’ ἁρμάτων ὀχούμεναι καταχρύσων συνηκολούθουν κατά τι πάτριον ἔθοσ τῶν Περσῶν·

ἑκάστη δὲ τούτων διὰ τὴν ὑπερβολὴν τοῦ πλούτου καὶ τῆσ τρυφῆσ περιήγετο πλῆθοσ πολυδαπάνου κατασκευῆσ καὶ γυναικείου κόσμου.

πάθοσ δ’ ἦν δεινότατον περὶ τὰσ αἰχμαλωτιζομένασ γυναῖκασ. αἱ γὰρ πρότερον διὰ τρυφὴν ἐπ’ ἀπήναισ πολυτελέσι μόγισ κατακομιζόμεναι καὶ γυμνὸν μέροσ τοῦ σώματοσ οὐδὲν φαίνουσαι, τότε μονοχίτωνεσ καὶ τὰσ ἐσθῆτασ περιρρήττουσαι μετ’ ὀδυρμῶν ἐκ τῶν σκηνῶν ἐξεπήδων, ἐπιβοώμεναι θεοὺσ καὶ προσπίπτουσαι τοῖσ τῶν κρατούντων γόνασι.

περιαιρούμεναι δὲ ταῖσ χερσὶ τρεμούσαισ τὸν τοῦ σώματοσ κόσμον καὶ τὰσ κόμασ ἀνειμέναι διὰ τόπων τραχέων ἔθεον καὶ πρὸσ ἀλλήλασ συντρέχουσαι βοηθοὺσ ἐπεκαλοῦντο τὰσ παρ’ ἑτέρων ἐπικουρίασ δεομένασ.

ἦγον δ’ αὐτὰσ οἱ μὲν ἀπὸ τῆσ κόμησ ἐπισπώμενοι τὰσ ἠτυχηκυίασ, οἱ δὲ τὰσ ἐσθῆτασ περιρηγνύντεσ καὶ γυμνοῖσ τοῖσ σώμασιν ἐπιβάλλοντεσ τὰσ χεῖρασ καὶ ταῖσ στάθμαισ τῶν δοράτων τύπτοντεσ καὶ τὰ τιμιώτατα καὶ περιβόητα τῶν βαρβάρων ταῖσ τῆσ τύχησ δωρεαῖσ ὑβρίζοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 35

(디오도로스 시켈로스, Library, book xvii, chapter 35)

상위

목록

SEARCH

MENU NAVIGATION